CM APSD

APSD en Arealonga

Este venres 15 de outubro, as alumnas e alumnos de APSD modular deron un paseo cara a praia de Arealonga. O obxectivo principal era comprobar as dificultades coas que se pode atopar unha persoa con dependencia/discapacidade ao longo do traxecto. Chegamos á conclusión de que o acceso á praia sería case un imposible para as persoas con algún tipo de diversidade funcional o que supón un grave atranco para a súa independencia e para o seu crecemento no día a día. Experimentamos na nosa pel a discriminación, a inseguridade e a inxustiza que poden sentir estas persoas. Recollimos as conclusións por grupos e puxémolo en común. Aproveitando o contexto privilexiado, tamén fixemos unhas dinámicas para exercitar o entendemento e as habilidades sociais necesarias para o traballo futuro. Tiñamos como meta fomentar a cohesion grupal, a empatía e a escoita activa. Entre todas descubrimos que aínda hai moito camiño por facer, pero estamos no camiño!

148 lecturas

Visita APSD

O pasado 14 de outubro o alumnado e parte do profesorado do Ciclo de Atención a Persoas en Situación de Dependencia do Réxime Modular fomos ao VI Festival de Cine Inclusivo de Vigo no MARCO (Museo de Arte Contemporánea). Alí asistimos á presentación dunha aplicación para a detección precoz do Alzheimer (desenvolvida pola empresa Polygon-e en colaboración coa Universidade de Santiago de Compostela), unha sesión de curtametraxes arredor da diversidade funcional e a enfermidade mental (nas que participaron diversas entidades do terceiro sector) e a proxección e posterior coloquio arredor da produción "Si Talía fuera ciega" (mediametraxe dirixida por Antonio Gil Aparicio e protagonizada por máis de 100 actrices e actores con diversidade funcional visual de distintas compañías teatrais da ONCE). Con festivais como este comprobamos, unha vez máis, que na arte e no cine, como na vida, cabemos todxs, e que co compromiso e o apoio da sociedade todas as barreiras se poden derrubar.

99 lecturas

Consellos de vida

CM APSD

A experiencia das persoas maiores, grazas polos vosos consellos de vida

210 lecturas

Consellos de VIDA

CM APSD

O alumnado de 1º de APSD quere reunir todos os consellos de vida das persoas maiores que nos rodean, eses sabios consellos da experiencia que necesita a xuventude.

Participa con nós e pregúntalle ao teu avó ou avoa cal sería a súa mensaxe, faille unha foto cun cartel co seu nome, idade e o consello. Envía a foto a: servizoschapela@gmail.com De seguro aprenderemos un montón!

87 lecturas

Meditación do sorriso

CM APSD

Toma cinco minutos. Para. Respira. Reláxate... E dedícate un sorriso. Aquí tedes os sorrisos do equipo de 1º APSD do IES de Chapela. Moitas grazas.

84 lecturas

IES de Chapela - Ponte entre xeracións

CM APSD

O alumnado de APSD do IES de Chapela, en colaboración co centro de día Os Cortizos,

tendeu unha ponte coas persoas maiores e contribuíu ademais á súa formación como profesionais.

Por medio de videochamadas e coordinadas pola súa titora Saínza Torres, falaron da vida.

GRAZAS polo traballo e polo compromiso.

105 lecturas

Móvete con APSD

CM APSD

O alumnado de APSD quere recordar que para despexar a mente hai que activar o corpo, e moverse un pouquiño entre clase e clase ten moitos beneficios, un deles é pasalo ben. Esperemos que vos guste e bailedes con nós!

179 lecturas

Charla da Asociación "Down Vigo"

Hoxe o alumnado de 1º e 2º APSD, acompañados polas súas profesoras Lorena Rodríguez e Noela Marcos, asistiron a unha charla da asociación "Down Vigo". A responsable da área social, Carmen, e o psicólogo, Anxo, explicáronnos o traballo que se fai desde a entidade para favorecer a plena inclusión social das persoas con Síndrome de Down e o apoio ás súas familias na cidade de Vigo e arredores.

Moitas grazas pola vosa colaboración!!!!

177 lecturas

CHARLA "VIDA INDEPENDENTE. ASISTENTE PERSOAL"

Hoxe Carlos Rodríguez, do Proxecto Ekohuerta, estivo no aula de 2º curso do CFGM APSD para compartir con nós a experiencia da Asistencia Persoal e os seus coñecementos como propietario dunha granxa de agricultura ecolóxica. Aprendimos moitas cousas sobre como debe ser e actuar un Asistente Persoal e o importante da actitude e a vontade para o bo desempeño do noso traballo. Moitas grazas Carlos e ata pronto!

184 lecturas

Xornadas de convivencia con AGASFRA

O pasado 26 de marzo o profesorado e o alumnado de 1º de CFGM de APSD organizou una Xornada de Convivencia coa Asociación Galega San Francisco-AGASFRA. Realizaron actividades moi diversas: un percorrido polo instituto coa visita á Aula de Música e concerto do alumnado 2º ESO C, unha visita á Aula de Farmacia e observación de experimentos e a realización nun Obradoiro de Coiro en APSD cunha gran merenda de convivencia. Desde o Departamento de Servizos queremos agradecer a Loli, profesora de música e ó alumnado de 2º ESO C así como a Mª José, profesora do CFGM de Farmacia e Parafarmacia e ó alumnado de primeiro curso. Tamén o noso agradecemento as alumnas que realizan as prácticas do Master de Profesorado no noso Departamento pola súa gran colaboración. Estamos xa agardando a próxima xornada de convivencia con AGASFRA, grazas pola vosa visita!!!