AMIGAS E AMIGOS:

ANTES DE QUE CHEGUE O FINAL DO CURSO QUIXERA QUE VIÑÉSEDES NOVAMENTE Á BIBLIOTECA QUE COMPARTIMOS TODOS EN ASADOS.

QUIZAIS POIDADES VIR NA VINDEIRA SEMANA E APROVEITADES PARA BOTAR UNHAS PEZAS COA PROFESORA DE MÚSICA!

PODERÍADES TRAER DESTA VEZ, ADEMAIS DOS CARNÉS DO NOSO CLUB, OS CADERNOS DE TRABALLO DA BIBLIOTECA? SEGURO QUE DISFRUTAREMOS MIRANDO E ESCOITANDO O QUE TAL FIXESTES!!

TRAEDE TAMÉN ALGO DE MERENDA PARA REPOÑER FORZAS. LEMBRADE QUE NOS LIBROS NOS ESPERAN NOVAS AVENTURAS!!!

DANIEL

LUNS 4 DE MAIO 09: FOTOS DA VISITA DOS NENOS E NENAS DE VACARIZA, RAÑÓ E QUINTÁNS 

MARTES 5 DE MAIO 09: VIÑERON OS NENOS E NENAS DE CRUCEIRO E CUVIDE, NO ENLACE TEDES ALGUNHAS FOTOS

MÉRCORES 6 DE MAIO: ESTIVERON AQUÍ OS NENOS E NENAS DE CAPELA E DE OUTEIRO

XOVES 7 DE MAIO: HOXE QUE É XA O ÚLTIMO DÍA ESTÁN AQUÍ OS NENOS E NENAS DE ABUIN E PAZO

Hoxe 27 de Abril terán lugar dúas reunións de coordenación entre titores/as do C.R.A. e titores e titoras dos centros receptores Brea Segade  e Castelao.

O obxecto das reunións e mellorar todo o proceso de transición dos alumnos do C.R.A. aos centros receptores, tanto na toma de decisión a respecto da promoción, como no intercambio de información, como no traballo coordenado dos aspectos conductuais.

Máis información no enlace

 REUNIÓN DE COORDENACIÓN C.R.A. DE RIANXO E CENTROS RECEPTORES CEIP CASTELAO E CEP BREA SEGADE

O sábado 25 de Abril ás 11:00 da mañán terá lugar un Obradoiro de iniciación á Banda Deseñada.

Mais información na Web do Concello de Rianxo

Sábado día 4 de Abril

Na Biblioteca Municipal de Rianxo, no Pazo de Martelo

Ás 12 da mañán

Dentro das actividades programadas para a Campaña Abril mes dos libros, a Biblioteca Municipal de Rianxo organiza este encontro coa escritora Concha Blanco.  O enconto vai dirixido sobre todo ao público infantil mais é aberto a que desexe participar nesta actividade de animación á lectura.

Concha Blanco é profesora no Instituto Agra de Raices de Cee e é escritora de literatura infantil e xuvenil. É autora de entre outros títulos:

•  Contos para a escola, 1981
• Cousiñas para a escola, 1984
• A vaca titiriteira, 1991
• A bruxiña da sorte, 2.005
• Poemas para pintar, 2.006

Mes de abril.

Cando comeza: " Día Internacional do Libro Infantil e Xuvenil " ( 2 de abril ), cando está xa para rematar: " Día Internacional do Libro " (23 de abril ).

Polo medio: días de conversas, días de contos, días de historias, días de cantigas, días de música, días de poesía, días de natureza, días de vida ...días de libros.

Abril, outro mes de libros.

( Pousa o cursor enriba das imaxes se queres saber o título e a editorial)

Queredes compartir neste mes comigo a lectura destes libros?

Queredes recomendarme a lectura doutros libros?

Non deixedes de escribir.

O voso amigo:

Daniel

Onte ás 18:00, celebrouse como estaba previsto a charla sobre Hábitos Alimenticios na Infancia organizada conxuntamente polo Departamento de Prevención das Drogodepencias do Concello de Rianxo e polo Departemento de Orientación do C.R.A. de Rianxo. 

A dietista Gema,  con exemplos e referencias a situacións da vida cotidiana, expuso os principios básicos dunha alimentación saudable na Infancia e que podemos resumir en educar aos nenos e nenas a comer e ben e en procurar unha dieta alimenticia variada e equilibrada, base dunha alimentación saudable. A partir dos 18 - 24 meses o neno é capaz de incorporar á súa dieta todos os alimentos nas súas variadas formas de presentación propias da alimentación adulta. A partir desta idade é capaz de recoñecer os alimentos polo seu sabor, olor, color e forma e é neste momento cando comeza a elexir que elementos quere cas non.

A educación alimentaria dos nenos e nenas nesta etapa debe dirixirse pois a conseguir neles uns hábitos alimentarios que incluan un consumo equilibrado  e  variado de todos os alimentos base da alimentación saudable.

Como consellos concretos Gema propuso:

1. Non ao uso do biberón e do chupete a partir dos 18-24 meses
2. Horarios estables e fixos para as comidas
3. Comer todos á mesma comida, evitando, comidas especiais, "para o neno"
4. Evitar a tele á hora das comidas.
5. Planficar para  a xornada diaria cinco inxestas: almorzo, tenteempé da mañán, comida, tenteempé da tarde e cea.
6. O almorzo debe ser unha das comidas principais e deben incluir todos os grupos alimentarios: lacteos, cereais e froita.
7. A comida debe incluir tres pratos:
   1. arroz, pastas, verduras, sopa  ..
   2. carne, peixe ou ovos
   3. froitas variadas ou lacteos.
8. A cea deberá incluir tamén dous pratos, mais leviás cá na comida
9. Nos tenteempés debe evitarse un exceso de inxesta de alimentos que afecten o apetito dos nenos/as á hora da comida ou da cea.
10. Evitar o abuso de lácteos.
11. En resumo será equilibrada aquela dieta, que se reparta en:
    1. un 50% de hidratos de carbono
    2. un 30% de graxas
    3. un 20% de proteinas

Gema insistiu na dieta variada, en todos os seus grupos alimenticios: lacteos, legumes, froitas, carnes e peixes e na necesidade dunha adecuada educación alimentaria dos nenos/as que supón sobre todo evitar as conductas alimentarias caprichosas, cauas na idade adulta de moitas enfermedades.

A charla resultou amáis de interesantes, moi agradable con participación e  intevencións dos pais e nais asistentes.

Tobías Betanzos Rego

Asados 18 de Marzo de 2.009

Dende o 2 ata o 31 de Marzo, permanecerá aberto o prazo para a solicitude de admisión no C.R.A. de Rianxo para o curso 2009-10

1. Documentación:
   1. Solicitude de admisión, follas 1, 2 e 3
   2. Fotocopia da folla do libro de familia na que está anotado o alumno ou alumna
   3. Certificado de empadroamento (obténse nas oficinas do Concello)
2. Os modelos para a solicitude están dispoñibles:
   1. Na Sede do C.R.A. en Atalaia Asados, Escolas Antigas
   2. Nas Escolas
   3. Nesta web
   4. Na web da Consellería de Educación
3. Unha vez cubertos e asinados entregaránse antes do 31 de Marzo ben na Sede do C.R.A., ben nas Escolas .
4. Documentación que se pode baixar desta web:
   1. Documentos de solicitude  e información (formato pdf)
      
      1. Documento 1
      2. Documento 2
      3. Documento 3
      4. Información 1
      5. Información 2
         
   2. Vacantes en cada unha das escolas. Naquelas
      escolas nas que as vacantes sexan inferiores á demanda de prazas,
      abrirase un procedemento selectivo conforme ao disposto no Decreto de
      Admisión 30/2007
   3. Telefonos das escolas
   4. Decreto 30/2007, do 15 de marzo, polo que se regula a admisión do
      alumnado en centros docentes sostidos con fondos públicos que imparten
      as ensinanzas reguladas na Lei Orgánica 2/2006, do 3 de maio, de
      educación.

LÉMBRASE QUE O PROCESO DE MATRÍCULA CONCLUIRÁ NO MES DE XUÑO CANDO O
EQUIPO DIRECTIVO DÉ INSTRUCCIÓNS PARA PROCEDER Á FORMALIZACIÓN DA
MATRÍCULAS A TODOS OS ALUMNOS E ALUMNAS ADMITIDOS E ADMITIDAS.

SEICA VOS GUSTA O MEDO?

AS VOSAS PROFES ANDAN A FALAR DE QUE EN TODAS AS ESCOLAS DO C.R.A. ESCOLLÍCHEDES DISFRACES RELACIONADOS CO MEDO PARA CORRER ESTE ENTROIDO: MONSTROS, BRUXAS, PANTASMAS, VAMPIROS, DEMOS,...

MENUDA TROPA!!

SE QUEREDES DISFRUTAR AÍNDA UN POUCO MÁIS CO MEDO NON DEIXEDES DE LLE PEDIR ÓS PROFES QUE VOS LEVEN Á AULA CONTOS COMO: " A BRUXA REGAÑADENTES " , " O PAPÓN " E  " VERLIOKA " DE OQO EDITORA OU " TÍO LOBO " DA EDITORIAL KALANDRAKA.

UNHA APERTA DO VOSO AMIGO.

DANIEL.

Xa están no portal as letras das cancións do entroido para este ano 2.009

ACCESO ÁS LETRAS DAS CANCIÓNS

Tense incluido no menú /taboleiro/ e no menú /orientación/ diversa información do Departamento de Orientación sobre os seguintes aspectos: Pasación do Plon, Charlas aos pais e nais do C.R.A., Charla sobre o Banco de Tempo, Coordenación cos titores do Colexios Receptores, novedades na Web.

ACCEDER A INFORMACIÓN