O alumnado de 2º de ESO leu o libro  "Nunca mascotas", de Paula Carballeira utilizado para reflexionar sobre o maltrato animal, o enfoque inapropiado de seren só "mascotas".

No enlace deixamos un modelo do traballo a elaborado polo propio alumnado que servirá de ficha de lectura obrigatoria para vindeiros cursos.

ENLACE

Os alumnos de terceiro da ESO, dentro do proxecto de Centro "Que animalada", crearon o videoclip Que castróns son coa axuda dos profesores de Plástica e Música. 

Aquí tedes o vídeo

O pasado día 20 de xuño celebramos a xornada de portas abertas para a presentación dos traballos feitos no proxecto de centro que este ano levou por título: Que animalada!

 Aquí e aquí tedes todas as fotos. 

E aquí as do proxecto que o alumnado de 1º e 3º de ESO elaborou para a Xornada de Portas Abertas con imaxes e frases de personaxes célebres sobre cans e gatos. Os alumnos e alumnas de 1º fixeron a escolla dos textos e os montaron e o alumnado de 3º colocounas no corredor de secundaria para que os visitantes puideran desfrutar da exposición.

Agardamos que a xornada fose interesante para todos. 

O día 30 de maio co alumnado de 4º de ESO la Diapo Fotografía foi a encargada de facer as fotos que se utilizarán para a elaboración dos carteis da campaña de sensibilización sobre a tenencia responsable e o coidado dos animais de compañía. Este curso, o lema da campaña tenta fomentar a adopción de animais adultos para paliar o problema do aumento de abandonos de cans e gatos nesta franxa de idade. Grazas a Sandra, ás profes Susana e Charo, ao alumnado de 4º da ESO participante e, por suposto, ás nosas estrelas de catro patas Otto, Lola, Bengi, Mía e Quisqui. Tamén agradecementos a Manu, o noso gran fotógrafo de La Diapo.

No seguinte enlace podedes ver todas as fotos. https://drive.google.com/drive/folders/1B7WzkgO3EAq69S4mO-iI-iC7QSHkKVWm?usp=sharing

O Alumnado do CPIP Eusebio Lorenzo Baleirón axudou a reforestar unha zona de monte devastada polos incendios. 

Podes ver a noticia completa na reportaxe do xornal, e aquí unha ligazón ás fotos

Nesta práctica realizada polos alumnos e alumnas de 3º ESO, determinamos 

a presenza de amidón nos alimentos,observando que moitas veces cremos que

mercamos carne e non o é.

O 27 de Outubro celebramos o noso Samagosto. Mestura de Samaín e Magosto. 

Este curso o Proxecto Interdisciplinar de Centro son os animais: QUE ANIMALADA! Desta maneira, para o Samaín, estivemos traballando nas aulas o mito do "lobishome", o "lobo da xente" e en 1º e 2º de Primaria o "Lobo Feroz". Traballando o mito de Vákner,

Clica para ver o vídeo do mito de Vákner

Achegándonos ás marabillosas calidades positivas que ten os lobos para a natureza e para o ser humano.

Tamén traballamos en normalizar o uso do feminino "loba" para liberalo das connotacións sexuais que arrastra. Falando por exemplo da figura de Pepa a Loba.

E así chegamos à sexta feita (venres) na que as aulas tiñan que intercambiar ouveos por castañas, creando cada aula unha pequena estrofa rematada nun ouveo e así poder conseguir castañas asadas.

O alumnado de Primaria tocou e cantou unha canción tradicional galega mais bailamos unha muiñeira tocada con gaita polo profesor Martín.

Galería de imaxes e vídeos da xornada.

Galería de imaxes e frases escollidas polo alumnado para ouvear.

Ao final do día, o alumnado da ESO tivemos unha sesión de contacontos relacionados co lobo a carga de Celso Fernández para practicar para o certame Tíralle da lingua.