Coas nosas mans o teu sorriso

Viaxamos a Corea/Guinea/Mali

O pasado Venres día 24 de Marzo, tivemos a sorte de viaxar a Corea con Quique Fernández, a Mali con Marcos Salvado e a Guinea con Iria Leirós. Este ano con motivo do proxecto do noso cole coas nosas mans o teu sorriso, tivemos a sorte de poder coñecer como son a educación, o deporte, a cultura, as costumes de outros países.

Quique Fernández adestrador de piragüismo, estivo adestrando ao equipo de Corea durante algúns anos, contounos aventuras, campionatos e o seu paso polas olimpiadas de Rio 2016.

Marcos Salvado, papá de Borja e Lía Salvado, alumnos do noso cole, estivo en Mali, onde realizou unha labor humanitaria e deportiva moi importante. Marcos conseguiu unir a todos os clubes de Tui, para un fin común, levar equipacións deportivas de todos os clubes de Tui para os nenos de Mali.

Iria Leirós, antiga alumna do noso cole, enviounos dende Guinea fotos das escolas de alí. E contounos varias cousas curiosas que lle chamaron a atención.

Moitisimas gracias aos tres por todo o que nos contastes e por ensinarnos a valorar un sorriso.