Hoxe, xoves día 12 de setembro do 2019, o alumnado do centro foi partícipe dunha exhibición de hóckey a patíns no pavillón do centro.
Co ánimo de acercar o deporte ós nenos e ás nenas co CEIP Plurilingüe de Sigüeiro, tamén tiveron a oportunidade de ver a antigos compañeiros e compañeiras do colexio que seguen practicando esta modalidade.
Estivo xenial!
Hoxe, venres 21, despedimos o curso escolar cun festival no patio do colexio. Os nenos e nenas de Infantil fixeron un mix dos anos 60, 70 e 80.
Despois virían os de Primaria. Os de 1º bailarían ao son de "Here Comes the Sun" dos Beatles.
Os de 2º, puxéronlle cor e calor con "Bajo el mismo Sol" de Álvaro Soler.
Os de 3º interpretaron dúas cancións ao piano e á guitarra. A primeira delas, coñecida por todos, "No dudaría" de Antonio Flores. A segunda, "Ay, triste que vengo", un canto do século XV.
Despois tocáballes aos de 4º, que versionaron o "YMCA" dos Village People.
Os de 5º, expertos en festivais, fixeron un mix de Eurovisión cos seus mellores éxitos.
E os de 6º danzaron os bailes típicos do século XX (twist, tango, vals, can-can...).
Entre tanto, entregouse o Cheque de 175€ do recaudado este curso coa venda dos productos da nosa horta. Recollérono dous membros de ASANOG (Asociación de Axuda a Nenos Oncolóxicos de Galicia). Tamén nos lembramos de todo o alumnado premiado en diferentes concursos durante este curso.
Antes de rematar o acto, os alumnos/as de "Botamos un Baile" repetiron o baile das cintas que realizaramos polas Letras Galegas.
Por último, o alumnado de 6º de Primaria leu un escrito de despedida e entoaron unha versión en galego do tradicional Moonlight Shadow de Mike Oldfield.
Reporteiros da Galega estiveron connosco durante esta xornada entrevistando a alumnos/as e profesores. As reportaxes emitíronse nos programas A Revista (min 2:36 e 23:28) e o Telexornal Mediodía (min 42:14).
E aquí un resume en video da xornada. Boas vacacións!!!
Hoxe, o alumnado de 5º e 6º disfrutou da súa excursión de fin de curso. Rutas de sendeirismo, tiro con arco, experimentos científicos e... un montón de xogos no entorno do Muíño do Pedroso en Narón.
Onte tamén tivo lugar a entrega de premios do concurso literario de relato curto "Unha árbore, unha historia" no que participaba alumnado de 5º e 6º do noso centro. O acto, promovido pola empresa Vegalsa, tivo lugar nas instalacións do supermercado Familia da nosa vila. Tras unhas palabras dos responsables do proxecto e dos directores dos dous centros educativos de Sigüeiro, procedeuse a coñecer os gañadores en cada categoría. Polo noso colexio, resultaron gañadoras Nerea Barcala de 5ºA e Julia Otero de 6ºA polos seus relatos con árbores como protagonistas.
Despois, desprazámonos a un terreo contiguo ao supermercado para realizar a plantación de árbores autóctonas.
E como onte o mal tempo impedía levar a cabo a xa tradicional Festa da Auga, esta substituíse por un circuíto de xogos no pavillón no que non faltaba de nada. O alumnado pasou por grupos polas diferentes probas. Agradecemos a colaboración da Asociación Diver-Cida que preparou a actividade.
O alumnado de 6º desprazouse ata a Cidade da Cultura en Santiago, onde asistiu á entrega de galardóns do programa "Atrévete" de Eduemprende. Entre os traballos premiados, atopábase o da nosa alumna Marta de 6ºB, que recibiu unha tablet pola súa boa idea de negocio sobre un sistema de rego de plantas aromáticas con material de refugallo que levaba por título "Pingas para aromas".
Continuamos coas actividades das Letras Galegas e hoxe recibimos a Mari de Loureiro, amiga de Antón Fraguas, e a Dona carme, a que sempre estaba a durmir...
Con elas disfrutamos dunha fermosa e divertida historia ademais de compartir unha morea de xogos tradicionais que rematamos co coñecido "pase misí".
Gracias á Asociación DiverCida por facernos pasar unha agradable xornada.
Durante toda a semana vimos conmemorando as Letras Galegas, con diversas actividades. Os alumnos de 6º de Infantil e de 4º de Primaria achegáronse a un oficio tradicional, o dos oleiros.
Tamén recibimos a visita de Xandobela. Faláronnos de Antonio Fraguas, o homenaxeado deste ano, sobre os seus estudos, os traxes tradicionais...
Non nos esquecemos doutra celebración típica deste mes como son os Maios; así que, entre todos, elaboramos un gran Maio.
E hoxe, o broche final, coa II Romaría das Letras. Primeiramente, coplas arredor do Maio. Despois tivo lugar a entrega de premios aos gañadores do Concurso das Letras Galegas organizado polo EDLG. Catro alumnos/as de 4º recitaron uns versos de Antonio Fraguas. Alumnado de música interpretou o himno galego ao violín, guitarra e piano, baixo as ordes de Begoña.
E coma en toda romaría, o baile non podía faltar. O alumnado de Botamos un Baile dende infantil ata Primaria bailou a danza das cintas que levaban ensaiando dende comezos de curso os xoves no recreo. Para a ocasión contamos coa axuda de Juan e Carlos, dous gaiteiros do grupo Lembranzas do Tambre.
Para clausurar o acto, cantariamos todos xuntos a"Rumbaliza", un canto á nosa lingua do grupo Tanto Nos Ten.
FELIZ DÍA DAS LETRAS GALEGAS!
Hoxe o alumnado de 6º de Educación Primaria desprazouse ata o CIFP Politécnico de Santiago para asistir a unha charla didáctica sobre o emprendemento dentro do programa Atrévete de Eduemprende. Alí coñecemos a Ramón Lois, un empresario e emprendedor, da compañía madeireira Finsa que nos falou da importancia do traballo en equipo e de crer nos nosos soños.
Ademais recorremos as instalacións do centro, onde nos explicaron os diferentes ciclos formativos que alí se poden cursar: química, carpintería, mecánica, automoción, soldadura...
Podedes ver as fotos no seguinte álbum:
PLAN DE RECUPERACIÓN
| Lun | Mar | Mér | Xov | Ven | Sáb | Dom |
|---|---|---|---|---|---|---|
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 |
CEIP de Sigüeiro - Xunta de Galicia - Consellería de Cultura, Educación e Ordenación Universitaria, 2016 | ||
_result2.jpg){kind=link}
