Promocións

Evento Conxunto de Formación do Profesorado

Erasmus+ 18-20

"Promover estilos de vida felices e saudables"

Dublín (Irlanda)

Luns 7 de outubro 19 - Venres 11 de outubro 19.

Durante esta semana do 7 ao 11 de outubro de 2019, varios Mestres do C.E.I.P Plurilingüe Nº2 de Tui, participan no “III Evento Conxunto de Formación do Profesorado”, no Colexio Bunscoil Sancta Maria Synge Street (Dublín-Irlanda) en Irlanda. Dito evento está incluído dentro do proxecto Erasmus+ 2018-2020 no que participa o noso centro “ Promovendo estilos de vida felices e saudables".

Tódolos docentes participantes neste evento pertencen as escolas asociadas no proxecto:

                   Colexio Christian Brothers 'Primary School Armagh (Irlanda do Norte- Reino Unido), que é o centro coordinador do proxecto. 

        Instituto Comprensivo Varese 2 (Varese -Italia). 

       CEIP Nº9 Las Culturas (Alacante -España).        

   Colexio Bunscoil Sancta Maria Synge Street (Dublín -Irlanda) .

       Agrupamento de Escolas da Zona Urbana da Figueira da Foz Portugal (Portugal). 

 Na xornada do martes 8 de outubro de 2019, o profesorado foi recibido polo
alumnado irlandés e visitaron a escola de Dublín, para coñecer o seu sistema
educativo, as aulas, o alumnado, etc... Tamén tiveron oportunidade de aprender danzas
e bailes tradicionais de Irlanda.

Na xornada do mércores día 9 de outubro, tiveron un curso de adestradores de
"Hurling", un deporte de orixe celta, que se xoga principalmente en Irlanda e
que traerán a Tui para que o coñeza o alumnado do noso centro educativo.

O xoves 10 de outubro e para rematar a estadía en Dublín, a formación xirará entorno ao desenvolvemento do proxecto.

Farase a proposta de actividades para este curso: Mindfullnes (relaxación), alimentación saudable e actividade física.

E coordinarán as saídas previstas para este curso:

•          Viaxe a Torrevieja (Alacante) do alumnado da nosa escola, que irá en marzo de 2020, e que coincidirán alí , ademais dos compañeiros de Alacante, co alumnado de Varese ( Italia).
•          Viaxe a Tui do alumnado da Escola Abadias, de Figueira da Foz ( Portugal) e do alumnado do Colexio As Culturas de Torrevieja (Alacante).

Ambas serán viaxes nas que o alumnado afondará na temática do proxecto ademais de fomentar lazos deportivos, culturais, gastronómicos, etc.

Este novo encontro do profesorado foi unha vez máis unha experiencia, como nos transmitiron os compañeiros desprazados a Dublín, moi enriquecedora e  totalmente recomendable.

Así mesmo, no noso centro estase a traballar arreo para poñer en marcha o proxecto neste curso, con todo o que nos vai deparar.
Coincidindo coa Semana Europea do deporte e o Día Europeo do Deporte iniciamos a Milla Erasmus de Lúa, onde cada día todo o alumnado percorre millas para axudar a Lúa ( a mascota do colexio) a dar a volta ao mundo.

Coincidindo con estas datas, leváronse a cabo numerosas promocións deportivas, en colaboración cos clubs de Tui para animar a todo o alumnado a facer actividade física e saudable.
Na vindeira semana terán lugar as xornadas de iniciación do proxecto, onde o Mindfullnes, o Ioga e a alimentación sa serán os protagonistas, con proxección de curtas e películas educativas neste senso e obradoiros dirixidos por especialistas.

Lúa tamén ten grandes ideas para este curso, entre as que se atopa un posible restaurante saudable.
Ademais, sumándonos á concienciación polo cambio climático, xa está a funcionar a patrulla ecolóxica que cada día traballa para concienciar a todo o alumnado na importancia da recollida selectiva dos residuos que xeramos na escola.
Seguimos este ano, potenciando a horta escolar, promovendo o cultivo de alimentos ecolóxicos. En colaboración co equipo plurilingüe do centro, a horta dará un paso adiante na organización e deseño das zonas de cultivo, instalando bancais e outros elementos decorativos, facendo dela un espazo acolledor, dinámico e atractivo. O obxectivo é que nela medren verduras e alimentos que posteriormente cociñaremos no restaurante de Lúa para rematar desgustándoos.
Por diante temos un curso cheo de celebracións sas e saudables: Samaín, Magosto, Nadal, Día da Paz, Entroido, Letras Galegas … formando parte deste Proxecto de Centro que co bo facer de mestr@s , alumn@s, familias e comunidade educativa esperamos que sexa cando menos: “ San, Saudable e Feliz”. 

 From 7th-11th October, some school teachers participated
in the Erasmus+ meeting in Bunscoil Sancta Maria Synge Street
School (Dublín-Ireland).

On Tuesday, the teachers were received by the irish students and they visit the school. In that way, they´ve learned about their educational system, their school organization, their classrooms, their students, … they also had the chance to learn traditional irish dancing.

On Wednesday, they practised Hurling, an irish game, so they would teach us when they came back.

On Thursday,They had a meeting where the talked about the Project activities this year, relating to mindfullness, healthy nutrition and physical activity. Besides, they coordinated the trips of this year:

On March 2020, Tui and Varesse students are going to travel to Torrevieja.

On May 2020, Torrevieja and Figueira da Foz students are going to come to here.

These meetings are a great oportunity to learn about other’s cultura, sports or food.

An great experience recommended by our teachers who went to Dublin.

On the other hand, as this week was the Eurepeans Sports week, in our school we started the Erasmus mile and practised other sports of the Tui’s council.

Next week, we are going to participate in some workshops related to our Project (Mindfullness, nutrition and Ioga).

Lua has some great ideas, such as the creation of a healthy restaurant in our school.

Besides, we join in climate change awareness, so our eco-patrol help us to show the rest of the pupils the importance of recycling.

This year, we will continue working in our school garden, promoting the consuption of ecological food. This vegetables will be cooked in Lua’s restaurant.

The latter, this year we are full of healthy celebrations: Samain, Magosto, Christmas, Peace Day, Carnival, Letras Galegas… that will make our academic year “Healthy and Happy”

John, un peregrino moi especial chegado de Armagh ( Irlanda), visita o noso colexio.

O pasado martes 17 de outubro chegou a Tui, facendo o Camiño de Santiago Portugués, un peregrino  moi especial que viña camiñando dende Oporto, dirección Santiago de Compostela.

John, que así se chama, é o sogro de Lorna, a compañeira Coordinadora do proxecto Erasmus+, en Irlanda do Norte.

Jonh foi director dunha escola en Armagh e camiñou moi de présa ata Tui porque quería coñecer a nosa escola e @s nen@s do CEIP Nº2 de Tui. Estivo nalgunhas clases e foi un placer a súa visita. Mágoa que non fose por máis tempo. Esperamos que se John volta a Galicia teña algún tempo máis para estar con nós e contarnos máis cousas interesantes de Irlanda, das súas escolas e d@s nen@as de alí.

   Jonh, a very special pilgrim from Armagh visit our school

On October 17th, a very special pilgrim arrived Tui while he was doing Santiago´s route. Jonh, that´s his name, is Lorna´s (The irish Erasmus coordinator) father-in-law. Jonh was the Armagh´s school headteacher and he came to visit our school and meet our students and teachers. It was a great pleasure his visit. It was a pitty not being talking a little bit more. We hope that he can came back to tell us more interesting things about his school and the irish children.

Moitas gracias a John e a Lorna.

Semana Europea do Deporte.

23-30 setembro 19

Día Europeo do Deporte.

27 setembro 19

Coincidindo coa Semana Europea do Deporte e o Día Europeo do Deporte iniciamos a Milla Erasmus+ de Lúa, un circuíto onde cada día todo o alumnado percorre millas para axudar a Lúa (a mascota do colexio) a dar a volta ao mundo.

Cada clase buscou nesta primeira ocasión unha forma divertida de facer a milla en grupo.

Coincidindo con estas datas, leváronse a cabo numerosas promocións deportivas, en colaboración cos clubs de Tui para animar a todo o alumnado a facer actividade física saudable.

 Promoción de Padel.

 O pasado martes 17 de setembro de 2019, tivemos a Samuel do Club Padel 8 que ten a súa sede nas instalacións deportivas de Guillarei. Con eles coñecemos o padel e disfrutamos xogando coas súas raquetas e pelota. Tamén nos convidaron a visitar as instalacións de Padel de Guillarei e disfrutar de unha sesión gratuita. Moitas, moitas grazas.

Promoting  Padel

  Last Tuesday, September 17 ^th , we were with Samuel from Club Padel 8, which is based in the sports facilities of Guillarei. We learnt a lot about paddle with them and enjoy playing with their equipment. We were also invited to visit the facilities of Padel in Guillarei and enjoy a free session. Thank you very much.

Promoción de Baloncesto

O pasado luns 16 de setembro estivo con nós Samu, Carla e Alejandro do Club Baloncesto Tui. Con eles xogamos a baloncesto e aprendemos o importante que é xogar en equipo. Tamén nos convidaron a formar parte do seu Club.

Moitas grazas Samu, Carla, Jony e Alejandro por por crearnos ilusión polo baloncesto.

Promoción de Xadrez

O pasado luns 16 de setembro estivo con nós Luis do Club Xadrez Tui. El contounos cousas moi interesantes sobre o xadrez, o importante que é para a concentración, etc...

Tamén nos convidou a ir a probar as súas clases, os sábados ás instalación do Casino de Tui.

Moitas grazas Luis por aportarnos tanto.

Promoción de Bádminton

O pasado venres 13 de setembro, estiveron con nós Marisa e Jonathan do Club Bádminton Tui. Contáronnos moitas cousas interesantes sobre o bádminton e invitáronnos a practicalo cando queiramos, no seu clube. Moitas gracias.

Promoting  Badminton

Last Friday, September 13th, Marisa, Javier and Jonathan from Badminton Club were with us. They told us many interesting things about badminton and invited us to practice it whenever we want in their club. Thank you very much.

Promoción de Balonmán

O pasado xoves 12 de setembro estiveron con nós monitores do Clube Balonmán Tui. Con eles xogamos a balonmán no pavillón novo e pasámolo moi ben. Eles ademais son xogadores de balonmán do clube e animáronnos a probar este deporte que a eles tanto lles gusta. Moitas grazas.

Promoting  Handball

Promoción de Judo

O pasado xoves 12 de setembro estiveron con nós David e Carmen do Club Judo Tui. Eles contáronnos cousas moi interesantes sobre o Judo, o importante que é para a concentración, para fomentar o compañeirismo, para o respecto...e ademáis pasámolo moi, moi ben. Tamén nos convidaron a ir no mes de setembro a probar as súas clases polas tardes, de xeito gratuito.

Moitas grazas Carmen e David por aportarnos tanto.

      Promoting  Judo

On Tuesdays, September 12th, David and Carmen from Judo Tui Club were with us.They told us very interesting things about Judo, how important it is for concentration, companionship, for respect ....We were also invited to go and try on Setember for free.

Thank you very much Carmen and David for providing us so much.

Campaña Deporte Escolar 19/20

Como cada ano , vaise poñer en marcha a Campaña de Deporte Escolar, na que o noso centro participa en diferentes modalidades deportivas. Todos/as nenos/as de 3º a 6º participaran no Programa Xogade en Horario Lectivo. Tamén se levarán a cabo fora do horario lectivo outras actividades. Os/as nenos/as interesados en participar con nós nas diferentes competicións deportivas teñen que cubrir o seguinte impreso, e riscar os cadros das modalidades deportivas nas que queiran participar. Aquí vos deixamos a notiña que podedes imprimir e enviar ao colexio.

Xornadas de Promocións Deportivas 

Clubes Deportivos Eurocidade.

Durante os primeiros días de curso imos ter as tradicionais Xornadas de Promocións Deportivas en colaboración cos Clubes Deportivos da Eurocidade de Tui-Valença. O propósito é que o noso alumnado coñeza a oferta deportiva que ten na Eurocidade e poida gozar na mesma.

Aquí vos deixamos o calendario de promocións.

The first days of this academic year we are going to participate in the traditional “sports promotion  days” ,with Tui-Valença sports clubs. The aim is that our students know the different kind of sports and activities they could practice.

 Below is attached the document with the timetable.

Benvidos ao curso 19/20

O equipo de deporte escolar davos a benvida a tod@s ao curso deportivo 19/20. Esperamos que sexa un curso cheo de actividade física saudable, alimentación sa e mente feliz.

Por outra banda, queremos enviarlle un biquiño de despedida ás profes Andrea e Sara, ás que imos botar moito de menos. E queremos darlle a benvida á profe Raquel, nova no equipo, polo que esperamos que desfrute con nós: co profe Xosé, a profe Puri, a profe R.Bea, a profe Lore, a profe Patri e a Profe Bea en tódalas actividades deportivas e pasemos xunt@s un bo curso.

Desexamos que este curso sexa para toda a nosa Comunidade Educativa un ano cheo de " Promocións de hábitos de vida saudables e felices".

Festa  fin de curso:

Elixe unha vida saudable e feliz

21de xuño de 2019

O día 21 de xuño, continuando co proxecto Erasmus+ que estivemos a traballar na escola este curso, celebramos a Festa de fin de curso co "slogan" Elixe unha vida Saudable e Feliz, organizada pola ANPA do colexio. Tod@s os responsabl@s esforzáronse moito en preparar a escola cunha decoración fantástica con motivos saudables, preparar as actividades deportivas, a entrega de diplomas, etc... Atopamos a escola transformada nun lugar onde a vida saudable e feliz foi o máis importante durante a xornada: había froitas de todo tipo, motivos con alimentación saudable, merendas saudables, xogos que nos fixeron pasar un día inesquecible e entrega de diplomas para recoñecer as actividades que fixemos ao longo de todo o curso.

Queremos agradecer á ANPA, aos pais, as nais, ao centro, aos equipos docentes, ao profesorado e a todas aquelas persoas que fixeron, co seu esforzo, que a festa de fin de curso fose un día especial, para @s nen@s do Ceip Nº2 de Tui. Grazas e bo verán a todos/as.

Aloiada 19.

13-14 de Xuño de 2019

Os días 13 e 14 de xuño de 2019, tivo lugar a Aloiada, unha proposta de Actividades no medio Natural: escalada, Orientación, Primeiros auxilios, acampada, piragüismo e remo, destinada ao alumnado de 6º de Educación Primaria de todo o Concello de Tui, que tivo unha duración de 2 xornadas, desenvolvéndose nas inmediacións do Parque Natural do Monte Aloia e o Río Miño, en colaboración con todos os centros educativos da nosa cidade, as familias, o Concello de Tui, Clubs deportivos, Federacións, casas comerciais e outras entidades ás que temos que agradecer a súa colaboración desinteresada.

Grazas a tod@s por favor posible que o alumnado de 6º disfrutara de dúas xornadas de vida saudable e feliz, nun entorno como o Parque Natural do Monte Aloia e o Río Miño.

Tui en Ruta 19.

18-19 de Xuño de 2019

Os días 18e 19 de xuño tiñamos previsto unha Actividade no medio Natural: actividades de ciclismo, piragüismo e remo, destinada ao alumnado de 5º de Educación Primaria, que se ía levar a cabo en 2 xornadas, desenvolvéndose nas inmediacións do Río Miño, e o Centro educativo. Debido á climatoloxía adversa do día 18 de xuño, a actividade soamente se levou a cabo o día 19 cunha ruta e Ginkana en bicicleta suprimindo a actividade de piragüismo. Esta actividade levouse a cabo en colaboración do centro coas  familias, o Concello de Tui, Clubs deportivos, Federacións, casas comerciais e outras entidades ás que temos que agradecer a súa colaboración desinteresada.

Grazas a tod@s por favor posible que o alumnado de 5º disfrutara de esta actividade  de vida saudable e feliz, nun entorno como é o Río Miño.