Inicio

V GALA DO DEPORTE EN TUI 2016

V Gala do Deporte en Tui 2016.

Recoñecer o traballo dos deportistas, clubs, directivos.. no deporte local é o obxectivo da V Gala do Deporte Tudense que tivo lugar o pasado Venres día 25 de Novembro no Teatro Municipal de Tui.

Dende o Ceip Nº2 de Tui queremos felicitar aos antigos alumnos do noso centro Oscar Carrera,  Lucía portela e Raúl Mansinho, ambos galardoados nesta gala do deporte tudense. Oscar Carrera recibiu o Premio Deportista Masculino, Lucía Portela recibiu o Premio Promesa feminina e Raúl Mansinho recibiu o Premio de Deporte Adaptado. A nosa noraboa para estes grandes deportistas.

Na gala tamén houbo outros premios, e non queremos deixar de facer extensible a nosa felicitación aos mesmos, pola súa labor, polo seu traballo, a súa dedicación e o seu bo facer.

  • ·         Mención Especial a Comandancia Naval do Miño coma entidade colaboradora nos diferentes eventos que se realizan ó longo do ano en Tui.
  • ·         GADISA recibíu o premio á firma comercial nesta V Gala do Deporte Tudense pola súa colaboración cos clubes e actividades deportivas da cidade.
  • ·         O Premio Promesa masculina recaeu nas figuras de Adrián Malheiro(Piloto de karts) e Daniel Pérez(Padeeiro). En féminas o premio recaeu en Lucía Portela(Campo a Través) e Lara Feijóo(Padeeira).
  • ·         O Clube Piragüismo Penedo recibíu un galardón na categoría de Promoción do deporte base.
  • ·         Homenaxe a título póstumo a Ángel Barros, quen se iniciou no futbol co Tyde e mesmo creou un equipo de tenis de mesa.
  • ·         Mención especial solidaria para o colectivo SOS Tomiño-Baixo Miño, entidade que traballa coas familias máis necesitadas da nosa comarca.
  • ·         O premio ó Veterano femenino recaeu en Susana Fontán Verde(Tiro) e en masculino Enrique Míguez Gómez(Kayak).
  • ·         O premio ó mellor clube deportivo foi para o Kayak Tudense, cunha longa traxectoria e galardóns a nivel galego, nacional e internacional.
  • ·         Mencións honoríficas ós históricos tudenses: Antonio Giráldez, Lito Pintos, Juan Carlos Pintos, Salvador Iglesias(Vita), Antonia Romero e Dolores Pedrares.
  • ·         Na categoría de deporte adaptado o premio recaeu en Raúl Mansinho Bernárdez, coa práctica de cross no Clube Deportivo do San Xerome de A Guarda.
  • ·         O premio ós mellores adestradores recaeu unha vez máis nas figuras dos adestradores principais do Kayak Tudense, Esteban Alonso e Manuel Pedrares.
  • ·         Na categoría deportista masculino o premio foi para o padeeiro Óscar Carrera Amandi(diploma olímpico 2016) e deportista femenina para Ana Varela, padeeira en k-4.