O pasado 22 de xaneiro a nosa alumna Ilidenys Rodríguez Ogando (4º ESO B), acompañada por varias compañeiras e compañeiros do instituto e polos profesores Manuel Villar e Dolores Tapia, participou cantando no programa Bamboleo da TVG. Este sábado 26podes ver a súa actuación ás 22:00 na canle autonómica. Non cho perdas!
Hoxe, 30 de maio, tivo lugar o esperado concerto do grupo SonDaRúa no IES Chapela. Hugo Guezeta, Alex Arnoso e o seu compañeiro Marcos, non defraudaron e ofrecéronos unha hora de rap reivindicativo, combativo e comprometido co noso país e coa lingua galega. Tamén tiveron tempo a realizar un obradoiro co alumnado de 1º Bacharelato. Ánimo co voso traballo e unha forte aperta de toda a comunidade educativa.
Os días 25 e 26 de xaneiro, arredor de 100 alumnas e alumnos de 2º ESO e 3º ESO, asistiron ao Auditorio de Galicia en Santiago de Compostela a escoitar o concerto Todoépercusión, interpretado polo dúo de percusión Dúasacompañado de dúas bailarinas de arte contemporánea, Exire. Dúas e Exire ofrecéronos unha selección de temas nos que xuntaron danza e percusión nunha perfecta simbiose que pretendía amosar os ritmos vitais que nos acompañan día e día. Deixámosvos un enlace onde podedes ver íntegro o espectáculo Todo é percusión. O Departamento de Música agradece o apoio da ANPA e o do propio IES Chapela para costear o transporte ata Santiago, ademais da participación na saída das profesoras Carolina e Ana Belén.
Hoxe, 24 de xaneiro, o alumnado de música de 4º ESO, 1º e 2º Bacharelato, asistiu ao Auditorio de Galicia en Santiago de Compostela a escoitar o concerto A Música Vocal, interpretado polo trío vocal As Lollipops, acompañadas do pianista Cristian Leggiero. As Lollipops está formado por tres voces femininas que interpretaron temas relacionados co swing, pop, rock and roll, gospel, soul, jive, R&B e mesmo rock alternativo. Deixámosvos un enlace da súa interpretación do tema Creep, de Radiohead.
O alumnado de 1º ESO do IES de Chapela, dirixido pola profesora de Lingua e Literatura Galega Patricia Clavo, preparou durante todo o curso 2014-15 a montaxe da obra de teatro Ruído dunha noite de veránde Inés Falconi, que foi representada no auditorio do multiusos de Chapela o 12 e o 16 de xuño de 2015.
O venres 14 de novembro de 2014 ás 12:30 o alumnado de 1º ESO, 4º ESO, 1º Bacharelato, 1º CS Ed. Infantil e 2º CM ASPD asistiu á representación da obra A verdade vestida de Eduardo Blanco Amor, a cargo do grupo de teatro IAD-12 da Universidade Laboral de Ourense.
A Banda do Patio, formada por alumnado do IES Chapela, ensaiou temas en galego para ofrecerllos a todo o instituto permitindo que a xente participase cantando nun privilexiado karaoke con músicos en directo. Pica na imaxe e segue nesta páxina a súas actuacións entre 2011 e 2014 na que a agrupación pasou por diferentes compoñentes.
