O alumnado de 5º e 6º achegámonos ao Centro Sociocultural Fernando Casas e Novoa para asistir á exposición "O Camiño á Constitución nas caricaturas de Siro" organizada pola Deputación para conmemorar os 40 anos da súa entrada en vigor.

Tristeza, alegría, amizade, soidade,...... complicado resulta poñer en palabras o que sentimos en tantos momentos do día. E o noso alumnado sábeo ben, por iso, este curso máis ca nunca, a semana das cartas emocionantes foi todo un ¡Éxito!

Feliz, abraida, satisfeita, afortunada....síntese Nica pola gran participación. Incluso ela recibiu unha carta que a encheu de ledicia.

Accede ó albúm e emociónate con nós.

  “La paz es hija de la convivencia, la educación y el diálogo”: Rigoberta Menchú, premio Nobel de Paz.

Hoxe, 30 de xaneiro, é o aniversario da morte de Mahatma Gandhi, que morreu asasinado en 1948 na India. Foi un gran loitador que empregou todo tipo de estratexias, pero nunca a violencia. Detestaba as inxustizas e defendía a xente máis débil. 

No colexio quixemos celebrar este día cun pequeno acto, no que cada nivel nos mostrou o mellor dalgún persoeiro, que dalgunha maneira traballou en prol da PAZ. O alumnado de 3º A agasallounos cunha fermosa versión da canción "No dudaría", que nos invitou a reflexionar para non empregar nunca a violencia. Así mesmo algúns dos alumnos/as de 6º B, nos interpretaron o tema "Imagine" de John Lenon, en francés e inglés, sen dúbida unha das cancións que máis representa a unión de culturas. Noraboa a todos/as!!!

Máis fotos no seguinte álbum.

Esta semana tivo lugar outra charla da Garda Civil para o alumndo de 5º e 6º, dentro do Plan Director para a convivencia e mellora da seguridade nos centros educativos. A temática xirou en torno á seguridade nas novas tecnoloxías e nas redes sociais. Foi moi interesante e aprendemos e reflexionamos sobre moitos riscos cos que nos atopamos a diario cando navegamos por internet. 

Nos últimos días do primeiro trimestre, fíxose o intercambio de postais de Nadal elaboradas polo propio alumnado entre aulas. Que emoción recibilas da man dos seus propios compañeiros/as!

Algúns tamén compartiron algunha que outra lamboada!

Álbum: Curso 2018 - 2019 -> Intercambio de postais

Chega decembro e, como xa é habitual no noso cole, o alumnado de infantil realiza unha das saídas que máis ilusión lles fai: ir ao cine!

Esta vez acercámonos ás “Cancelas” para ver : “EL GRINCH” un ser verde que vive nunha cova situada no alto dunha montaña e que pretende estropearlle o Nadal ao pobo Villaquien.

Disfrutamos moito da experiencia, e recomendámosvos esta peli ao pesar do pequenos que somos, pois resalta aspectos moi importantes a ter en conta non só no Nadal.

O martes 11 de decembro, ás 17h., tivo lugar no salón de actos do noso centro unha charla dirixida ás familias "Adolescentes nas redes sociais". A relatora foi Patricia Gómez Salgado, doutora en psicoloxía e investigadora na Universidade de Santiago de Compostela.

A ANPA ofreceu servizo gratuito de ludoteca.

Hoxe, 23 de novembro, a comunidade educativa do CEIP Plurilingüe de Sigüeiro quixo sumarse ás conmemoracións do Día Internacional para a Eliminación da Violencia contra as mulleres. Nos días previos, o noso alumnado escenificou e gravou a canción "La puerta violeta" de Rozalén. E hoxe, na biblioteca, estreouse a montaxe do video.

Ademais, o alumnado de Infantil xunto co do CRA de Oroso asistiu á representación da obra "Martiña a soñadora" no salón de actos do colexio. Por outra banda, o alumnado de 5º e 6º asistiu á lectura do manifesto do Concello de Oroso no pavillón, onde alumnos/as e mestres do IES de Oroso cantaron e bailaron "O respecto pa' cando".

Máis fotos pinchando nas imaxes.

Hoxe acompañáronnos no centro Lupe e Manolo, dous enfermeiros do centro de saúde de Sigüeiro e unha estudante de medicina da USC. Na súa labor de prevención, viñeron falarnos do alcohol, o tabaco e outras drogas e os riscos de inxerir estas substancias para o noso corpo e tamén para os que nos rodean. Aprendemos un montón de cousas que descoñecíamos e fixémoslles moitas preguntas. Gracias por coidarnos sempre!

Álbum: Curso 2017 - 2018 -> Charla saúde

O pasado venres 27 de abril tivo lugar no noso colexio a 3ª das charlas da Garda Civil dentro do "Plan Director para a Convivencia e a mellora da seguridade nos centros educativos" dirixidas ao alumnado de 5º e 6º de Primaria.

A temática nesta ocasión era o bullying ou acoso escolar. Coma sempre, a charla, os materiais e as actividades que nos preparou Óscar fixéronnos reflexionar moito: como se sente unha vítima, o papel importante das testemuñas, como actuar, a quen acudir...

O vindeiro 29 de maio está programada unha charla sobre este e outros temas para as familias.