Hoxe tocoulle a Infantil participar dunha das actividades que nos ofreceu o concello. Estivo no colexio Pedro Brandariz con "Senlleiras" achegándonos ás mulleres que foron homenaxeadas no día das Letras Galegas ao longo da súa historia. Tan só catro foron as escollidas ata Xela; Rosalía de Castro, Francisca Herrera, María Mariño e Mª Victoria Moreno. Fenomenal coma sempre!

LIBROS + NATUREZA = COMBINACIÓN PERFECTA

ESCRIBIMOS O NOSO LIBRO FAVORITO:

NA BIBLIOTECA ESPERÁBANOS UNHA SORPRESA:

CONTACONTOS PARA INFANTIL:

ENTREGA DE AGASALLOS DO CONCURSO: COMO SE DI?

Este ano o Día das Letras Galegas está dedicado a Xela Arias (Sarria, 1962-Vigo, 2003), poeta, tradutora e editora.

 Nestes enlaces podedes atopar máis información dela.

Real Academia Galega.Primaveira das Letras

O Portal da Lingua Galega

Real Academia Galega

Xerais

Ao longo destes dous últimos días da semana, achegámonos aos Entroidos tradicionais galegos da man de Manuela Varela (Dinamo Producións) e os seus "Contos Choqueiros".

Antela, a protagonista dun dos contos, tiña medo dos peliqueiros de Laza; ata que descubriu que quen se agochaba detrás do fermoso traxe era a súa nai.

Álbum: Curso 2020 - 2021 -> Contos choqueiros

 NON DEIXEMOS DE IMAXINAR

Ola a tod@s, como xa sabedes hoxe é o DÍA DO LIBRO, un día que sempre celebramos na escola co noso habitual concurso de marcapáxinas e a nosa lectura continuada dun libro na biblioteca. Este ano non vai poder ser, pero iso non quere dicir que non poidamos compartir lecturas.

Dende a biblioteca propoñémosvos que fagades un vídeo lendo un conto ou facendo unha recomendación dalgún que teñades na casa e que nolo mandedes á seguinte dirección: bibliotecasigueiro@gmail.com

Colgarémolos na conta de youtube do colexio para que tod@s poidamos disfrutar deles.

Tamén, se queredes, e aproveitando que hoxe loce o sol, podedes expoñer na túa xanela algún libro que che guste. Non haberá mellor maneira de alegrar as rúas que cos nosos libros.

Manda unha foto da túa xanela cos libros e seleccionaremos algunhas para colgala na páxina do colexio (bibliotecasigueiro@gmail.com).

ÁNIMO 

#EstamosConVós

Neste tempo de descanso non podiamos deixar de animarvos a ler.  Escoller un bo amigo que nos permita viaxar por lugares exóticos, vivir experiencias divertidas, atopar sentimentos agochados, botar unha boa gargallada...Todo é posible cun bo libro. Por iso, seleccionamos estes enlaces para que poidades escoller o que máis vos guste.

Abre unha páxina e déixate levar....

 KALANDRAKA TV: xa coñecedes as fantásticas historias coas que gozan os máis pequen@s.

http://www.kalandraka.tv/gl/index.php 

GaliciaLe: na que poderás acceder a todas as bibliotecas púbicas galegas e acceder ao catálogo completo en galego e en castelán.

https://www.galiciale.gal/

Que vaia ben o descanso e saúde para tod@s.

DÍA DE ROSALÍA

A pesar de estarmos en Entroido,  o noso centro non se esqueceu de conmemorar o día de Rosalía de Castro. Por iso, o alumnado do 3º ciclo estivo preparando unha escolma de poemas de Rosalía, para lerllos á rapazada de Ceipp de Sigüeiro. Mirade como locen as nosas Rosalías!

Ademais, para manter viva a obra da nosa gran poeta, colocamos algúns dos poemas máis fermosos e recoñecidos de Rosalía, ao pé dos chanzos das escaleiras do noso colexio.

Unha de medo con moito feitizo!

O BOSQUE ENFEITIZADO

O noso alumnado é moi creativo e ideas non lles faltan. Velaquí tedes un exemplo dos contos que prepararon para festexar o Samaín na escola. Aínda que a data xa pasou, continuamos animando os recreos coas lecturas na biblioteca de Nica, para seguir pasando un pouco de medo.....