Hoxe os nenos e nenas de infantil axudaron aos de sexto a sementar nabizas.

Hoxe volviamos ao cole despois das vacacións de verán.

Nervios, algúns choros, reencontros cos compañeiros e mestres, moitas novidades...

Pero cando nos achegamos á horta, a nosa cara aledouse, pois vimos con asombro como medraran as plantas que con tanto mimo cultivamos durante o curso.

Dende pementos, tomates, calabacín, cabazas e... ata amorodos! Que delicia! 

Álbum: Curso 2018 - 2019 -> Voz Natura (Horta)

Chegamos á fin deste curso e recolectamos todas as verduras, hortalizas e froitas da nosa horta para repartir de balde entre a comunidade educativa. 

Vémonos o curso que vén, sementando ilusións e recollendo futuro!

Hoxe estamos especialmente ledos porque, ademais de recolectar leitugas, acelgas, espinacas...  xa temos os primeiros amorodos. Xa se sabe que os nenos e nenas non somos moi fans das verduras, aínda que as tomamos porque son moi sans. Pero esta froita encántanos! De momento son pouquiños, pero axiña teremos máis!

Os martes, os produtos Hortocol saen á venda. Hoxe acelgas, leitugas e espinacas! Aproveitade a ocasión para comer san.

O alumnado de 5ºA estivo na horta plantando pementos, un dos produtos estrela da gastronomía galega. A tempada de cultivo do pemento arranca en maio e dura ata finais do verán. E sabedes por que uns pican e outros non? A resposta está na capsaicina, un composto que produce o propio pemento como método de defensa contra insectos e animais. Pero non todos os pementos conteñen esta substancia na mesma proporción. As horas de sol, o tipo de terra e os métodos de rego, entre outros factores, poden determinar o desenvolvemento da planta e, polo tanto, o seu posterior picor.

O noso centro participa no concurso "Así se coida a natureza" de Voz Natura con este video resume das actividades levadas a cabo durante este curso e que leva por título: "Nun entorno +, vivimos +". Este programa pretende concienciar ao alumnado na importancia de preservar o medioambiente e dende o CEIP de Sigüeiro promovemos o coidado da natureza coa nosa horta ecolóxica, ademais de moitas outras actividades. Botádelle un ollo! E se vos gusta, apoiade a nosa candidatura votando aquí (é preciso ter conta de facebook) ata o 30 de maio. Os 5 videos que reciban máis votos converteranse en finalistas. De entre eles, un xurado escollerá o video gañador. Grazas polo voso apoio!

Grazas aos nosos compañeiros/as de 5º de primaria, os máis pequenos do cole poidemos plantar a nosa parcela do horto escolar con BRÉCOL. Aínda que non sexa a nosa verdura preferida, de seguro que cando medre será o brécol máis "rico" do mundo.

Grazas maiores por axudarnos a medrar aprendendo!

A nosa horta segue medrando.

Hoxe tocoulle plantar aos nenos e nenas de 6ºA, temos leitugas para todos/as.