Hoxe, día de San Martiño, celebramos o tradicional Magosto no colexio. "Castañas, noces e viño fan as delicias do San Martiño". 

A tradición do Magosto remóntase ao tempo dos celtas e celebrábase sobre todo polo Samaín ou polo San Martiño. Así que no colexio quixemos facer coincidir esta festa co día 11 de novembro, San Martiño. 

Acompañados por un excelente día de sol, o alumnado disfrutou das castañas e... do Trompo, porque xa se sabe "Polo San Martiño trompos ao camiño". 

Uuuuuh! Que medo! SAMAÍN!!! Pola mañá chegaron ao cole bruxas, pantasmas, monstros, vampiros, esqueletos...

E despois do recreo, SORPRESA! Entrega de premios! Mellores cabazas, mellores debuxos de 1º e 2º, mellores contos de 3º, 4º, 5º e 6º e mellores portas decoradas. Canta emoción! Quen serían os premiados?

CABAZAS:

      E. INFANTIL                    1º CICLO                     2º CICLO                         3º CICLO

            O CASTAÑEIRO               O CESTEIRO                   A POTA DO CALDO         A CANTAREIRA

     Andrés Veiga, Inf 5º B         David Ferreiro, 2º A             Carla Rey, 4º B         Candela Couto, 6ºA

DEBUXOS DE 1º e 2º:

                                           1º                                                                2º

                               Lola Bouzas, 1º B                                     Clara Nieto, 2º A

CONTOS DE 3º, 4º, 5º e 6º:

              3º                                          4º                                        5º                                  6º

 "O río dos desexos"    "Un samaín especial para Xela e Cosme"  "O colexio encantado"  "O castro embruxado"

Lidia Fernández, 3º B              Alejandra Souto, 4º C                    Claudia Dono, 5º A      Candela Couto, 6º A

PORTAS:

                        Todas as clases de Infantil                                                         6º A  e  6ºB

PARABÉNS A TODOS OS PARTICIPANTES E GAÑADORES!

Metidos de cheo na semana do SAMAÍN, que neste curso nos leva máis que nunca a lembrar costumes dos nosos ancestros, todo o colexio aparece ambientado para tal celebración e o medo comeza a facer acto de presenza.

A palabra Samaín provén do gaélico Samhain que significa fin do verán. O Samaín viña a ser o Ano Novo Celta e o comezo do inverno, da escuridade. Esta celebración da noite do 31 de outubro para o 1 de novembro ten un pasado milenario e senta as bases do popular Halloween.

Unha das lendas máis ancestrais de Galicia vencellada con esta festa é a da Santa Compaña. Unha persoa dirixe unha comitiva de defuntos / ánimas, que poden aparecer nos montes ou camiños pola noite ou de madrugada. Van caladiños e con candeas; simbolizan que unha persoa está a punto de perder a vida. A Santa Compaña evoca medo e respecto na nosa terra.

Entre as actividades levadas a cabo no centro para o Samaín, hoxe comezamos coa lectura de contos inventados polo propio alumnado, coa temática da cultura tradicional galega. Contamos con verdadeiros relatores de historias terroríficas. 

O alumnado de 1º e 2º participou neste evento con debuxos inspirados na celebración. Canto traballiño e que ben feito!

Por outra banda os nenos e nenas xa comezaron a traer as cabazas decoradas con moito inxenio coa temática da Cultura de Galicia, que completarán a exposición que se poderá observar no exterior do colexio.

E que dicir das portas das aulas, están de medo!!!

O martes 1 de outubro comezan as actividades dirixidas durante os recreos.

Bótalle unha ollada ao horario e anímate. Agardámoste!

O pasado venres mestras e alumnado de 6° visitamos as Illas Cíes. O tempo non nos axudou moito, pero nós como bos galegos puxémoslle cara á chuvia e fixemos un roteiro ata o Faro das Cíes pasando polo Lago dos Nenos, o dique que une a Illa do Medio coa de Monteagudo, sen deixar de ver Pedra da Campá. A pena foi non poder bañarnos na Praia de Rodas. Xa de volta cara Vigo acompañáronnos un grupo de golfiños que nos alegraron a viaxe.

O curso 2023-2024 chegou ao seu remate. Hoxe celebrámolo por todo o alto cos nosos particulares Xogos Olímpicos. Foi unha festa chea de emocións, acompañados polas familias do alumnado e remate do proxecto levado a cabo, ao longo do curso dende a Biblioteca do centro, sobre as Olimpíadas.

Comezou a xornada coa CERIMONIA DE APERTURA, na que todos os niveis portaron a bandeira do seu país e  asistiron ao acendido da pira.

Posteriormente deron comezo os XOGOS en diferentes espazos do colexio: Natación sincronizada, breakdance, ximnasia rítmica, baloncesto, balonmán, artes marciais e tres versións de atletismo; carreira, marcha e relevos. Tamén participaron as familias! Que divertido!

E por último a CERIMONIA DE CLAUSURA coa entrega de medallas feitas coa impresora 3D, unha por alumno.

Pero a xornada aínda non rematou, queda unha merendiña e a bailar cun DJ de Tikolandia!

BOAS VACACIÓNS!!!

Por fin puidemos levar a cabo o acto central de celebración das Letras Galegas deste ano 2024, que por mor do mal tempo fora adiado.  Foi un acto de homenaxe á grande Luisa Villalta.

O alumnado maior foi o encargado de presentar e dirixir o acto que deu comezo cunha amena biografía da autora contada polos nenos e nenas de 5º.

Seguimos cun recitado de poemas en lembraza das 6 mulleres ás que se lle ten dedicado o día das Letras Galegas: Rosalía de Castro, Francisca Herrera, María Mariño, Mª Victoria Moreno, Xela Arias e a homenaxeada de hoxe, Luisa Villalta. Os protagonistas son agora unha representación do alumndo de Primaria, dende 1º ata 6º. Despois fíxose a entrega de premios do Concurso das Letras. O agasallo, un libro! Parabéns aos premiados e a todos os participantes!

E xa para rematar fixemos todos xuntos o baile do Pesiño de Leilía. Que divertido!

 QUEREMOS COIDAR O NOSO IDIOMA, FALEMOS GALEGO!!!

No remate do curso, coma todos os anos, o alumnado do 3º ciclo fai unha etapa do Camiño Inglés a Santiago. Nesta ocasión tocou o tramo A Sionlla - Santiago. Estivemos na Praza do Obradoiro e ata puidemos entrar na catedral.Unha experiencia moi enriquecedora! 

O pasado venres, 26 de abril, os alumnos e alumnas de 6º de Primaria desprazáronse ata a Cidade da Cultura para asistir ao Congreso de Innovación na Formación Profesional "FP Innova".

Alí exploraron e interactuaron cos diferentes stands de emprendemento e innovación nos que o alumnado dos diferentes ciclos formativos e os seus profes lles explicaban o que debían facer.

Algúns dos espazos que máis gustaron foron o "drone soccer" ou futbol con drons, a gastroaula na que puideron elaborar diferentes pratos así como degustalos, o futbolín robótico ou o simulador de realidade virtual para emerxencias hospitalarias.

O alumnado clasificado na 1ª fase da proba de atletismo campo a través, desprazouse hoxe ata Porto do Son para particiar na Fase provincial. Foi unha xornada emocionante na que non acadamos premios pero obtivemos moi bos resultados. Parabéns aos nenos e nenas participantes, que o fixeron moi ben!