Esta semana, dentro das actividades de fomento da lectura e mediación lectora, comezamos unha nova viaxe de aventuras a través de contos, revistas, xogos... para compartir en familia.

BOA VIAXE!

Hoxe no colexio puidemos asistir a unha sesión de teatro na que nos divertimos un montón. Os actores, máis ben as actrices; eran alumnas de sexto do club de teatro que o fixeron estupendamente. O título da obra era "Medo me da" e en efecto había unha bruxa, unha pantasma, unha momia.... Que meeedo!!! Parabéns polo bo traballo!

Uuuuuh! Que medo! SAMAÍN!!! Pola mañá chegaron ao cole bruxas, pantasmas, monstros, vampiros, esqueletos...

E despois do recreo, SORPRESA! Entrega de premios! Mellores cabazas, mellores debuxos de 1º e 2º, mellores contos de 3º, 4º, 5º e 6º e mellores portas decoradas. Canta emoción! Quen serían os premiados?

CABAZAS:

      E. INFANTIL                    1º CICLO                     2º CICLO                         3º CICLO

            O CASTAÑEIRO               O CESTEIRO                   A POTA DO CALDO         A CANTAREIRA

     Andrés Veiga, Inf 5º B         David Ferreiro, 2º A             Carla Rey, 4º B         Candela Couto, 6ºA

DEBUXOS DE 1º e 2º:

                                           1º                                                                2º

                               Lola Bouzas, 1º B                                     Clara Nieto, 2º A

CONTOS DE 3º, 4º, 5º e 6º:

              3º                                          4º                                        5º                                  6º

 "O río dos desexos"    "Un samaín especial para Xela e Cosme"  "O colexio encantado"  "O castro embruxado"

Lidia Fernández, 3º B              Alejandra Souto, 4º C                    Claudia Dono, 5º A      Candela Couto, 6º A

PORTAS:

                        Todas as clases de Infantil                                                         6º A  e  6ºB

PARABÉNS A TODOS OS PARTICIPANTES E GAÑADORES!

Metidos de cheo na semana do SAMAÍN, que neste curso nos leva máis que nunca a lembrar costumes dos nosos ancestros, todo o colexio aparece ambientado para tal celebración e o medo comeza a facer acto de presenza.

A palabra Samaín provén do gaélico Samhain que significa fin do verán. O Samaín viña a ser o Ano Novo Celta e o comezo do inverno, da escuridade. Esta celebración da noite do 31 de outubro para o 1 de novembro ten un pasado milenario e senta as bases do popular Halloween.

Unha das lendas máis ancestrais de Galicia vencellada con esta festa é a da Santa Compaña. Unha persoa dirixe unha comitiva de defuntos / ánimas, que poden aparecer nos montes ou camiños pola noite ou de madrugada. Van caladiños e con candeas; simbolizan que unha persoa está a punto de perder a vida. A Santa Compaña evoca medo e respecto na nosa terra.

Entre as actividades levadas a cabo no centro para o Samaín, hoxe comezamos coa lectura de contos inventados polo propio alumnado, coa temática da cultura tradicional galega. Contamos con verdadeiros relatores de historias terroríficas. 

O alumnado de 1º e 2º participou neste evento con debuxos inspirados na celebración. Canto traballiño e que ben feito!

Por outra banda os nenos e nenas xa comezaron a traer as cabazas decoradas con moito inxenio coa temática da Cultura de Galicia, que completarán a exposición que se poderá observar no exterior do colexio.

E que dicir das portas das aulas, están de medo!!!

Acábase o curso e con el os clubs de lectura, un bo momento para facer unha festiña e agradecerlle a todos estes nenos e nenas e as

profesoras, todo o seu esforzo nestes meses, foron moitos recreos, nos que gozamos coas aventuras que foron saíndo con cada novo libro,

obra de teatro,...

Hoxe fixemos entrega a Servizos sociais do concello, dos alimentos que voluntariamente nos achegaron as familias ao longo do mes de maio. A recaudación tivo lugar con motivo do Teatro Solidario, no que as familias puideron asistir ás obras que os seus fillos/as interpretaban, ou do Mercadiño de libros solidario polo que as familias podían levar un libro a cambio de deixar algún alimento. Para a recollida estivo presente a educadora social Rocio e a concelleira de educación María. Estes alimentos serán doados ás persoas máis necesitadas do concello de Oroso. Dende aquí damos as grazas ás familias que colaboraron e parabéns a alumnado e profesorado que promoveu esta iniciativa.

Por fin puidemos levar a cabo o acto central de celebración das Letras Galegas deste ano 2024, que por mor do mal tempo fora adiado.  Foi un acto de homenaxe á grande Luisa Villalta.

O alumnado maior foi o encargado de presentar e dirixir o acto que deu comezo cunha amena biografía da autora contada polos nenos e nenas de 5º.

Seguimos cun recitado de poemas en lembraza das 6 mulleres ás que se lle ten dedicado o día das Letras Galegas: Rosalía de Castro, Francisca Herrera, María Mariño, Mª Victoria Moreno, Xela Arias e a homenaxeada de hoxe, Luisa Villalta. Os protagonistas son agora unha representación do alumndo de Primaria, dende 1º ata 6º. Despois fíxose a entrega de premios do Concurso das Letras. O agasallo, un libro! Parabéns aos premiados e a todos os participantes!

E xa para rematar fixemos todos xuntos o baile do Pesiño de Leilía. Que divertido!

 QUEREMOS COIDAR O NOSO IDIOMA, FALEMOS GALEGO!!!

O pasado 24 de maio o alumnado do 1º Ciclo de Educación Primaria visitou a biblioteca municipal do Concello de Oroso situada no centro cultural Fernando de Casas e Novoa.

Na sala infantil estiveron ollando contos, álbums ilustrados e cómics. Tras a visita os/as nenos/as participaron nun contacontos.

Durante os martes do mes de maio o Equipo de Biblioteca organiza o Mercado de Libros Solidario Contamos cun bo número de exemplares para quen queira levalos para a casa a cambio de deixar algún alimento que será doado para Servizos Sociais do Concello e finalmente para as familias que o necesiten. Agradecemos a súa colaboración.