Na xornada de hoxe, os alumnos de 3º, 4º, 5º e 6º de Primaria desprazámonos ata Brión para asistir á exhibición solidaria que realizaba a Garda Civil.

Ademais de recoller alimentos e material escolar, puidemos ver moitas manobras e actuacións dos corpos de seguridade: cans adestrados para atopar persoas ou determinadas substancias estupefacientes, como actúa a brigada de criminalística ante un homicidio, recollendo pistas, como desactivar unha bomba, simulacros de rescate en montaña, os submarinistas baixo auga, en ambientes contaminados con traxes e mascarillas especiais...

Tamén vimos un dos seus helicópteros e moitos outros vehículos que empregan habitualmente.

Álbum: Curso 2018 - 2019 -> Exhibición solidaria Garda Civil

O martes 30 de abril, os alumnos/as de 5º xunto cos seus profes visitaron o Dolmen de Dombate.

Por grupos, realizaron a visita ao monumento megalítico onde descubriron pinturas e gravados e ata construíron un "teléfono" ou medio de comunicación da época neolítica. Trátase dun obxecto de madeira con forma ovalada atado cun fío. Ao xiralo, dependendo da lonxitude do fío, emite un son que os habitantes da época eran capaces de distinguir e co que comunicar mensaxes sinxelas como se hai caza ou non nun lugar concreto.

Foi unha xornada fantástica! Máis fotos no seguinte álbum:

Álbum: Curso 2018 - 2019 -> Dolmen de Dombate

O pasado venres, dous xogadores da SD Compostela visitaron o noso centro e conversaron con nós sobre como foi a súa traxectoria ata chegar ao seu actual equipo, ou como é o día a día no seu traballo. Eles eran Álvaro Casas, natural de Santiago de Compostela, e Aythami Perera, xogador canario que vive en Galicia a súa primeira experiencia fóra das illas.

Con eles, tamén abordamos outras cuestións, como os hábitos de alimentación, as horas de descando ou a violencia no deporte. Para rematar fixemoslles moitas preguntas e convidaronnos a ir velos ao estadio Vero Boquete de San Lázaro no seu partido do domingo contra o Boiro.

O alumnado de infantil está inmerso de cheo na prehistoria, proxecto de centro que se está a traballar; de ahí que a finais deste mes de marzo tomásemos a decisión de coñecer máis de preto todo o que estamos a aprender no cole e colleramos rumbo a Campo Lameiro para coñecer de primeira man como se vivía naquela época.

Cun paseo polo parque puidemos ver e tocar os petróglifos cos principais motivos que os prehistóricos plasmaron nos gravados rupestres galegos.

Visitamos un poboado no que nos deixaron acceder ás chozas para velas por dentro e fixarnos en todos os detalles.

Tamén realizamos un obradoiro de pinturas rupestres no que demostramos o artistas que somos. E para finalizar, fixemos un percorrido pola exposición na que nos atopamos cun verdadeiro prehistórico!!

Álbum: Curso 2018 - 2019 -> Parque Arqueolóxico de Campo Lameiro

 Saida ao Auditorio de Galicia, Marzo 2019, Concerto Didáctico "Mini Mozart"

Este xoves, os alumnos e alumnas de 2º de primaria, achegáronse ata o Auditorio de Galicia en Santiago, para asistir o concerto Didáctico "Mini Mozart". Neste espectáculo o ambiente é para gozar da música de W. A. Mozart, con interacción entre os personaxes e o público, ben como entre os personaxes e a orquestra.

A Real Filharmonía de Galicia ofrece o concerto “Mini Mozart” en colaboración co serviço educativo da Casa de Música de Oporto, Mini Mozart é un espectáculo para todas as idades, cunha linguaxe simple e humor inocente. 

Con motivo da Semana da Prensa, os alumnos/as de 1º e 2º de Primaria recibimos onte ao xornalista Xurxo Melchor no Salón de Actos do noso colexio. El explicounos todos os segredos do xornalismo: como se imprime un xornal, as preguntas clave para redactar unha noticia... Despois puxémolo en práctica e redactamos un artigo que saíu publicado case instantaneamente na edición dixital de La Voz de Galicia. Non o podiamos crer! E hoxe, aparece na edición escrita. Que emocionante! Facede clic aquí para ver a nova.

Saida ao Teatro Principal, Marzo 2019, "Danza da choiva"

Este mercores, os alumnos e alumnas de infantil e 1º, achegáronse ata o Teatro Principal de Santiago para asistir ao espectáculo de musica e monicreques "A danza da choiva". Que recibiu o premio María Casares 2017, ao mellor espectáculo infantil. 

Este luns, os nenos e nenas de 3º de Primaria recibimos unha visita moi especial na biblioteca de Nica. Nada máis e nada menos que Chinto, xornalista e escritor. Xunto co seu compañeiro Pinto, escribiu os libros Novas Minimaladas e Cámbiache o Conto que estivemos lendo este trimestre na clase.

Hoxe celebramos o Antroido no noso colexio. A temática dos disfraces foi unha viaxe pola historia: dende a Prehistoria ata a Idade Contemporánea. O noso alumnado, xunto co dos outros colexios do concello, desfilou polas rúas de Sigüeiro mostrando os seus disfraces e o traballo das últimas semanas.

Despois do pasarrúas e desfile na Alameda de Gois, volvemos ao patio do colexio onde nos agardaba unha saborosa merenda composta por orellas, periquitos e filloas elaboradas alí mesmo por pais, nais, avós e avoas...

A TVG acompañounos durante esta xornada e gravou unha reportaxe que emitiu no Galicia Noticias (min 26:38).

E xa temos as primeiras fotos no seguinte álbum:

Álbum: Curso 2018 - 2019 -> Antroido 2019

O alumnado de 5º e 6º achegámonos ao Centro Sociocultural Fernando Casas e Novoa para asistir á exposición "O Camiño á Constitución nas caricaturas de Siro" organizada pola Deputación para conmemorar os 40 anos da súa entrada en vigor.