O Ceip Plurilingüe Nº2 de Tui

un colexio Eramus+.

O Ceip Plurilingüe Nº2 de Tui participa nun Programa Europeo Eramus+ durante os cursos 2018-2020 co nome de  “Promovendo un Estilo de Vida Saudable e Feliz”.
Durante eses dous vindeiros cursos o noso centro, levará a cabo unha Asociación Estratéxica Erasmus+KA229 dirixida á educación escolar que  vai dar a oportunidade de internacionalizarse, cooperar, desenvolver accións de innovación educativa e realizar intercambio de boas prácticas cos outros cinco colexios europeos que colaboran no mesmo proxecto.
Estes colexios son :

• Colexio Christian Brothers 'Primary School Armagh (Irlanda do Norte- Reino Unido), que é o centro coordinador do proxecto

• Instituto Comprensivo Varese 2 (Varese-Italia). 

• CEIP Nº9 Las Culturas (Alacante-España).

• Colexio Bunscoil Sancta Maria Synge Street (Dublín-Irlanda).

• Agrupamento de Escolas da Zona Urbana da Figueira da Foz Portugal (Portugal). 

Todos compartiremos formación, experiencias, traballos, talleres, viaxes, etc…Os obxectivos que os seis centros educativos trataremos de levar a cabo en común, traballando dende puntos da xeografía europea diferentes, serán :

Desenvolver a conciencia e actitudes do persoal docente, do alumnado e da comunidade  en xeral, cara a acadar estilos de vida saudables: Potenciar actividades físicas, alimentación saudable e estratexias de saúde menta

Desenvolver as habilidades do alumnado e dos docentes no uso das TIC de forma segura mediante a aprendizaxe colaborativa: Potenciar a colaboración entre as escolas asociadas de forma dixital aprendendo a ser responsable no uso das novas tecnoloxías e máis competente no uso da linguaxe dixital.

Explorar o patrimonio cultural das cidades e países das escolas asociadas no contexto do proxecto: É importante explorar a diversidade dos patrimonios culturais e as tradicións das escolas asociadas, por exemplo, a través dos deportes, do folclore ou das cociñas tradicionais.

Capacitar a toda a comunidade educativa (profesorado, alumnado, pais/nais, etc...) profundizando no coidado da súa saúde física e mental e valorando a importancia de facelo: Como cidadáns europeos debemos coñecer os nosos dereitos en materia de saúde e benestar para levar estilos de vida saudables e activos que dean lugar a "promover a fortaleza física e mental".

Erasmus+ é o programa Europeo de Educación, Formación, Xuventude e Deporte, que permite impulsar e axudar aos Sistemas de educación, Formación e Xuventude a promover unha ensinanza e aprendizaxe que doten ás persoas das capacidades necesarias para acceder ao mercado laboral e a sociedade actual e futura. O Sepie (Servicio Español para a internacionalización da Educación) será a axencia nacional española encargada da xestión, difusión, promoción e estudios de impacto do programa Erasmus+  do noso centro.

 A encargada  de iniciar o proxecto ”Promovendo un estilo de vida saudable e feliz”  no centro foi Lúa, a mascota da biblioteca. O mes de outubro chegaron ao colexio postais desde diferentes cidades de Europa mandadas por ela. Os días 17 e 18 de outubro  reuniuse  cos nen@s de Infantil e Primaria para presentarlles o proxecto falándolles dos diferentes colexios que van ser os nosos socios e para invitalos a participar nos talleres que estaba preparando. Tamén aproveitou a xornada para inicialos na carreira da “Milla Europea de Lúa”,  baseada na iniciativa das Escolas da Milla, que ten coma obxectivo que o alumnado percorra unha milla diaria como estilo de vida saudable.

O venres 19 de outubro, durante toda a xornada, desenvolvéronse diferentes obradoiros  para promover este estilo de vida. Todo o alumnado participou neles. Había cinco distintos e foron dirixidos por profesionais de cada temática.

Foron os seguintes:

• Ecoloxía e Sementes.Nutrición e Hábitos saudable.

• Actividade Física regular e alimentación adecuada.

• Saude: Control Postural, Mindfullness e saúde Bucodental. 

• Reciclaxe.

Durante os días 24 e 25 tivo lugar o Magosto coas tradicionais  Xornadas de Xogos populares e a Tradicional Baixada de Carrilanas, festa que nos permite compartir coas escolas socias, a riqueza de xogos e xoguetes de antes que conservamos na nosa zona ao longo dos anos, e  onde o alumnado de 6º foron os encargados de ensinar aos demáis compañeiros estes xogos.

 Durante os días 30 e 31 de outubro,  vanse levar a cabo as actividades do Samaín cun certame de Cociña Terrorífica Saudable, recollida de Receitas terroríficas, Obradoiros de Maquillaxe, Disfraces Terroríficos, etc...

Está previsto que ao longo do primeiro trimestre teñan lugar “Xornadas de Formación” para a comunidade educativa e todas as persoas interesadas. Trataranse temas coma o mindfullness, o control das emocións, a alimentación, a manipulación de alimentos, etc…festividade ancestral de orixe celta que se celebraba na nosa zona.

Isto so é o comezo de numerosas actividades que continuaron no centro, durante todo o curso.… festas da nosa escola que serán mostradas ás escolas socias para que coñezan as nosas costumes, tradicións e a nosa cultura.

É unha gran oportunidade de mellorar as competencias do noso alumnado. O CEIP Plurilingüe Nº2 de Tui está moi satisfeito de colaborar neste proxecto europeo. Somos 30 centros galegos dun total de 731 de toda España os que participamos no mesmo. Temos unha gran responsabilidade nas nosas actuacións, pero estamos convencidos de acadar os obxectivos con éxito, axudados por toda a comunidade educativa, a ANPA, o Concello e diversas entidades deportivas  e colaboradoras.