O luns 19 de xuño recibimos a visita dos maiores do Centro de Día para ver a exposición da campaña realizada no Centro para promover a interrelaciòn entre os animais e as persoas maiores, así como algunhas das exposicións que se prepararon para a xornada de portas abertas.

Aquí tedes todas as fotos.

O martes 20 de xuño celebramos a Xornada de Portas Abertas para a presentación dos traballos do proxecto INTERXERANDO.

Aquí tedes todas as fotos do evento. 

Como proba da solidez das cúpulas de Leonardo, o alumnado da ESO levantou a cúpula que tiñan construído para o Día de Portas Abertas.

Aquí tedes os vídeos.

O alumnado de 1.º e 2.º de Primaria interxerou aprendendo sobre o carro galego. Neste vídeo fálanos dalgúns dos seus usos, partes, árbores coas que se facía, fraseoloxía e refráns que ainda perviven... ademais de como construiron os seus propios carros reutilizando materiais.

Aquí podes ver o vídeo da actividade.

O venres 19, no marco da celebración da Semana das Letras, o alumnado de 1° ESO desprazouse até o Centro de Día para participar nun Club de Lectura moi especial: o compartido cos maiores do Centro de Día arredor da obra "Memorias dun neno labrego". Alá foron cheíños e cheíñas de preguntas, querendo saber se a infancia e mocidade dos maiores se parecera á do Balbino: traballo arreo, na terra e co gando; escola pouca, de vimbio, regra e cinto; misa, rosario, loito, a Compaña, a doutrina, o pecado e os catro infernos; broa, nin a proba do pantrigo, e papas de arroz como lambetada; canas de foguetes na festa, rebusque, peletre, estornela, bonecas de trapo con vestidos de retrincos das costureiras; zapatos só para os domingos, remendados e repintados; emigración; o medo na Guerra. Aprenderon que un pai marchaba á guerra con 25 anos para non vivir máis, e que unha nai botaba adiante soa cinco fillos con papas de fariña e un chisco de leite... Preguntaron se había libros nas casas e houbo a quen se lle atoldaron os ollos...

E recibíronnos cos brazos abertos e con grandes sorrisos. Disque lles levamos alegría. O que nós trouxemos é difícil de describir.
Volveremos.

Podedes ver todas as fotos neste enlace ao facebook

O alumnado de 4º de ESO, en consonancia co proxecto de centro do presente curso 22-23, realizou unha serie de actividades para os ususarios do Centro de Día do concello.

Estes traballos foron elaborados, principalmente,  con material de regugallo e consistiron na creación dun calendario de orientación

un dado para realizar actividadees lúdicas

uns  soportes para os bastóns 

e varios atrís para favorecer e facer máis cómoda a lectura 

Tamén tentaron facilitarlles  unhas agarradeiras para cubertos de cociña pero resultaron ter  unha sección algo grande.....

 GALERÍA DE FOTOS

Un ano máis celebramos o noso concurso de poesía matemática, este ano coa temática ”Interxerando”.

 Queremos agradecer ao noso alumnado a capacidade que tivo para emocionarnos cos seus fermosos versos e de mostrarnos a todas e todos que os retos si son posibles sempre que se pon empeño.

 Parabéns ás persoas gañadoras e grazas pola vosa participación!

 1º PREMIO   “Sentimentos”  de  Sheila Ageitos  4º ESO

2º PREMIO  “A arte das matemáticas= herdanza de familia” de Anxo Tarrío  3º ESO

3º PREMIO   “Multiplicarse e dividirse”  de  Saleta Rivo  2º ESO

Aqui tedes todas as fotos, vídeos e poesías gañadoras.