Aproveitando que comezou a primavera e que nestas datas se celebra o Día da Árbore, na xornada de hoxe baixamos ao patio por ciclos a plantar árbores autóctonas: dous castiñeiros, unha nogueira e unha abeleira. Pero primeiro preparamos o terreo onde iamos plantar e fixemos os buratos coa sacha. Podedes ver as fotos no seguinte álbum:

Álbum: Curso 2017 - 2018 -> Plantación: Día da árbore

Posto que non podemos saír ao horto, hoxe os nenos e nenas de 3º decidimos plantar chícharos na clase. Para isto reutilizamos os envases das leitugas.

Enchemos os envase de terra...

Puxemos un chícharo en cada un...

Cubrimos con máis terra e regamos.

Agora só queda agardar a que medren!

O noso invernadoiro segue medrando. Desta volta, os alumnos/as de 5º plantaron unhas espinacas. Mirade que bonitas...

Que ilusión! Cada día seguimos a evolución das nosas castañas converténdose pouco a pouco en castiñeiros. Agora xa teñen talo e algunha folla. Medímolas coa regra e anotamos as medicións para levar a cabo un seguimento.

O noso invernadoiro segue medrando!

Nesta ocasión, foi o alumnado de infantil o que se achegou a plantar máis leitugas. Mirade...

O noso invernadoiro segue medrando. Despois das primeiras leitugas que non nos esquecemos de regar, plantáronse outras pequenas para que poidamos seguir tendo produción cando as primeiras comecen a pasar. Da gusto ver como se enche o noso invernadoiro!

Mirade que preciosas están as leitugas que plantamos hai uns días no invernadoiro!!!! O bo tempo dos últimos días prestoulles moi ben!

Pero non só medran as leitugas, as ceboletas que plantamos nos semilleiros e algunha que outra castaña tamén están agromando. Hurra!

Mentres as nosas castañas empezan a agromar, decidimos reutilizar os envases nos que viñan as leitugas para sementar unhas ceboletas. 

Hoxe o alumnado do 3º ciclo estivo na horta preparando todo para comezar a usar o invernadoiro. Colocaron o plástico, sacharon e aboaron a terra e xa plantaron as primeiras leitugas.