En Galicia os vimbios, foron moi usados para atar feixes, para facer cestos e mesmo para atar as viñas. Hoxe en día seguen a empregarse sobre todo no atado de cepas, pero tamén aínda que menos na elaboración de cestos.

Queremos seguir todo o proceso dos vimbios, dende a súa plantación ata que estean listos para a elaboración de cestos. Primeiro, logramos que enraizaran varias pólas e agora chegou o momento de plantar. Estamos no tempo indicado para que prendan. Imos ver se conseguimos o noso propósito, aínda que deberemos esperar un tempo para que medren. 

Trasplantamos os allos e limpamos herbas.

Terminamos a xornada plantando violas coa axuda dos nenos e nenas de infantil. Bo traballo nenos e nenas!

O pasado mércores tivo lugar no Salón de actos do noso centro unha charla, dentro do Programa de accións formativas que desenvolven a Garda Civil e Voz Natura, sobre a prevención de incendios forestais.

O alumnado de 5º e 6º de Primaria, coa axuda de Óscar, o axente da Garda Civil, concienciouse sobre o grave dano que estes lumes ocasionan nos nosos ecosistemas.

Estamos de estrea. Nace a publicación escolar "Hortocoliña", unha revista informativa con todas as novas do colexio elaborada polo noso alumnado (redacción, fotografía, maquetación). Aínda que cun pouco de retraso, xa temos dispoñible o primeiro número, correspondente ao mes de outubro. E axiña sairán máis... Estade atentos/as!

Non todo é o traballo na horta. Tamén queremos ter espacios verdes e coidados na entrada do colexio. Así que hoxe tocou regar as plantas do xardín da entrada. Bo traballo rapazas!

O alumnado de 4º de Infantil (3 anos) estivo traballando o conto Corre, corre cabaciña. Así que non se lles ocorreu outra cousa que ir na procura de cabazas. A onde? Á nosa horta!

Miraron e requetemiraron por toda a horta. Ata entraron no invernadoiro.... pero nin rastro de cabazas!

Onde irán todas as nosas cabazas? Seguide a súa investigación no seu blog Eu cociño, ti cociñas.

Xa tedes cabaza para este Samaín? Achegádevos ao noso mercado e levade unha, ben sexa para facer unha rica crema de cabaza ou para decorar neste Samaín! Apurade que voan!