Deporte en Tui

Proposta de actividades dos Clubs Deportivos de Tui

Curso 22-23

Xornadas de Promoción

dos Clubs Deportivos.

Curso 22-23

C.E.I.P Nº2 DE TUI

Proposta de Actividades

Club Baloncesto Tui

Tempada 22-23

Proposta de Actividades

Tyde 

Tempada 22-23

Raquel unha campiona de Kaiak.

A alumna Raquel de 3ºB compite no Kaiak Tudense, co que leva gañado moitas medallas en diferentes regatas. Estes días do mes de maio quixo compartilas cos seus/suas compañeiros/as de clase. Noraboa Raquel.

IV Carreira de Orientación

Eurocidade Valença-Tui

O vindeiro domingo 29 de maio de 2022, levarase a cabo na Eurocidade Valenç-Tui a IV Carreira de Orientación. 

A 1ª proba levarase a cabo pola mañá en Valença ás 9:30h (PT).

A 2ª proba terá lugar pola tarde en Tui ás 16:30h (ES).

CAMISETAS: a inscrición para calquera das carreiras, só no caso das persoas adultas, conleva o agasallo dunha camiseta conmemorativa, da marca 42k. @s nen@s poden decidir se facer a inscrición de balde ou pagar pola inscrición, recibindo tamén unha camiseta. (O prazo para ter garantizada a talla elexida é o mércores 18/05/22 ás 23:59)

Se facedes a inscrición en grupos, debedes engadir ao carriño tantos compoñentes como persoas formen ese equipo (ata 4 persoas)

Esta Actividade de Orientación consistirá en visitar no tempo establecido tódalas balizas establecidas na orde que se indica no mapa.

Podedes facer a vosa inscrición (ata 4 participantes por equipo).

O prazo de inscripción está aberto e podedes realizalo na web:https://www.aromon.es/actividades/eurocidade2022/ ata o 25 de maio. O número de prazas son 400 persoas. Para calquera dúbida dirixirse a: escolaori@aromon.es

XVIII Andaina Tudense Solidaria 2022

O sábado 14 de maio o club Andatui celebrará a XIII Andainatudense Solidaria 2022, cita anual para subir e gozar do monte Aloia.

Sairemos ás 10:00 horas desde a praza da Inmaculada, para recorrer varias rúas de Tui, antes de tomar rumbo cara a senda do Lagartón e chegar á ponte das Febres, despois subiremos polos muiños de Paredes ata o alto do monte Aloia, onde xantaremos arredor da capela de San Xiao. Pola tarde pasaremos ao carón do castro Alto dos Cubos, visita que recomendamos, antes de chegar de novo á praza da Inmaculada onde finalizará a XVIII Andainatudense Solidaria.

En total percorreremos sobre 23 quilómetros, tendo avituallamentos intermedios. No remate da Andaina Tudense faremos o sorteo de agasallos de costume.

Un ano máis a acción solidaria irá destinada a SOS Tomiño Baixo Miño, polo que na recollida do dorsal solicitamos entregar 1 quilo, ou máis, de alimentos non perecedoiros.

Datos de interese:

• Recollida de dorsais: entre as 09:00 e as 10:00 horas na praza da Inmaculada.
• Xantar: a partir das 14:00 horas arredor da capela de san Xiao.
• Remate da andaina: aproximadamente ás 18:00 horas.
• Prezo: 12 euros (inclúe seguro, camiseta conmemorativa, xantar e avitullamentos)
• As inscricións finalizarán o mércores 11 de maio ás 23:59 horas. Máximo 200 prazas.

Atoparedes máis información na web de Andatui. Pincha sobre o logo e atoparedes máis detalles da proba e da inscripción.

Aloia Kids Trail 22.

Sábado 7-8 de maio de 2022.

O pasado sábado 7 de maio de 2022, as 16:30h tivo lugar a Aloia Kids Trail, unha proba de correr, gozando do entorno do Parque Natural do Monte Aloia en Tui.

Aquí vos deixamos mostra dos xoves atletas da nosa escola, que participaron. Noraboa a todos eles!. Grazas a todas as familias e especialmente á profe Eli, por ser a responsable do Equipo de Deporte Escolar nesta proba. Moitas grazas á organización tamén, por contar sempre con nós.

Aloia Kids Trail 22.

Sábado 7-8 de maio de 2022.

O vindeiro sábado 7 de maio de 2022, as 16:30h terá lugar a Aloia Kids Trail, unha proba de correr, gozando do entorno do Parque Natural do 

Monte Aloia en Tui.

As Categorías serán:

Sábado 7 de maio ás 16:30h.

BABY POWER: de 5 a 8 años

BABY ROCKET: de 9 a 11 anos

BABY WARRIORS: de 12 a 14 anos

Tódolos participantes levarán un agasallo o rematar a proba.

Domingo 8 de maio ás 10:00h

ADULTOS: realizarán a súa proba o domingo 8 de maio, a saída ás 10:00 da mañá e reservado para corredores maiores de 18 anos. 21km e con un desnivel de mais de 600 metros.

Maiores de 15 anos. Será unha proba de 12k e a saída será as 11:00 horas.

A inscrición na proba poderá realizarse cubrindo o seguinte formulario:

https://www.deporticket.com/web-evento/6808-aloia-trail

Atoparedes toda a información en :

http://www.traildoaloia.com/

Dende o Equipo de Deporte no 2, animamos a todo o alumnado e familias a sumarse a esta iniciativa de vida sa e saudable, que temos a oportunidade de gozar en Tui.

XII Enduro

Cidade de Tui

Trofeo Ibérico da Eurocidade

30 abril e 1 de maio de 2022

Para os apaixoados do mundo do motor, deixamosvos esta cita, para esta fin de semana, aquí en Tui, nos montes de Randufe e Malvas.

Raid TT Valença

26 de marzo: Motos

30 de abril: Jeeps.

Para os amantes do mundo do motor, esta fin de semana, o 26 de marzo terá lugar en Valença o Raid TT Valença cunha proba de motos e Quads, xa o vindeiro 30 de abril terá lugar a proba de jeeps. Animádevos a gozar de esta fantástica proba na eurocidade Tui-Valença.

41 REGATA MIÑO INTERNACIONAL 

XVII COPA PRESIDENCIA

Sábado 19 de marzo de 2022.

O vindeiro sábado 19 de marzo de 2022, terá lugar en Tui a 41 Regata Miño Internacional de remo. A saída será dende Curras ( Tomiño) ás 11:50h e a chegada está prevista a partires das 12:15, ás inmediacións do centros de remo e piragüismo de Tui.

IX edición do BTT EUROCIDADE VALENÇA – TUI – VALENÇA

O vindeiro 20 de marzo, terá lugar á IX edición do BTT EUROCIDADE VALENÇA – TUI – VALENÇA, este ano será unha das probas maís esperadas dos últimos anos. Haberá dúas distancias 43 e 70 Km, onde podedes gozar co percorrido e con todo o demáis: os avituamentos, o bo ambiente, o porco ó espeto, e co recontro e a copañía dunha chea de amigos. Animádevos a participar nas vosas bicicletas ou do ambiente de festa. Atoparedes máis información se pinchades na imaxe.

Campionato Galego

Grupos Show grandes e pequenos.

Sábado 26  e Domingo 27 de Marzo

Pav. Municipal Gustavo Rodríguez.

Os vindeiros sábado 26 e domingo 27 de marzo, terá lugar no Pavillón Municipal Gustavo Rodríguez de Tui o Campionato Galego de Grupos Show grandes e pequenos de patinaxe, organizado polo CPA Ribex. Animámos a todo o alumnado a gozar de esta excelente actividade en Tui.

       Roteiro  Ilustrado

“Camiñando con elas”.

Día da Muller.

             8 de marzo de 2022

O pasado martes 8 de marzo, celebrouse o día da Muller. Dende o Concello presentouse o roteiro ilustrado “Camiñando con elas”, enmarcado no proxecto “O Tui das Mulleres. A historia non contada”, cun percorrido teatralizado polo conxunto histórico da man de María Chamadoira.

Nesta ruta dase visibilidade a dez mulleres tudenses: Rosa Bahamonde, María Tydeska, Raíñas Dona Urraca, Clara Torres, Josefa Correa, Conchiña Concheiro, Mª Suaréz Sarmiento, Evangelina Jaso, Cándida Rodríguez e Antonia Saravia.

A ruta volverá realizarse o domingo 20 deste mes ás 12 h. Para asistir é preciso inscrición previa na Oficina de Turismo. Animádevos a participar. Pinchade sobre a foto para ter máis información.