O CURSO ESCOLAR 2020/2021 DARÁ COMEZO O DÍA 10 DE SETEMBRO, PARA O ALUMNADO DE 4º E 5º DE EDUCACIÓN INFANTIL (3 e 4 ANOS) E PARA O ALUMNADO DE 1º,2º E 3º DE PRIMARIA. 

Lembra:

-  Horas de entrada:

*Durante o período de adaptación, o alumnado de 3 e 4 anos deberá seguir o horario indicado polas titoras tanto para as entradas como para as saídas.

• 9:30: Alumnado de 1º, 2º e 3º de Primaria non transportado.
• 9:40: Alumnado de transporte. Mantense o horario habitual nas paradas.  
• 9:50: Alumnado de Infantil 3 e 4 anos non transportado.

-  Horas de saída:

• 14:30: Infantil 3 anos e 1º Primaria.
• 14:35: Infantil 4 anos e 2º Primaria.
  
• 14:45: 3º Primaria.

-  Saída do comedor:

• 15:00: Alumnado de Infantil non transportado.
• 15:30-15:40: Alumnado transportado. Chegada ás paradas no horario habitual.
• 15:45: Alumnado de Primaria non transportado.
  

- Só 1 persoa poderá acompañar ao alumnado de 3 e 4 anos na entrada (tamén ao de 1º durante o mes de setembro) e na recollida do alumnado á hora de saída.

- Desprazamentos seguindo as frechas e mantendo a distancia de seguridade.

- Uso obrigatorio de máscara (en Infantil é recomendable).

- Compromiso de non enviar ao colexio alumnado con sintomatoloxía compatible coa COVID.

Este curso, o alumnado de 1º e 2º de Primaria, iniciouse na robótica e na programación co uso de escornabots na área de Lingua Inglesa. Os escornabots son uns robots de chan, semellantes aos beebots, pero de software libre e hardware aberto; é dicir, que calquera pode contribuir á súa evolución. Prográmanse cuns botóns para executar secuencias de movementos. O seu nome vén da composición das palabras escornaboi + robot. O proxecto ten orixe galega.

Con eles, traballáronse diferentes taboleiros didácticos; dende as rutinas do comezo da clase (día da semana, tempo atmosférico e estado de ánimo) ata outros máis específicos sobre a historia e a cultura de diferentes países europeos. Aquí podedes ver un pequeno resume do curso:

Sabemos que sodes uns valentes e que sempre afrontades todo cun sorriso. E así nolo demostra o alumnado e familias de 1ºB que nos fixeron chegar o seu propio video. Parabéns!

FAMILIAS: A aplicación Smile and Learn (unha das mellores aplicacións educativas de Android e IOS) decidiu dar un mes gratis de todo o seu contido. É unha maneira de traballar na casa de xeito divertido, onde poderedes atopar máis de 1500 actividades bilingües. App recomendada para nenas e nenos de 3 a 12 anos.

Tan só tedes que descargar a aplicación nos vosos dispositivos mobiles ou tablets e solicitar ao voso/a titor/a o nome de usuario e contrasinal, para poder acceder a todo o contido de xeito gratuíto.

WEB:  Smile and Learn

APP SMILE AND LEARN: Android    IOS

Hoxe dou comezo a liña IGUÁLA-T dos Contratos Programa. O alumnado de Infantil, 1º e 2º de Primaria asistiu ao contacontos "Por catro esquinas de nada" para tratar a diversidade e estereotipos de xénero. É unha historia teatralizada que afonda no tema da aceptación das diferenzas, da tolerancia e a superación persoal. Unha metáfora sobre as problemáticas sociais que se pode atopar unha persoa ao longo da vida ao non "encaixar" cos mandados e roles sexistas preestablecidos. 

Posteriormente tivo lugar a dinámica "Eu tamén encaixo". Trátase de contemplar o relato anterior reflexionando a través dunha serie de pictogramas, fichas e xogos didácticos sobre a importancia de complementarse e visibilizar a diversidade de todas as persoas que convivimos nun mesmo espacio.

Álbum: Curso 2019 - 2020 -> IGUÁLA-T

Os días 6 e 7 deste mes o alumnado do 1º ciclo de primaria fixo unha visita guiada ao Museo de Historia Natural da USC. Alí puideron coñecer máis sobre os animais e o seu hábitat así como algunha curiosidade que lles chamou a atención. Por exemplo, sabiades que a curuxa caza pola noite porque o seu voo é silencioso debido a que o vento non penetra entre as fibras das plumas? Ou que o cuco é un paxaro moi listo que pon os ovos no niño doutro para que llos coide? Ou que as píntegas, que viven en lugares húmidos, se andan pola zona é un bo indicador de que a auga está limpa?

Sen dúbida a visita foi do máis interesante porque, ademais, puideron ver diferentes minerais e ata observar varias pedras preciosas adentrándose nunha grande caixa forte!

Dende a área de lingua estranxeira, comezamos o 2º trimestre mergullándonos nun proxecto eTwinning con alumnado doutros centros: o CEIP Plurilingüe Ben-Cho-Shey de Pereiro do Aguiar (Ourense), a Escola de Esporoes (Portugal) e o College Primary de La Salle (Malta).

Intercambiaremos taboleiros didácticos con imaxes e información sobre os 3 países, así como tamén outro do Reino Unido. Coa axuda de escornabots, percorreremos cada país e coñeceremos un pouco máis a súa cultura.

O alumnado de 1º e 2º de Primaria, xa está traballando co taboleiro británico e programando o escornabot para desprazarse polos máis emblemáticos lugares e símbolos do país.

Álbum: Curso 2019 - 2020 -> Around Europe with a Bot

Hoxe, 30 de xaneiro, celebramos o Día da Non Violencia e da Paz, coincidindo co aniversario da morte de Mahatma Gandhi. Para conmemorar este día, o alumnado de 1º de Primaria elaborou un mural unindo as súas mans pola Paz do Mundo. Así mismo os nenos e nenas de Educación Infantil asistiron a unha sesión de contacontos da man de Leticia de "Dinamo". Con ela compartiron dunha maneira moi lúdica os "problemas" cos que se atopan na actualidade os máis pequenos. Gustounos moito!!!

Chegou o día! Pola nosa biblioteca pasou Gloria e Tomi "Mamá Cabra". Interpretaron temas do seu libro CD "A fraga do meu avó", ademais dalgún outro, como o tan coñecido "Glu glu glu plas plas plas navegando polo mar", do que nos contou que naceu nunha aula de Infantil do noso cole. Divertímonos un montón e soubemos que as fragas están cheas de vida e de moitas curiosidades. Falounos do peto, da pega marza, da píntega, das augas dos ríos ou das fontes, das prantas que curan... E para rematar agasallámolas cunha árbore autóctona para que levasen á súa fraga, unha faia. Queremos que medre moito e que cando a miren lembren ao CEIP de Sigüeiro. GRAZAS por visitarnos!

Xa temos nova data para a visita de MAMÁ CABRA ao noso cole. Será o vindeiro martes 28 de xaneiro a partir das 17.00 h na biblioteca. Presentarán "A fraga do meu avó", un libro CD con contos, lendas e cancións relacionadas cos bosques e co noso proxecto documental integrado.