Seguimos o deporte
Humberto vs Mauro Fútbol Salceda de Caselas 05-03-23 O pasado, sábado día 4 de marzo de 2023, na categoría de fútbol alevín, tiveron partido o equipo Escolas Denis Suárez de Salceda co Celta de Vigo, no Campo de Fútbol Penedo Redondo en Salceda. No equipo da casa xoga Mauro e no equipo visitante xoga Humberto. Ambos alumnos de 5ºB do colexio e amigos de toda a vida, que hoxe se convertiron en rivais no terreo de xogo. A nosa periodista desplazada no terreo de xogo: a profe Lucía de Infantil, deunos conta con todo o detalle do partido. Foi unha mañá soleada e de moita deportividade. Noraboa aos dous!!.
Moitísimas grazas por noticias tan importantes coma esta, onde o deporte, o bo xogo e o respeto sexan o máis destacado da xornada. |
|||
O C.E.I.P. Nº2 de Tui no Gran Camiño Ciclista 24 de febreiro de 2023. O alumnado do C.E.I.P Nº2 de Tui tivo a oportunidade, hoxe venres 24 de febreiro de 2023, de presenciar a saída da segunda etapa do Gran Camiño 2023 dende Tui.
O alumnado de 5º e 6º visitou as rúas, onde estaban situados os distintos equipos deportivos, cos seus vehículos de apoio á proba.
Posteriormente tiveron oportunidade de ver aos diferentes equipos e fotografiarse cos corredores de Burgos BH, o histórico Alvaro Pino, natural de Ponteareas e gañador da volta ciclista a España no ano 1986 e con Atila Valter corredor do Jumbo Visma e gañador da Volta a Hungría 2020.
Finalmente animaron a todos os corredores na saída da etapa.
O resto de alumnado saíu á rúa Concordia para animar a todos os corredores e desexarlles boa etapa.
|
|||
Humberto Rey 5ºB. Dende o pasado venres día 16 de decembro ata o domingo 18 de decembro, levouse a cabo a XII Tic Tac Cup Cornellá, na que participaron numerosos equipos alevíns a nivel nacional e internacional.
Entre eles o Real Club Celta de Vigo, no que xoga Humberto Rey de 5ºB.
Humberto desprazouse ata Cornellà co seu equipo e tivo a oportunidade de xogar con grandes equipos coma o Andorra, o Valencia, proclamándose novenos no torneo.
Humberto destacou polo seu gran fútbol e polos seus valores deportivos, do que se fixo eco a prensa que cubria o partido, coma podedes ver a continuación.
O teu navegador non soporta este vídeo. Noraboa Humber polos teus grandes logros! Pasao ben, vive o fútbol, leva sempre contigo eses valores deportivos que te fan grande e chegaras alá onde te propoñas. Atoparedes máis información de este torneo, premendo no escudo.
|
|||
|
|||
I Torneo de Fútbol de San Benito. Gondomar. 06/12/21 O pasado luns, día 6 de decembro de 2021, tivo lugar o I Torneo de Fútbol de San Benito, no Concello de Gondomar. Neste torneo participou Mateo Freiría de 3ºC co seu equipo, o Atios. Xogaron moitos partidos e pasáronno moi ben, mostra diso foi a medalla que gañou o seu equipo. Mateo quixo compartir este momento deportivo cos seus compañeiros de clase, así que nos falou da xornada e truxo a medaia para ensinárnola.
Moitas grazas Mateo e Noraboa campión!. |
|||
Manu Garrido 4º Clasificado no Campionato do Mundo de Marathón de Piragüismo Outubro de 2019 China O pasado mes de outubro de 2019, Manu Garrido proclamouse 4º Clasificado no Campionato do Mundo de Marathón de Piragüismo, que tivo lugar en China.
Manu adestrou moi duro, buscou o apoio dos seus: familia, amigos, tudenses, xente que lle ten aprecio...e chegou a China con un lema:Antes de acadar un soño, debes creer que podes facelo. Con gañas e ilusión deu o mellor de sí. Rematar cuarto nunha proba tan dura, fai que para nós Manu sexa un Campeón. Noraboa.
|
|||
Sara Tui Medalla de Ouro no campionato do Mundo de Fútbol Praia Feminino. O pasado mércores 16 de outubro de 2019, a selección Española de Fútbol Praia convertíase na gañadora da medalla de Ouro nos xogos mundiais de Fútbol Praia en Doja ( Qatar). Entre as xogadoras atopábase a tudense Sara Tui, xunto a outras dúas xogadoras galegas: Carol González e Andrea Mirón. As nosas felicitacións a toda a selección feminina de Fútbol Praia, pero especialmente a Sara, unha súper xogadora.
Aquí vos deixamos o enlace a páxina da Voz de Galicia onde podedes ver o vídeo da final. |
|||
Trofeo Choles de Tiro 4 maio de 2019 O pasado 4 de maio tivo lugar o Trofeo Choles de Tiro, no que participou Angel José de 4ºB.
Na competición de aire comprimido A. J. foi quen de facerse co triunfo e foi campión na súa categoría. Na competición IPSC Junior foi capaz de ser subcampión, participando nunha categoría máis alta á que lle correspondía por idade. Aquí vos deixamos as fotos das súas medallas e trofeos presentados con ilusión aos seus compañeiros de clase. Noraboa A.J.
|
|||||||
Seguimos o Deporte Angel José, de 4ºB, Campeón Junior do Torneo Noite e Día
O alumno Angel José de 4ºB, ven de proclamarse Campeón Junior no Torneo Noite e Día, celebrado o día 9 de Marzo de 2019. Angel José, moi afeccionado ao deporte de Tiro, foi campeón nas categorías de pistola con boliñas e tiro con carabina. Noraboa polos teus grandes éxitos e por compartilos con nós.
|
|||||||
O Porriño 10K 2019 O pasado domingo 17 de marzo, tivo lugar en Porriño a Carreira Popular O Porriño 10K. Nesta proba participaron Elena e Humberto Rey Martínez de 5ºA e 1ºB, xa que son membros do Club Atletismo Porriño. Noraboa e a seguir participando en vindeiras probas e colleitando tan bos resultados como ata o de agora. Información facilitada pola súa familia. Moitas grazas.
|
|||||
V Gala do Deporte de Tomiño 9 de marzo de 2019 A V Edición da Gala do Deporte celebrarase no Auditorio de Goián co obxectivo de premiar ás e aos deportistas tomiñeses destacados neste último ano. Durante o evento entregáronse diferentes galardóns, como o de mellor deportista feminina e masculino, mellor evento deportivo e deportista con maior proxección, entre outros. Moitos de estes premiados foron antigos alumn@s das escolas de Tomiño que forman parte da Agrupación Deportiva de Deporte Base Baixo Miño. Noraboa a tod@s eles e ao Concello de Tomiño, por ter sempre presente a importancia do deporte para unha vida sá e saudable.
|
|||||
Carreira San Miguel de Oia Vigo 17 Febreiro 19. O pasado domingo 17 de febreiro de 2019, levouse a cabo a Carreira de San Miguel de Oia en Vigo. Alí estivo participando na categoría Alevín Masculino, Nicolás Freiría de 5ºB co seu club o Club Atletismo Porriño.
Noraboa Nico, polo teu esforzo, e pola túa paixón por este deporte. Moitas gracias a Nico e a súa familia por achegarnos esta información. |
|||
Campo a Través Provincial 18-19. Chenlo Porriño Sábado 9 febreiro 2019 O pasado xoves día 7 de febreiro de 2019, en horario de mañá, tivo lugar a proba de Campo a Través Provincial da presente Campaña Deportiva, nas Instalacións do Campo de Fútbol de Chenlo.
Nesta importante proba participou a alumna Elena de 5ºA integrante do Club Atletismo Porriño. Noraboa Elena, pola túa participación e os grandes resultados.
Información facilicitada pola familia de Elena de 5ºA. Moitas grazas. |
|||||||
Suecia, Campiona do Mundo de Salto de Comba. O equipo feminino de Suecia formado por estas tres intrépidas atletas, ven de convertirse en campión do mundo de Salto de Comba, na modalidade Freestyle. Aquí vos deixamos o vídeo da peripecias que fan saltando á comba. Espero que desfrutedes visualizándoo e vos animedes a experimentar e prácticar.
|
|||
I Carreira de Nadal de Tomiño 2018. O vindeiro domingo 23 de decembro de 2018, terá lugar en Tomiño, con saída na Rúa Daniel Calzado, en horario de 11:00h-12:00h, a I Carreira de Nadal do Concello de Tomiño 2018, organizado polo Concello de Tomiño e o atletismo Trega. Animádevos a participar.
|
|||
