Hoxe o alumnado de 4º C recibiu unha visita moi especial. Despois da recollioda levada a cabo no cole, para os animais do Refuxio de Bando e de Gatocan de Oroso, dentro do Proxecto eTwinning "European Dog Adventures", xunto con outro colexio de Hungría, hoxe fíxose entrega do recadado para o primeiro dos refuxios. Aproveitando a ocasión, explicóuselles ao alumnado con detalle o labor do refuxio e a importancia de coidar axeitadamente os nosos animais. Olalla, a súa directora, veu acompañada da pequena Maeve, unha gatiña de seis meses que está desexando atopar un fogar definitivo. Moitas gracias a todas as familias que colaboraron coa recollida. En breve faremos entrega tamén da parte recadada para Gatocan. Gracias tamén ao refuxio de Bando pola visita e polo seu labor. A nosa próxima misión é facer un cartel para animar á adopción.

O 8 de marzo é unha data especial para as mulleres, por un día son as protagonistas. É un día de reivindicación e de recoñecemento da súa valía que tantas veces ao longo da historia e aínda hoxe pasa desapercibida. No DÍA INTERNACIONAL DA MULLER, no noso colexio fixemos múltiples actividades para reflexionar sobre a igualdade e poñer en valor o traballo da muller. O noso desexo é que esta celebración non quede só nun día senón que se estenda a todo o ano.

MULLERES OLÍMPICAS e como non, entre elas a nosa ANA PELETEIRO!

Ademais de gravar pequenos vídeos sobre elas e o deporte no que destacan, plasmámolas neste mural. 

 "CONTOS PARA IGUAIS" e "QUE QUERES SER DE MAIOR?" 

Dende o concello achegáronnos un Contacontos para os peques de 4 anos e un obradoiro para o alumnado de 3º. Sempre é bo que nos conviden a reflexionar e a observar a nosa historia e o noso entorno, para darnos conta de que a miúdo vemos como normais comportamentos que en realidade non o son tanto. Fixéronnos entender que debemos agradecer e valorar os logros que se acadaron ata o momento e por último debuxamos e falamos do que queremos ser de maiores.

"EDUCACIÓN EN VALORES, A IGUALDADE" 

Dende a ONG "Mestura" achegáronnos para o alumnado de 4º un obradoiro moi interesante e divertido. Reflexionamos sobre certos comportamentos diarios, sobre unha serie de valores (fotaleza, valentía, intelixencia, amabilidade, sensibilidade, empatía...) e tamén falamos dos traballos que nos gustaría desempeñar de maiores.

Hoxe, 27 de febreiro, tivo lugar a segunda charla obradoiro para o alumnado de 3º e 4º impartida pola nutricionista Goretti Tuñas, sobre alimentación. Está dentro da liña Edu- Saúde do Contrato Programa CP INNOVA. Constou dunha primeira parte cunha proxección no salón de actos e dunha segunda con xogos no pavillón. Despois de ver na primeira das charlas a historia da alimentación dos humanos, dende o momento en que apareceu a vida, a partires dunha bacteria, ata os cazadores - recolectores, aprendemos agora sobre a importancia na nosa saúde dunha alimentación sa e a maneira máis saúdable de alimentarnos. Uns bos hábitos saudables melloran considerablemente a nosa calidade de vida. Entre as recomendacións que nos fixeron están as de tomar VERDURAS, HORTALIZAS E ACEITE DE OLIVA VIRXEN EXTRA DE MANEIRA DIARIA nas comidas principais, FROITA e FROITOS SECOS como boa opción de postres e merendas, LEGUMES polo menos 3 veces á semana, así como CEREAIS INTEGRAIS e PRODUCTOS DE ORIXE ANIMAL. Ademais da alimentación hai outras accións importantes que debemos levar a cabo: DURMIR polo menos 9 horas, BEBER AUGA como fonte de hidratación diaria, realizar ACTIVIDADE FÍSICA e algunha outra como coidarnos emocionalmente. Gracias Goretti por achegarnos estas informacións tan importantes para a nosa saúde.

O alumnado de 3º de Primaria pasouno en grande na DOMUS e no MUNCYT da Coruña. Algo que lles chamou a atención foi a cabina do Boeing 747 “Lope de Vega”, o avión que trouxo o "Guernica" a España ou o primeiro ordenador. Impresionante!

Hoxe, o alumnado de 3º e 4º asistiu no colexio a unha charla impartida pola nutricionista Goretti Tuñas sobre alimentación. Está dentro da liña Edu- Saúde do Contrato Programa CP INNOVA. Constou dunha primeira parte cunha proxección no salón de actos e dunha segunda con xogos no pavillón. Tratou sobre a historia da alimentación dos humanos, dende o momento en que apareceu a vida, a partires dunha bacteria, ata os cazadores - recolectores. Por certo que as bacterias seguen entre nós e dentro de nós na nosa microbiota intestinal e son moi importantes para manternos sans e para as nosas defensas. Reflexionamos sobre unha dieta variada e saúdable. Foi moi interesante. Quedamos á espera da segunda charla para o vindeiro mes porque queremos seguir aprendendo sobre a maneira máis saúdable de alimentarnos.

Hoxe en 4ºC tocou unha nova sesión experimentando e coñecendo o mundo que nos rodea. Fixemos dous experimentos. No primeiro puidemos ver como cambiando a densidade da auga (engadíndolle sal) un ovo pasaba de afundirse a flotar. Resulta que, se a densidade do obxecto que introducimos na auga ten unha densidade menor que a auga, flota!!! Pero se é menor, afúndese. Que interesante. 

Tamén vimos o importante que é lavar as mans cunha sinxela demostración con pementa. 

Encántannos os experimentos!

Hoxe xoves 30 de novembro os nenos de 3º A, 3º B E 3º C de Educación Primaria, asistimos ao concerto didáctico "Pulcinella e a máscara máxica", con música de Igor Stravinsky e a Real Filharmonía de Galicia.

Today is Friday ... we can sing at break time!

O alumnado de 4º C  sempre está a discorrer, agora ocorréuselles investigar sobre os volcáns e para

iso nada mellor que facer un. Aquí podedes ver cal foi o proceso que seguiron. Nada mellor que

aprender facendo. 

O alumnado de 4º de Primaria participou nun obradoiro STEAM de Arte Pop, empregando imaxes e temas da sociedade do consumo e da comunicación de masas. Levaba por título Non STOP para a arte POP e foi promovido pola Afundación Abanca. Tratouse dun divertido xogo de pistas para coñecer e achegarnos á cultura pop, clave e referencia do mundo do comic, a televisión, o cine e a música. Tivo lugar en Santiago na Sede Afundación.