Novas Deporte Escolar

O Tyde Futbol Club viaxe a Verslmond.

Varios alumnos do C.E.I.P. Nº2 de Tui, atópanse na cidade alemana de Verslmond, co equipo Alevín do Tyde Fútbol Club, xogando un torneo internacional que se realiza entre o 8 e o 12 de xuño de 2023. Este convite ven da boa relación que  o equipo tudense estableceu co equipo anfitrión desta cidade. 

Aquí vos deixamos fotos da recepción do equipo no Concello de Tui e xa en Verslmond.

Desexarlle a todo o equipo a mellor das sortes e que sobre todo o pasen ben.

Faille Click ao teu bocata.

O luns 5, martes 6 e mércores 7 de xuño de 2023, o alumnado do CEIP Nº2 DE TUI viviu, unha mágnifica experiencia cos responsables do programa "Faille Click ao teu Bocata". Aprenderon moitas cousas sobre as conservas, xogaron e mesmo probaron un exquisito bocata. Aquí vos damos mostra de este momento.

Carreira Solidaria Save the Children

Sábado 10 de xuño 2023 ( Tui )

              O sábado, día  10 de xuño de 2023, a partires das 10:30h, vai ter lugar a Carreira Save The Children no Paseo da Corredeira, organizada polo CEIP Nº1 de Tui, coa colaboración do Club Atletismo Tui-Thermalia e o Concello de Tui.  Gustaríanos contar con un gran número de participantes, xa que é aquí en Tui. Os/as nenos/as e familias que se animen a participar terán que realizar a inscripción no seguinte enlace: https://clubatletismotui.wordpress.com/, na recollida do dorsal, realizarase un donativo a Save The Children, que será a beneficiaria de todo o importe recaudado. 

Excursión Acuario do Grove.

6-Xuño-2023

Educación Infantil.

O alumnado de Educación Infantil realizou o día 6 de xuño de 2023, unha visita ao acuario do Grove, como visita final do proxecto do mar, levado a cabo na escola. Alí viron os peixes, as súas especies e fixeron moitos xogos divertidos.

Tamén tivemos oportunidade de ir ver o mar e ter contacto coa area. Pasárono moi ben.

Camiño de Santiago Saudable, Deportivo e Escolar

Luns 5 de xuño de 2023.

 O pasado luns día 5 de xuño de 2023 tivo lugar a ruta do Camiño de Santiago Saudable, Deportivo e Escolar, para todo o alumnado de 3º. Levouse a cabo en horario de 9:15 a 14:10h. Consistiu nun paseo con probas  dende o colexio pola cidade de Tui e volta ao centro educativo, tendo lugar diversas probas e xogos do Camiño de Santiago durante a actividade.

Unha xornada onde o alumnado coñeceu patrimonio, experimentou sensacións e investigou sobre o Camiño.

Ruta do Río Lagartón

Martes 30 de maio 2023.

 O pasado, martes día 30 de xuño de 2023  tivo lugar a ruta do Río Lagartón, para todo o alumnado de 2º. Tivo lugar en horario de 9:15 a 14:15h. Consistiu nun paseo,  dende o colexio polo Camiño de Santiago, Veiga do Louro, Río Lagartón e volta ao centro educativo, tendo lugar diversas probas e xogos durante a actividade.

Unha fantástica xornada onde todo o alumnado gozou das propostas, da natureza, das árbores, prantas e alimentación saudable, facendo unha boa xestión dos residuos. 

Moitas grazas a Raquel, Noelia, Nick, Paula e Elena, grazas a eles todo foi máis doado.

VIII Triatlón Tui-Porriño.

Sábado 27 de maio de 2023

Marina de Tui

O pasado sábado día 27 de xuño de 2023  tivo lugar o VIII Triatlón Tui-Porriño, a proba de natación e a transición ás bicicletas tivo lugar nas inmediacións da Marina e o Club San Telmo, a partires das 16:30h.

Dende o equipo de Deporte Escolar do Ceip Nº2 de Tui estivemos participando na proba de apoio como voluntarios. O alumnado de 6º foi o encargado de recoller a transición, un traballo importante.

Tivemos oportunidade de fotografiarnos co gran triatleta Javier Gómez Noya padriño da proba e gañador dunha prata nas olimpiadas de Londres 2012 e varios campionatos do mundo e de Europa. Grazas a todo o equipo de alumn@s voluntarios.

PLANTACIÓN DE ÁRBORES FRONDOSAS PARA REFORESTAR.

Nos talleres de inauguración do proxecto, unha das actividades foi plantar frondosas: castañas, noces, améndoas…

De todas as que plantamos, que foron unhas 380, un por cada estudante,  naceron uns 50 castaños e un piñeiro.

Xa os transplantamos a tarriños máis grandes, porque estaban a precisar máis terra con nutrientes.

Falamos coa comunidade de montes e aconsellounos deixalos crecer un pouco máis, e de cara ao curso que ben, organizar unha xornada de reforestación e buscarlles un novo fogar a estes castaños, e así o faremos.

Ti si que es un bo peixe.

O 18 e 19 de maio de 2023, tivemos na escola unha visita moi especial, viñeron os amigos de "ti si que es un bo peixe".

 Eles falaronnos da importancia que teñen o mar e as rías galegas, como base dunha alimentación equilibrada. Aprendemos os diferentes artes de pesca, e a variedade de peixes coa súa importancia en aporte enerxético.

Todo o alumnado gozamos coas súas actividades.

DEPORTE ESCOLAR.

Xornada de Atletismo en pista

 A Macoca ( Pazos de Reis)

Curso 22-23

Venres 19 de maio de 2023

 O pasado venres, día 19 de maio de 2019 teivo lugar nas instalación da A Macoca a xornada de Atletismo en pista para o alumnado de 5ºA e 5ºB.

Unha xornada na que participamos en lanzamento de vortex, lanzamento de peso, salto de lonxitude, carreira de 60m, carreira de 500m  e proba de relevos.

Atoparedes información sobre os resultados e máis fotos se pinchades aquí.

Letras Galegas 23

18 de maio 2023.

Consertassso de Brais das Hortas.

O pasado xoves 18 de maio de 2023, contamos na escola con Brais das Hortas, un consertassso na nosa horta, onde nos naturalizamos coas súas cancións adicadas a horta: Plantamos kiwis, fixemos compost, practicamos actividade físico-saudable co seu "Sachozumba", desbrozamos, sementamos, cos pes na terra.  Un superconsertasso que nos meteu o ritmo da horta no corpo.

Gracias Brais pola túa música.

DEPORTE ESCOLAR.

Xornada de Atletismo en pista

 A Macoca ( Pazos de Reis)

Curso 22-23

Venres 19 de maio de 2023

 O vindeiro venres, día 19 de maio de 2019 terá lugar nas instalación da A Macoca a xornada de Atletismo en pista que se levara a cabo de 9:15 a 13:45h aproximadamente e os cursos participantes serán 5ºA e 5ºB

Os/as  nenos/as que vaian participar nesta actividade terán que traer: Chandal ( o do cole se tiveran), equipación do mesmo, gorra, e merenda.

BATIDO DE FRESAS DA NOSA ECOHORTA

Que ledicia ver que os esforzos dan o seu proveito. Os cativos de primeiro recolleron o pasado venres 12 maio a primeira colleita das fresas que plantaron. Con elas fixeron un batido de fresas e leite no eco-comedor que deixou un cheiro exquisito en todo o colexio. Puideron ver, tocar e cheirar as fresas e incluso puxeron en xogo o sentido do oído co son do batedor.

RESTAURANTE TAPERÍA “LA DE MANU”

Os cativos de 2º tiveron a sorte de ser convidados por Manu Garrido ao seu restaurante “La de Manu”, un exemplo a seguir na nosa zona, tanto no persoal coma no laboral. Manu aparte de ser o dono dun dos restaurantes máis visitados da zona de Tui, proclamouse o ano pasado campión do mundo de piragüismo na modalidade maratón en C1 en Ponte de Lima.

Ninguén mellor ca el, coma bo deportista de élite, para contarnos de primeira man os segredos dunha alimentación saudable, premisa que leva a cabo no seu restaurante cada día.

O alumnado de 2º, despois de montar o seu supermercado, no que investigaron e traballaron sobre todo o relacionado coa boa alimentación, culminaron o seu proxecto cunha clase maxistral impartida por Manu Garrido e cunha receita deliciosa que degustaron todos xuntos.

DEPORTE ESCOLAR.

Dinamización Intercentros

Ceip Nº2-Ceip Altamira de Salceda.

Curso 22-23

Xoves día 4 de maio de 2023

 O pasado xoves  día 4 de maio de 2023,  tivo lugar no pavillón vello de Tui. A Xornada de Dinamización Intercentros entre os Ceip Nº2- Ceip Altamira de Salceda. A xornada levouse a cabo de 9:15 a 13:45h, no Pavillón Vello de Tui e os cursos participantes foron 6ºA/6ºB, 3ºB. Unha xornada onde a deportividade foi a tónica da mañá.