Febreiro 2018

DEPORTE ESCOLAR 2017-18. FASE FINAL DE BÁDMINTON (Tomiño)

DEPORTE ESCOLAR.

Bádminton Curso 17-18

O pasado mércores 21 de Febreiro tivo lugar a Xornada Finalda competición escolar de Badminton, das categorías Benxamín (3º e 4º), alevín ( 5º e 6º) e Infantil (Repetidores de 6º), no Pavillón Municipal de Tomiño. A competición xerou un gran interés por parte de alumnado e público, o que sempre é de agradecer. Todos levaron medalla por participar e moitos nenos e nenas do colexio e do clube de Bádminton ocuparon os primeiros postos. Agradecemos o esforzo a todos os membros responsables da organización de toda a competición e tamén ás familias pola participación.

CLUBE BALONMÁN TUI

CLUBE BALONMÁN TUI

O equipo Benxamín do clube Balonmán de Tui está a xogar a temporada 17/18. O pasado 24 de Febreiro os nosos deportistas xogaron, esta fin de semana contra o equipo de O Novás, na segunda volta da liga. Neste equipo xogan e disfrutan do balonmán Uxía, Silvia e Lía

Os parciais foron: C.B.Tui- Novás: 11-11/3-10/7-12/2-3.

Moi bo partido, ao noso equipo segue a resistirselle a victoria co equipo do Rosal. Ainda así foi un partido moi ben xogado.

Información facilitada pola familia de Uxía Soliño. Moitas gracias.

Dinamización Intercentros Ceip Nº2-Ceip Pintor Antonio Fdez Goián

Dinamización Intercentros

Ceip Nº2-Ceip Pintor Antonio Fdez Goián

O pasado martes día 20 de febreiro de 2018 tivo lugar no pavillón vello de Tui, a Xornada de Dinamización Intercentros entre os Ceip Nº2-Ceip Pintor Antonio Fdez de Goián. A xornada levouse a cabo de 9:15 a 13:00h aproximadamente, no Pavillón Vello de Tui e os cursos participantes foron 6ºA, 6º B e 4ºA. Aquí vos deixamos algunhas fotos dos bos momentos compartidos cos nenos/as de Goián, aos que lle temos que agradecer a súa visita.

CLUBE BALONMÁN TUI

CLUBE BALONMÁN TUI

O equipo Benxamín do clube Balonmán de Tui está a xogar a temporada 17/18. O pasado 17 de Febreiro os nosos deportistas xogaron, esta fin de semana contra o equipo de Porriño , na segunda volta da liga. Neste equipo xogan e disfrutan do balonmán Uxía, Silvia e Lía

Os parciais foron: Porriño-C.B.Tui: 3-12/1-9/4-4/2-10

Gran partido das guerreiras tudenses que colleitaron unha gran victoria.

Información facilitada pola familia de Uxía Soliño. Moitas gracias.

FINAIS BADMINTON

FINAIS BADMINTON

O vindeiro mércores 21 de Febreiro terá lugar a Xornada Final da competición escolar de Badminton, das categorías Benxamín (3º e 4º), Alevín ( 5º e 6º) e Infantil (Repetidores de 6º), no Pavillón Municipal de Tomiño. O autobús sairá ás 15:50h do colexio. A volta será aproximadamente ás 20:30h.. Teredes que traer calzado para cambiar, equipación do colexio se tiverades e chandal do mesmo. Os nenos que vaiades a Tomiño directamente tedes que estar alí ás 16:30h. Se tedes algunha dúbida podedes chamar ao teléfono: 650602161.

Aquí os deixamos a clasificación de Badminton por categorías!

5 adxuntos

JAVIER FERNÁNDEZ BRONCE OLÍMPICO DE PATINAXE ARTÍSTICA

JAVIER FERNÁNDEZ BRONCE OLÍMPICO

DE PATINAXE ARTÍSTÍCA

Este sábado tivemos que madrugar para poder comprobar como Javier Fernández acadaba a cima da súa carreira conseguindo por primeira vez na historia española deste deporte unha medalla olímpica.

Despois de gañar ata en seis ocasións o campionato europeo, dúas o mundial e quedarse nun satisfactorio 4º posto nos anteriores Xogos Olímpicos, esta vez si conseguiu a súa ansiada medalla.

Parabéns Campión! Grazas por levar a este deporte tan lonxe!

O C.P.A. RIBEX CAMPIÓN GALEGO DE GRUPOS SHOW GRANDES

O C.P.A. RIBEX CAMPIÓN GALEGO DE GRUPOS SHOW GRANDES

Este vindeiro fin de semana celebrouse en Santiago de Compostela o Campionato Galego de Patinaxe Artística, modalidade de grupos show, no que o clube tudense C.P.A. Ribex proclamouse por primeira vez campión autonómico o seu espectacular programa “Mal augurio”.

Dende o CEIP Nº 2 queremos enviar os nosos parabéns a tódolos integrantes do grupo e aos seus adestradores pola vitoria.

DEPORTE ESCOLAR. Bádminton Curso 17-18

DEPORTE ESCOLAR

Bádminton Curso 17-18

O vindeiro mércores 21 de Febreiro terá lugar a Xornada Final da competición escolar de Badminton, das categorías Benxamín (3º e 4º), alevín ( 5º e 6º) e Infantil (Repetidores de 6º), no Pavillón Municipal de Tomiño. O autobús sairá ás 15:50h do colexio. A volta será aproximadamente ás 20:30h.. Teredes que traer calzado para cambiar, equipación do colexio se tiverades e chandal do mesmo. Os nenos que vaiades a Tomiño directamente tedes que estar alí ás 16:30h. Se tedes algunha dúbida podedes chamar ao teléfono: 650602161.

Dinamización Intercentros Ceip Nº2-Ceip Pintor Antonio Fdez Goián Curso 17-18 mércoress día 21 de febreiro de 2018

Dinamización Intercentros

Ceip Nº2-Ceip Pintor Antonio Fdez Goián

Curso 17-18

mércoress día 21 de febreiro de 2018

O vindeiro mércores día 21 de febreiro de 2018 terá lugar no pavillón vello de Tui. A Xornada de Dinamización Intercentros entre os Ceip Nº2- Ceip Pintor Antonio Fdez de Goián en Tomiño. A xornada levarase a cabo de 9:15 a 13:45h aproximadamente,no Pavillón Vello de Tui e os cursos participantes serán 6ºA, 6ºB, 4ºA. Os/as nenos/as que vaian participar nesta actividade terán que traer: Chandal ( o do cole se tiveran), Equipación do mesmo, Mochila de Educación Física e merenda.

Seis medalla para o Club Remo do Miño de Tui-Seta nos Campionatos de España de Remoergometro e fondo

A pasada fin de semana do 27-28 de xaneiro tivo lugar en Castrelo de Miño ( Ourense) o Campionato de España de Remo Ergometro e de Fondo. O Club Remo acadou 6 medallas con moito mérito para os seus deportistas:

En Remoergómetro.

JESUS GONZALEZ, RODRIGO CONDE participaron en peso lixeiro e acadaron prata e bronce respectivamente.

DAVID PRADA participou en categoría absoluta e acadou a medalla de bronce.

Na Regata de fondo:

En categoría absoluta Skiff: a prata sería para RODRIGO CONDE e o bronce sería para JESÚS GONZÁLEZ.

En categoría cadete Masculino a medalla de bronce sería para BRUNO MISA.
Noraboa a todos os participantes e tamén aos medallistas.

Podedes atopar máis información en Infomiño.

Manuel Garrido Medalla ao mérito do Comité Olímpico Español.

Manuel Garrido Medalla ao mérito do

Comité Olímpico Español

O tudense Manu Garrido, canoísta do Kayak Tudense, recibiu a pasada fin de semana do 28 de xaneiro de 2018 a medalla do Comité Olímpico Español pola sua gran traxectoria deportiva.

A entrega tivo lugar en Madrid durante a gala da Federación Española de Piraguismo.

Manu cun gran palmarés deportivo, acadando na pasada temporada o subcampionato do mundo en Sudafrica e foi terceiro de Europa na especialidade de maratón.

Manu ademáis de un gran deportista e unha gran persoa, cuns valores entrañables, ao que o noso cole lle ten que agradecer a súa disposición para achegarse aos nosos alumnos cada vez que llo pedimos.Noraboa Manu!!

Gracias por levar a Tui polo mundo enteiro e gracias por aportarnos aos nenos e nenas do Ceip Nº2 de Tui tantos valores.

Podedes atopar máis información na súa web: http://manugarrido.es ou aquí

Récord Mundial de Lanzamento de Canasta dende unha catarata de 200m de altura.

Récord Mundial de Lanzamento de Canasta

dende unha catarata de 200m de altura.

O pasado 23 de xaneiro, un grupo de intrépidos youtubers autralianos “How Ridiculous”, conseguiu encestar un balón de baloncesto nunha canasta que se situaba a 201 metros por debaixo do cumio da montaña dende a que facian os lanzamentos. Esta distancia fixo que batirán o Récord mundial de lanzamentos. O grupo autraliano liderado por Derek Herron, viaxou nesta ocasión ata as cataratas de Maletsunyane, en Lesoto (África), onde acadou este impresionante reto. Noraboa.

Deixamosvos o enlace ao video, para que poidades disfrutar de tan impresionante lanzamento, e no poderedes disfrutar dos récord guiness anteriores, un deles do mesmo grupo levado a cabo nos Alpes suizos cunha canasta de 180,968m en 1916.

DEPORTE ESCOLAR. Bádminton Curso 17-18

O pasado, martes 6 de febreiro tivo lugar a 2ª Xornada da competición escolar de Badminton, da categoría Benxamín e Infantil ( 3º, 4º e repetidores de 6º) no Pavillón do Ceip Randufe. Aquí vos deixamos alguns momentos do ben que xogaron os nenos e nenas do noso colexio. Recordade que en breve vos deixaremos aquí o listado de clasificados para a final de Tomiño que terá lugar o vindeiro mércores 21 de febrero de 2018.

DEPORTE ESCOLAR. Bádminton Curso 17-18

DEPORTE ESCOLAR.

Bádminton Curso 17-18

O pasado, martes 30 de xaneiro tivo lugar a 2ª Xornada da competición escolar de Badminton, da categoría alevín ( 5º e 6º) no Pavillón do Ceip Randufe. Aquí vos deixamos alguns momentos do ben que xogaron os nenos e nenas do noso colexio. Recordade que en breve vos deixaremos aquí o listado de clasificados para a final de Tomiño que terá lugar o vindeiro mércores 21 de febrero de 2018.

Campo a Través Provincial de clubes e colexios 17-18.

Campo a Través Provincial de

clubes e colexios 17-18.

Circuito a Azucareira Concello de Portas

Sábado 3 de febreiro 18

O Vindeiro sábado 3 de febrero, vai ter lugar a proba de Campo a Través Provincial de clubes e colexios da presente campaña Deportiva, no Circuito da Azucareira no Concello de Portas. Dita xornada está destinada os/as nenos/as de 2º a 6º que se clasificaron na proba de Campo a Través zonal de Soutelo. A saída será ás 9:00h do Ceip Nº2 de Tui e o regreso ás 14:15h. Todos os participantes deberán traer equipación do cole, chándal do mesmo se tiveran e roupa de cambio se chovera. De asistir á proba coa súa familia a proba dará comezo ás 11:30 para a categoría Alevín Masculino, polo que sería importante estar alí 30 minutos antes. Para calquera dúbida poden chamar ao teléfono 650602161.

2 adxuntos

DEPORTE ESCOLAR. Bádminton Curso 17-18

DEPORTE ESCOLAR.

Bádminton Curso 17-18

Hoxe martes 6 de febreiro terá lugar a 2ª Xornada da competición escolar de Badminton, a da categoría Benxamín e Infantil (3º,4º e repetidores de 6º) no Pavillón do Ceip Randufe. O autobús sairá ás 16:00h do colexio. A volta será aproximadamente ás 19:15h. Todos os participantes terán que traer calzado para cambiar, equipación do colexio se tiveran e chandal do mesmo. Os nenos que vaian a Randufe directamente, teredes que estar alí ás 16:30h. Se lles xurde algunha dúbida poden chamar ao teléfono: 650602161.

Os 'Hispanos' son campións de Europa

CAMPIÓNS DE EUROPA !

A selección española masculina de balonmán logrou este domingo o seu primeiro título de campioa de Europa ao gañarlle á Suecia por 29-23 na final do certame continental de Croacia 2018 e tras unha segunda metade impresionante a favor dos hispanos, do partido xogado en Zagreb.

España asinou o seu primeiro título na súa quinta final e tras ser subcampioa en 1996 (ante Rusia), 1998 (ante Suecia), 2006 (ante Francia) e 2016 (ante Alemaña), e medallista de bronce en 2000 e 2014. Suecia segue sendo o equipo máis laureado do vello continente con catro coroas, as logradas en 1994, 1998, 2000 e 2002 nos seus catro anteriores finais.

Podedes atopar máis información aquí: http://www.crtvg.es/informativos/espana-gana-o-seu-primeiro-europeo-de-balonman-tras-derrotar-a-suecia-29-23

CLUBE BALONMÁN TUI

CLUBE BALONMÁN TUI

O equipo Benxamín do clube Balonmán de Tui está a xogar a temporada 17/18. O pasado 3 de Febreiro os nosos deportistas xogaron, esta fin de semana contra o equipo de O Novás, na segunda volta da liga. Neste equipo xogan e disfrutan do balonmán Uxía, Silvia e Lía

Os parciais foron: C.B.Tui- Novás: 6-7/5-8/0-8/8-2.

Moi bo partido, ao noso equipo segue a resistirselle a victoria co equipo do Rosal. Ainda así foi un partido moi ben xogado.

Información facilitada pola familia de Uxía Soliño. Moitas gracias.

DEPORTE ESCOLAR. BÁDMINTON CURSO 17-18

DEPORTE ESCOLAR.

Bádminton Curso 17-18

O pasado, martes 23 de xaneiro deu comenzo a competición escolar de Badminton, a 1ª xornada da categoría Benxamín e Infantil (3º,4º e repetidores de 6º) no Pavillón do Ceip Randufe. Preto de 60 participantes disfrutamos de unha tarde de bádminton, na que xogamos moitos partidos, arbitramos xunto aos nenos de Ceip Randufe, Ceip Guillarei, Ceip Nº1 e Club Báminton Tui.

Aquí vos deixamos alguns dos mellores momentos. Non podemos esquecer que a 2ª Xornada será o vindeiro martes 6 de xaneiro, e non podemos faltar.

CAMPO A TRAVÉS PROVINCIAL 17-18

Campo a Través Provincial 17-18.

Circuito da Azucareira Concello de Portas

Martes 23 de Xaneiro 18

O pasado martes día 23 de Xaneiro tivo lugar a proba de Campo a Través Provincial da presente campaña Deportiva, no Circuito da Azucareira no Concello de Portas. Este ano por primeira vez tivo lugar en horario lectivo, soamentes para centros educativos. Nela participaron do noso colexio equipo Benxamín Feminino, o equipo Benxamín Masculino e como Individual Iago Gallego.

Foi unha xornada estupenda coa participación de moitos colexios da provincia e donde Unai de 3ºA foi 4º en categoría Benxamín Masculino e Iago de 5ºB foi 3º en Categoría Alevín Masculino. Noraboa a todos os participantes.

Iago acadou a súa clasificación para o proba de Campo a Través que terá lugar o sábado 3 de febreiro no mesmo circuito de Portas para clubes da provincia e os colexios clasificados nesta proba.

Aquí vos deixamos a clasificación de todos os corredores na proba.

Aquí vos deixamos os listado de nenos e equipos clasificados para o provincial de clubes e colexios.

Tamén vos deixamos algunhas imaxes do moito que disfrutamos neste campionato.

DEPORTE ESCOLAR. DINAMIZACIÓN INTERCENTROS CEIP Nº2-CEIP SOBRADA DE TOMIÑO

DEPORTE ESCOLAR.

Dinamización Intercentros

Ceip Nº2-Ceip Sobrada de Tomiño

Curso 17-18

Venres día 19 de xaneiro de 2018

O pasado venres día 19 de xaneiro de 2018 tivo lugar no pavillón vello de Tui, a Xornada de Dinamización Intercentros entre os Ceip Nº2- Ceip Sobrada de Tomiño. A xornada levouse a cabo de 9:15 a 13:00h aproximadamente,no Pavillón Vello de Tui e os cursos participantes foron 5ºB, 4ºB. Aquí vos deixamos algunhas fotos dos bos momentos compartidos cos nenos/as de Sobrada, aos que lle temos que agradecer a súa visita.