O alumnado de 2º de Primaria intercambiou postais de Nadal con alumnos/as do colexio Blackshaw Primary School de Bolton, preto de Manchester (UK).

Aquí están as que nós escribimos...

... e as que eles nos enviaron.

O pasado xoves, 28 de novembro, o alumnado de 1º e 2º de primaria acudiu ao Auditorio Abanca para ver a obra musical «A nena e o grilo máis aló», de Magín Blanco. Gozaron do teatro con música en directo e cunha historia que os levou, entre medos e risas, a un mundo de maxia e de fantasía.

O venres, 18 de outubro, o alumnado de 1º de Educación Primaria achegouse ata a Cidade da Cultura, en Santiago de Compostela, para visitar a exposición ARGALLAR, na cal divertíronse e aprenderon xogando coa arquitectura. 

O martes, 8 de outubro, o alumnado de 2º de primaria visitou a exposición Argallar na Cidade da Cultura. Alí puideron xogar coa arquitectura construíndo diferentes formas xeométricas coma cubos ou pirámides. Pasárono xenial!

 O martes 24 de setembro, ás 16:30, terá lugar no salón de actos do CEIP Plurilingüe de Sigüeiro unha reunión informativa coas familias do alumnado que cursa 1º e 2º de E. Primaria. Agardámosvos.

O ilustrador Anxo Fariña estivo cos pequenos de 1º e 2º para contarlles como plasma no papel os seus personaxes e tamén para ensinarlles algunhas técnicas á hora de debuxar.

Durante a visita, tivo tempo de debuxar ao noso compañeiro Manu. Mirade que detalles e que precisión!

Mirade cantas leitugas temos no noso invernadoiro! Mara, Manu e Carla de 2º foron a recollelas. Case non cabían nas cestas...

Como di o noso lema: Son boas, son sans e son de Hortocol!

E como todo o bo se acaba, axiña non quedou ningunha. Pero tranquilos/as, o próximo martes haberá máis!!!

 E mirade como medran as nosas patacas...

Year 2 continues exchanging cards with their penpals at Highfields Primary in Rowley Regis.

This time, we made Easter Bunnies.

And they sent us Easter eggs and chicks.

Thank you very much!!! We'll keep in touch.

Se o venres se emitía a entrevista aos nosos alumnos/as no programa "Fun polo aire" sobre o cambio de hora, o luns a clase de 2ºB foi a protagonista no espazo televisivo "BraulioTuber". Ese día emitiron a reportaxe que Braulio Bolechas gravou no 1º trimestre sobre a fotografía! Dádelle ao "play".