Onte recibimos a vista de CA.SA.GA, a Unidade Canina de Rescate Cans de Salvamento de Galicia, que nos ofreceron un obradoirio moi interesante e moi instrutivo. Coa colaboración de Anca, Thor e Arnold, poidemos aprender cousas relacionadas co traballo de rescate e procura de persoas que realiza esta unidade e tamén recomendacións sobre a tenencia responsable de animais de compañía...incluso nos explicaron como recoller os excrementos dos nosos cans e cadelas, unha acción simple pero moi cívica que tod@s debemos realizar.

Despois realizaron unha demostración do traballo cos cans na que "rescataron" a varios alumnos e alumnas ...incluso a Manuel Alonso de 4º de ESO que estaba moi ben camuflado nunha árbore.....

MOITAS GRAZAS AO PERSOAL DE CA.SA.GA E A THOR, ARNOLD E ANCA!!

GALERÍA DE FOTOS

VÍDEOS

Hoxe. o alumnado de 4º de ESO recibiu unha interesantísima formación sobre como realizar enxertos nas árbores. Foi unha actividade moi interesante e moi útil na que alumnos e alumnas participaron activamente.

Con esta formación xa completamos o ciclo do obradoiro sobre a plantación de árbores no centro no que plantamos, podamos e enxertamos....xa estamos preparados para levar con éxito as nosas froiteiras!!!.

 Damos as grazas  a Afonso que nos explicou todo marabillosamente!!.

GALERÍA DE FOTOS

Como complemento da actividade de poda realizada anteriormente, onte , 3 de marzo, fixemos unha plantación de especies frutais no patio do colexio na que participaron as dúas etapas. Esta actividade servirá para dar vida ao noso patio e para fornecer de froita aos usuarios do centro. As especies plantadas son variadas pero con ciclos de floración escalonados para asegurar que haxa froita case ao longo de todo o curso escolar e o alumnado poida desfrutarla.

Reiteramos as grazas a Afonso pola súa colaboración e magníficas explicacións.

GALERÍA DE FOTOS

O alumnado de 5º e 6º e da ESO recibiu unha interesantísima charla obradoiro sobre poda de árbores. Afonso foi o encargado de explicarnos a tod@s como recoñecer os diferentes brotes dunha rama , como cortar axeitadamente e cales delas debemos ou non podar.

O alumnado e profesorado do CRA de Dodro tamén está sensibilizado co coidado animal. Compartimos o enlace á súa páxina para que poidades ver as actividades que realizan:

PROTEXENDO AOS ANIMAIS ( CRA)

Dentro do progama Eduexcelencia, o alumnado de ESO vai facer unha serie de proxectos de restauración nas aulas. Esto permite formar en valores sobre a  necesidade de coidar os servizos públicos que o estado nos aporta e tamén sensibilizar ao alumnado en canto ás vantaxes de reutilizar no canto de tirar e comprar...coidamos o medio ambiente cada vez que restauramos e reutilizamos e, neste caso , tocoulle aos corchos das aulas nos que, ano tras ano foran quedando as "pegadas" do alumnado que foi pasando polo centro.

2º ESO

Recibimos a visita do persoal de Xanceda e de Malibú que, por segunda vez, vén ao noso centro para sensibilizar ao alumnado máis novo sobre a necesidade de coidar dos animais. Dentro do Programa EduCANdo con Malibú. Nengún can sen fogar", realizan charlas polos centros educativos falando sobre temas de moita importancia como o maltrato animal, a adopción e o non abandono de animais de compañía.

Agradecemos inmensamente a súa colaboración ao traballo que, dende o ano 2012, levamos desenvolvendo neste centro.

GRAZAS XANCEDA!!. GRAZAS MALIBÚ!!!

GALERÍA DE FOTOS

O alumnado de 4º de primaria realizou un espectacular vídeo en lingua inglesa no que conta a hsitoria de Clifford, un gran can vermello, baseado no libro para nenos de Norman Bridwell. Podedes desfrutar dela no enlace:

CLIFFORD THE BIG RED DOG