O 29 de abril conmemoramos o Día Internacional da Danza, foi o día do nacemento de Jean-George Noverre, bailarín francés considerado o creador do ballet moderno. Guiados por Mercedes Prieto celebramos este día no patio cuberto de Primaria. Homenaxeamos tamén a Yehudi Menuhin coa lectura de frases de diferentes autores relacionadas coa importancia do baile na vida das persoas que nos lembran a importancia da arte para o noso desenvolvemento. Unha frase de Voltaire reivindicaba a danza no mundo, xa que actualmente non se permite bailar en moitas culturas e sistemas políticos. Rematamos coa lectura dunha frase de Yehudi Menuhin "Soño coa transformación das fronteiras ata que sean invisibles. Así en vez de muros de aceiro, creariamos zonas de encontro entre os pobos”.

Rematamos bailando e dándonos cariño co Amaren Xango e co Pesiño.

Moitas grazas,  Mercedes! Verémonos pronto!

O venres 23 de febreiro festexamos no colexio o Día de Rosalía de Castro. Na aula de terceiro aprendemos o poema da alborada e recitámolo nun acto que se celebrou ese día.

Contamos coa colaboración dos compañeiros e compañeiras de cuarto e quinto que nos acompañaron con música.

Aproveitamos tamén para facer caligramas co poema. Representamos o poema con debuxos de paxaros, de montes, árbores, sol,... Quedaron moi fermosos!

Foi un día moi divertido e pasámolo xenial.

Redacción: Adriana, Xoel, Martiño T., Alyson, Xeila e Marwan.

Fotografías: Vera, Martiño C., Dani, Sabina e Martín.

YACOUBA SAWADOGO

Os/as nenos/nenas de 5º fixemos un cómic sobre Yacouba Sawadogo, un agricultor de Burkina Faso que parou a seca mediante unha técnica de agricultura chamada ZaÏ, que consiste en facer uns buratos espazados entre sí.

Aquí tendes o resultado; agardamos que vos guste!!

Aqúí podedes ver todas as fotos

A nosa sorpresa foi enorme cando saímos ao patio e o vimos cuberto de cogomelos. Son todos ben bonitiños.  Investiga de que variedades se trata.

O alumnado de Primaria ó longo deste curso académico participou un Programa Anual sobre  Nutrición e Sostibilidade Infantil. 

Os contidos do Programa desenvolvéronse a través de  sete sesión para cada un dos niveis educativos. 

Na sexta sesión o alumnado de 1º e 2º  preparou hummus de garavanzos e outro de remolacha. Damos fe que  lles encantou facela e degustala.  Compartimos as receitas por se alguén de vós a quere probar.

 Na última actividade  o alumnado de 4º a 6º,  desprazouse  a un supermercado de Padrón e unha vez alí simulou facer unha compra saudable cunha cantidade de cartos pequena, atopando no supermercado alimentos nutritivos; desta maneira fomentouse a súa autonomía na compra. 

Aquí podedes ver toda a documentación dos traballos.

Hoxe saímos con alumnxs voluntarixs de quinto e sexto para realizar os labores de mantemento nos nosos bancais. Sachamos e sacamos as malas herbas para que as plantas medren ben. Mágoa que non nos dea tempo a degustar a ensalada. En setembro continuaremos cos traballos!

Mais fotos aquí

Os nenos-as de 2*, o xoves 1 de xuño, plantamos no horto do cole os nosos Xirasois que naceron na aula, cunha semilla- pipa americana e outra española, para logo ver a diferencia.