As primeiras mostras literarias en galego datan do século XII

Entre este século e o s. XIV o galego convértese na lingua por excelencia de toda a lírica da península ibérica. Deste período datan as cantigas de amigo, de amor e de escarnio.

Neste ano de 2009, xa no século XXI, seguimos facendo posible (na escola, na casa, na rúa,...) que o galego sexa a nosa lingua.

E para seguir celebrando as Letras Galegas 09, nada mellor que facerse acompañar da lectura dalgún libro.

Deixovos aquí recomendados algúns para os máis pequechos da casa...

e outros para os maiores...

O voso amigo

Daniel.

´

" ... De súpeto abriuse a porta e saiu coxeando unha vella revella que se apoiaba nunha muleta. Hansel e Grethel asustáronse tanto que deixaron caer o que tiñan nas mans.

Pero a  vella só meneou a cabeza e lles dixo:

-  Ai, queridos nenos , quen vos trouxo ata aquí ?. Entrade e quedade comigo; non vos farei ningún dano .

Tomounos da man e levounos dentro. Preparoulles unha cea deliciosa, con tortas e azucre, leite, mazás e noces... "

♥

Parecía unha velliña cariñosa, pero vos sabedes que en realidade era unha vella bruxa malvada, non si?

Acompañade unha vez máis a Hansel e á súa irmá Grethel, non os deixedes sós no bosque. Vixiade cos ollos moi atentos para que a bruxa non sexa quen de comelos. Axudádeos a atopar de novo a casa do seu pai e disfrutade con eles o fin da súa pobreza. 

Acompañádeos. Como fixeron antes os nosos pais. E aínda antes, os nosos avós. E moito antes, os novos bisavós, os nosos tataravós, os tatatataravós,... E así dende que os irmáns GRIMM, Jacob e Wilhelm, se esforzaron por conservar a tradición dos contos populares alemáns.

E moito antes diso, xa dende os tempos en que a bruxa levantou a súa casa de pastel e azucre para enganar ós nenos perdidos.

Xa dende aqueles tempos lonxanos, nenos e nenas, nais e pais, avós e avoas acompañamos ós dous pequenos irmáns.

Daniel.

Visitade a folla da Escola de Rañó, pois xa ten operativa a conexión a internet e xa teñen creados algúns contidos e novas.

Colocar ramos o primeiro de maio nas portas das casas, cortes, carros e agora coches, ven de moi antigo ( segundo nos contan foi  prohibido no Concilio de Braga no ano  570 ).

Un ano máis moitas familias de Rianxo manteñen esta antiga tradición de poñer os maios nas súas casas, nos seus coches e tamén nas escolas dos seus fillos.

Noraboa por manter vivo este tesouro da nosa cultura e ... de hoxe nun ano!!

AMIGAS E AMIGOS:

ANTES DE QUE CHEGUE O FINAL DO CURSO QUIXERA QUE VIÑÉSEDES NOVAMENTE Á BIBLIOTECA QUE COMPARTIMOS TODOS EN ASADOS.

QUIZAIS POIDADES VIR NA VINDEIRA SEMANA E APROVEITADES PARA BOTAR UNHAS PEZAS COA PROFESORA DE MÚSICA!

PODERÍADES TRAER DESTA VEZ, ADEMAIS DOS CARNÉS DO NOSO CLUB, OS CADERNOS DE TRABALLO DA BIBLIOTECA? SEGURO QUE DISFRUTAREMOS MIRANDO E ESCOITANDO O QUE TAL FIXESTES!!

TRAEDE TAMÉN ALGO DE MERENDA PARA REPOÑER FORZAS. LEMBRADE QUE NOS LIBROS NOS ESPERAN NOVAS AVENTURAS!!!

DANIEL

LUNS 4 DE MAIO 09: FOTOS DA VISITA DOS NENOS E NENAS DE VACARIZA, RAÑÓ E QUINTÁNS 

MARTES 5 DE MAIO 09: VIÑERON OS NENOS E NENAS DE CRUCEIRO E CUVIDE, NO ENLACE TEDES ALGUNHAS FOTOS

MÉRCORES 6 DE MAIO: ESTIVERON AQUÍ OS NENOS E NENAS DE CAPELA E DE OUTEIRO

XOVES 7 DE MAIO: HOXE QUE É XA O ÚLTIMO DÍA ESTÁN AQUÍ OS NENOS E NENAS DE ABUIN E PAZO

Hoxe 27 de Abril terán lugar dúas reunións de coordenación entre titores/as do C.R.A. e titores e titoras dos centros receptores Brea Segade  e Castelao.

O obxecto das reunións e mellorar todo o proceso de transición dos alumnos do C.R.A. aos centros receptores, tanto na toma de decisión a respecto da promoción, como no intercambio de información, como no traballo coordenado dos aspectos conductuais.

Máis información no enlace

 REUNIÓN DE COORDENACIÓN C.R.A. DE RIANXO E CENTROS RECEPTORES CEIP CASTELAO E CEP BREA SEGADE

O sábado 25 de Abril ás 11:00 da mañán terá lugar un Obradoiro de iniciación á Banda Deseñada.

Mais información na Web do Concello de Rianxo

Sábado día 4 de Abril

Na Biblioteca Municipal de Rianxo, no Pazo de Martelo

Ás 12 da mañán

Dentro das actividades programadas para a Campaña Abril mes dos libros, a Biblioteca Municipal de Rianxo organiza este encontro coa escritora Concha Blanco.  O enconto vai dirixido sobre todo ao público infantil mais é aberto a que desexe participar nesta actividade de animación á lectura.

Concha Blanco é profesora no Instituto Agra de Raices de Cee e é escritora de literatura infantil e xuvenil. É autora de entre outros títulos:

•  Contos para a escola, 1981
• Cousiñas para a escola, 1984
• A vaca titiriteira, 1991
• A bruxiña da sorte, 2.005
• Poemas para pintar, 2.006

Mes de abril.

Cando comeza: " Día Internacional do Libro Infantil e Xuvenil " ( 2 de abril ), cando está xa para rematar: " Día Internacional do Libro " (23 de abril ).

Polo medio: días de conversas, días de contos, días de historias, días de cantigas, días de música, días de poesía, días de natureza, días de vida ...días de libros.

Abril, outro mes de libros.

( Pousa o cursor enriba das imaxes se queres saber o título e a editorial)

Queredes compartir neste mes comigo a lectura destes libros?

Queredes recomendarme a lectura doutros libros?

Non deixedes de escribir.

O voso amigo:

Daniel

Onte ás 18:00, celebrouse como estaba previsto a charla sobre Hábitos Alimenticios na Infancia organizada conxuntamente polo Departamento de Prevención das Drogodepencias do Concello de Rianxo e polo Departemento de Orientación do C.R.A. de Rianxo. 

A dietista Gema,  con exemplos e referencias a situacións da vida cotidiana, expuso os principios básicos dunha alimentación saudable na Infancia e que podemos resumir en educar aos nenos e nenas a comer e ben e en procurar unha dieta alimenticia variada e equilibrada, base dunha alimentación saudable. A partir dos 18 - 24 meses o neno é capaz de incorporar á súa dieta todos os alimentos nas súas variadas formas de presentación propias da alimentación adulta. A partir desta idade é capaz de recoñecer os alimentos polo seu sabor, olor, color e forma e é neste momento cando comeza a elexir que elementos quere cas non.

A educación alimentaria dos nenos e nenas nesta etapa debe dirixirse pois a conseguir neles uns hábitos alimentarios que incluan un consumo equilibrado  e  variado de todos os alimentos base da alimentación saudable.

Como consellos concretos Gema propuso:

1. Non ao uso do biberón e do chupete a partir dos 18-24 meses
2. Horarios estables e fixos para as comidas
3. Comer todos á mesma comida, evitando, comidas especiais, "para o neno"
4. Evitar a tele á hora das comidas.
5. Planficar para  a xornada diaria cinco inxestas: almorzo, tenteempé da mañán, comida, tenteempé da tarde e cea.
6. O almorzo debe ser unha das comidas principais e deben incluir todos os grupos alimentarios: lacteos, cereais e froita.
7. A comida debe incluir tres pratos:
   1. arroz, pastas, verduras, sopa  ..
   2. carne, peixe ou ovos
   3. froitas variadas ou lacteos.
8. A cea deberá incluir tamén dous pratos, mais leviás cá na comida
9. Nos tenteempés debe evitarse un exceso de inxesta de alimentos que afecten o apetito dos nenos/as á hora da comida ou da cea.
10. Evitar o abuso de lácteos.
11. En resumo será equilibrada aquela dieta, que se reparta en:
    1. un 50% de hidratos de carbono
    2. un 30% de graxas
    3. un 20% de proteinas

Gema insistiu na dieta variada, en todos os seus grupos alimenticios: lacteos, legumes, froitas, carnes e peixes e na necesidade dunha adecuada educación alimentaria dos nenos/as que supón sobre todo evitar as conductas alimentarias caprichosas, cauas na idade adulta de moitas enfermedades.

A charla resultou amáis de interesantes, moi agradable con participación e  intevencións dos pais e nais asistentes.

Tobías Betanzos Rego

Asados 18 de Marzo de 2.009