Hoxe o alumnado de 3º de Primaria, asistiu á representación teatral "Rubicundo" no teatro da Fundación Abanca de Santiago de Compostela. Unha historia sobre a amizade, a constancia e a poesía que nos fai perseguir os nosos soños.

Máis fotos en Galería de Imaxes

Este venres, 3 de novembro, o alumnado de 4º, 5º e 6º de Primaria desprazámonos a Santiago para asistir a unha exposición de arte e a unha obra de teatro na Fundación e no Auditorio A Banca.

Na exposición, aprendemos que a arte se manifesta de moitas formas diferentes, que coa aparición da fotografía a arte comezou a explorar o abstracto, que moitas obras que a primeira vista semellan abstractas en realidade non o son ou o que nos transmiten as diferentes cores dunha obra. Tras recorrer as súas salas e observar cadros de diferentes pintores, chegou o momento de converternos en artistas e compoñer poemas visuais con imaxes do día a día.

Máis tarde desprazariamonos ao Auditorio, onde asistiriamos a representación dunha obra de teatro na que o seu protagonista, Teo, nos ensinou como afrontar os problemas do día a día grazas aos mitos gregos de Teseo e o minotauro, Narciso e o seu reflexo, as aventuras de Hércules ou as ás de Ícaro. Pero o que máis nos gustou foi cando os actores se converteron en rapeiros e cantaron arrancando os aplausos de todos nós.

Foi moi divertido! Máis fotos na Galería de Imaxes.

O alumnado de 3º e 4º fixemos unha saída ao Auditorio de Galicia para deleitarnos coa ópera de Guillermo Tell.

A obra foi moi divertida, o escenario e decorados metíannos de cheo no lugar, vestiario da época, xogos de luces... Foi unha experiencia moi enriquecedora. Gracias profe Begoña, foi xenial!

Máis fotos na Galería de Imaxes.

O martes 17 de outubro, ás 16:30, terá lugar no salón de actos do CEIP de Sigüeiro unha reunión informativa coas familias do alumnado que cursa 3º e 4º de E. Primaria. Agardámosvos.

Este mércores, 7 de xuño, os alumnos e alumnas de 3º e 4º curso de primaria visitaron o Galipark, en Padrón. Fixeron escalada, tiro con arco, lasertag, un circuíto de altura, deslizáronse por unha rampla de auga, refrescáronse na piscina e ata tiveron tempo de lanzarse por unha tirolina de 200 metros de lonxitude!!!

Picade na foto se queredes ver máis, iremos subíndoas todas ó longo da semana!

Grazas á Obra Social "la Caixa" e a Asociación Galega de Cooperativas Agroalimentarias, levouse a cabo no colexio a actividade "Almorzo con beizos brancos" para o alumnado de 4º de Primaria, participante no proxecto Cookmat. Os obxectivos son sensibilizar aos nenos/as sobre a importancia que ten almorzar todos os días dunha maneira completa e saudable así como dar a coñecer o sistema productivo do leite. Contou cunha parte teórica e unha práctica na que todos/as degustaron dúas mandarinas, un vaso de leite enteiro con cacao puro e pan galego con aceite de oliva. Hmmm! Canto lles gustou!

Este luns 18 de xaneiro os nenos e nenas de 3º e 4º curso de primaria do CEIP de Sigüeiro visitamos o centro sociocultural da vila para asistir a unha charla sobre o Can de Palleiro!

Aprendemos moitas cousas sobres os cans en xeral e ata tivemos unha demostración de habilidades a cargo de Loira e Iago! Moitas grazas ó Club Raza Can de Palleiro!

Pica se queres ver máis fotos...

Este venres 16 de decembro as nenas e nenos de 3º curso de primaria visitamos o museo das ciencias naturais, en Santiago de Compostela. Estivo xenial!!!

Aquí tedes algunhas das fotos da xornada!

O venres as clases de primeiro e segundo realizamos a nosa primeira excursión deste curso!!!!!! Fomos ao Museo de Ciencia e Tecnoloxia da coruña. E ... o mércores, 14 de decembro, fomos os de cuarto. Alí aprendemos moitas cousas. Ah! estivemos dentro do avión BOEING 747 que é o JUMBO. Realizou o seu primeiro voo no ano 1970 e foi o avión máis grande de pasaxeiros durante tres décadas. Alí está un cachiño moi pequeniño deste avión e correspóndese coa dos viaxeiros de primeira. Que amplios asentos! E ata tiñan tele!. Tamén puidemos ver a cabina dos pilotos. Algo sorprendente foi descubrir que para fabricar avións empréganse materiais moi lixeiros como o cartón. Si, o chan dos avións pode ser de cartón e nos puidemos comprobar como non era posible rompelo, nin se aplastaba. Estaba disposto en exágonos seguindo o modelo dos panales das abellas e así convírtese nun material moi resistente e segue sendo moi lixeiro.