Que rápido pasou o curso! Estamos de festa, comezan as vacacións! E para celebralo, unha fantástica actuación dos MONIFATES no salón de actos do colexio...
... unha pequena exhibición de quad freestyle a cargo da profesora substituta de inglés Sara
Pero aínda non remata aí, despois a bailar cun DJ de La Gramola!
A disfrutar das vacacións! Bo verán!
Este venres 20 celebramos as Letras Galegas e os maios no noso cole.
Empezamos cunha obra de teatro "Restaurante Farruco" interpretada polos rapaces e rapazas de 6º A, compartimos con vós un pequeno vídeo da actuación.
Unha foto dos actores e actrices.
Ao mesmo tempo o alumnado de 5 anos infantil e 4º de primaria participaba nun obradoiro de olería de Buño
Para acabar esta xornada festiva, cantamos ao redor do maio, entregamos o premio do concurso das Letras Galegas, e gozamos das marabillosas actuacións do noso alumnado, entre elas o baile por parte dun grupo de 5º de "A Pandeirada" de Florencio Delgado Gurriarán.
Este venres, día 1 de abril, as nenas e os nenos de 1º de Primaria visitamos Compostela para realizar a última parte do Camiño de Santiago.
Descubrimos moitas curiosidades e segredos que esconde a cidade. Ó rematar, puidemos entrar na Catedral e tamén no Hostal dos Reis Católicos para seguir coñecendo datos históricos sobre estes lugares. Sabiades que alí se bautizou Rosalía de Castro?
Este xoves, día 24 de marzo, os nenos e as nenas de 5º de Infantil saíron a percorrer un tramo do Camiño de Santiago por Sigüeiro.
Estiveron acompañados por Cristina e Chema, da Asociación de Concellos do Camiño Inglés. Grazas ás súas explicacións, puideron coñecer datos e curiosidades sobre O Camiño, ver os diferentes sinais e visitar o Paseo dos Peregrinos Ilustres.
Como final inesperado, convidáronos a entrar no Albergue Camiño Real. Viron onde descansan os peregrinos e as peregrinas que fan parada alí e tamén selaron a credencial!
O 8 de marzo é o Día Internacional da Muller declarado polas Nacións Unidas en 1975. Esta data conmemórase en moitos países do mundo. As mulleres dos diferentes continentes, separadas por fronteiras nacionais e diferencias étnicas, lingüísticas, culturais, económicas e políticas, únense neste día na loita en pro da igualdade, a xustiza e a participación en todos os ámbitos da sociedade.
No noso colexio quixemos lembrar ás mulleres que cada un de nós eliximos como GUÍA NO NOSO CAMIÑO CARA SANTIAGO E ACOMPAÑANTE NA TRAXECTORIA DA NOSA VIDA.
Este venres, 25 de febreiro do 2022, celebramos o Entroido no CEIPP de Sigüeiro.
Os nenos e as nenas do centro disfrazáronse dunha gran variedade de personaxes e realizaron varias actividades e xogos para desfrutar deste día tan especial.
Tamén houbo doces típicos destas datas!
Aquí tedes un álbum con imaxes da celebración. BO ENTROIDO!
PARA A SEMANA COMEZA O ENTROIDO. PRESTADE ATENCIÓN AOS MANDADOS PARA SABER O QUE TEDES QUE TRAER CADA DÍA. COMO
XA SABEDES O ESTE ANO O TEMA DA BIBLIOTECA É O "CAMIÑO DE SANTIAGO" POR ESO O NOSO MECO É UN PEREGRINO.
Co motivo da conmemoración do Día Escolar da non Violencia e da Paz, que se celebra o 30 de xaneiro, as nenas e nenos de cada curso encheron con palabras conciliadoras as mochilas dos peregrinos que estaban colgadas nos corredores do noso colexio. Velaí unha pequena demostración!
| Lun | Mar | Mér | Xov | Ven | Sáb | Dom |
|---|---|---|---|---|---|---|
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 |
CEIP de Sigüeiro - Xunta de Galicia - Consellería de Cultura, Educación e Ordenación Universitaria, 2016 | ||
