Seguiches con atención todos os capítulos da nosa guía turística sobre os Camiños de Santiago? Ou, pola contra, perdiches algún? Se é así, non te preocupes, aquí tes a guía completa que elaborou o noso alumnado baixo a coordinación da Biblioteca Escolar. 

E se es dos que prefires a lectura en papel, tamén podes descargar a versión imprimible da guía no documento adxunto. Bo Camiño!

Chegamos ao último capítulo desta guía sobre os Camiños de Santiago sen esquecernos da ruta que atravesa o noso concello: O Camiño Inglés. Nesta ocasión, o alumnado de 6º de Primaria foi o encargado de investigar sobre esta ruta e tamén sobre a cidade de Santiago de Compostela, meta de todos os peregrinos.

O alumnado de 5º de Primaria estivo investigando sobre o Camiño Portugués. Isto é o que averiguaron para a nosa guía Camiño do Xacobeo.

O alumnado de 4º de Primaria engaden á nosa guía sobre os Camiños de Santiago unha das rutas máis descoñecidas, o Camiño de Inverno. Sabes por onde discorre? Fai clic na seguinte imaxe e descubriralo:

Continuamos a nosa guía sobre os Camiños de Santiago coa única ruta que, en vez de finalizar en Compostela, parte desta cidade. Por suposto estamos a falar do Camiño de Fisterra. Os alumnos/as de 3º de Primaria investigaron dous faros que podemos atopar nesta ruta. Sabedes cales son? Facede clic nas imaxes para descubrilos:

O alumnado de 2º de Primaria estivo traballando sobre o Camiño Francés, a ruta principal entre as distintas variantes que ofrecen os Camiños de Santiago. Seguindo o trazado deste camiño podemos percorrer o río Miño e o río Sil. Fai clic nunha das seguintes páxinas para acceder á guía:

O poeta Manuel María escribiu estes poemas aos ríos Miño e Sil. 

Este curso o centro participa no PLAN PROXECTA dentro do programa VEXO VEO XACOBEO. O venres 8 de abril o alumnado de 4 anos e 1º de primaria puideron gozar dun contacontos e un pequeno obradoiro. Aquí algún momento desa sesión.

Seguimos ampliando a nosa Guía do Camiño centrándonos agora nas diferentes rutas a Santiago de Compostela. Os nenos e nenas de 1º de Primaria móstrannos os lugares e festas de interese da Vía da Prata.

Tres imprescindibles do peregrino que non podían faltar na nosa Guía sobre o Camiño de Santiago. Explícannolos moi ben os alumnos de 6° de Infantil. Mirade...

Este venres, día 1 de abril, as nenas e os nenos de 1º de Primaria visitamos Compostela para realizar a última parte do Camiño de Santiago.

Descubrimos moitas curiosidades e segredos que esconde a cidade. Ó rematar, puidemos entrar na Catedral e tamén no Hostal dos Reis Católicos para seguir coñecendo datos históricos sobre estes lugares. Sabiades que alí se bautizou Rosalía de Castro?

Álbum: Curso 2021 - 2022 -> Saída Santiago - Catedral - 1º Primaria