Este curso, as escolas do C.R.A. de Rianxo decidimos participar no

PROXECTO PARAUGAS DE MATT LAMB POLA PAZ.

Como xa os nenos e nenas das escolas ben saben, Matt Lamb foi un pintor americano de orixes irlandesas de coñecido prestixo (as súas obras chegaron a expoñerse de forma conxunta coas do xenio Dalí). Este pintor deuse a coñecer mundialmente cando no ano 2002 reuniu a un grupo de cativos no seu estudo-obradoiro de Nova York para pintar uns paraugas. Lamb tomou o paraugas como un símbolo no que os nenos e nenas podían debuxar na parte exterior: os seus desexos e inquedanzas... e na parte inferior: os medos, problemas... Estos cativos eran fillos de víctimas dos atentados do 11S e, máis tarde, expuxéronse nos outeiros do Capitolio. Lamb era un pacifista declarado que cría que a arte podía cambiar o mundo e tiña un soño: ver a dous inimigos pintando xuntos. Xa falecido (morreu no ano 2012) o seu proxecto continúa vivo e expandiuse a moitos países, sobrevivindo no espazo e no tempo.

Os nenos e nenas da Escola de Abuín pintamos varios paraugas, algúns libremente, outros dun xeito máis dirixido... pasámolo xenial!!  este que vos amosamos é o noso favorito: quixemos reflectir a historia de Wangari que tanto nos gusta, as árbores son as nosas mans... e tamén podedes ver a Wangari subida ao monte Kenia e os paxaros que voltaron para aniñar (que xa estaba a chegar a Candeloria )

Seguimos a fextexar a PAZ e aquí vos deixamos unha nova imaxe: gustounos tanto a historia de "WANGARI Y LOS ÁRBOLES DE LA PAZ" que decidimos aproveitar que o temporal amainou un intre para plantar as nosas sementes que non foron outras que as nosas mensaxes de PAZ. 

GRAZAS ÁS FAMILIAS POR AXUDARNOS

A ESCOLLER AS MENSAXES E PREPARARNOS O TERREO!!!

Moi cedo vai ser o Día da Paz, por iso, xa estamos a traballar arreo para festexalo AO GRANDE! Por iso, a hora do conto está sendo adicada a historias de Paz: "Negros e brancos", "Wangari y los árboles de la paz", "Seis hombres", "O homiño de papel"... Non falta nada para amosarvos algúns dos nosos traballiños, aínda que... LEMBRADE! tod@s podemos poñer da nosa parte para que o Día da Paz sexa todos os días 

A pasada semana vimos de celebrar a primeira SEMANA DA FROITA e, por certo, di a mestra Isa que APROBAMOS CON NOTA!!! Menos mal que xa pronto ven outra! 

A mochila viaxeira das celebracións comezou a súa viaxe. Uxía e a súa familia van ser os primeiros en desfrutar dela. COMEZAMOSSSSS!

Despois dunhas merecidas vacacións voltamos ao traballo! 

Coas forzas renovadas e un pequeno empuxonciño... os Reis Magos deixáronnos unhas pequenas sorpresas! porque todo traballo ben feito TEN A SÚA RECOMPENSA . MOITAS GRAZAS MAXESTADES! 

A nosa escola impregnouse do ambiente navideño...

e, COMO COLOFÓN... ben certo éque non hai Nadal sen Noitevella e nós que somos uns festeiros tamén o tiñamos que celebrar, cun reloxo e un acio de uvas moi especiais, comemos as "uvas" e pasámolo xenial.

E xa no FESTICRA demostramos as nosas dotes de bailaríns  ao ritmo de

"EN NAVIDAD, TURRÓN Y MAZAPÁN".

        O pasado 15 de decembro celebramos 

O DÍA DA FAMILIA

e fixémolo cunha xornada de portas abertas nas que as familias puideron vir connosco á escola e compartir intres entrañables.

Degustamos unha rica merenda e axudáronnos a realizar unha das actividades previstas dentro do noso PROXECTO KEITH HARING: debuxar no vestíbulo da escola un mural coas nosas siluetas. Así de ben o pasamos e así de bonito nos quedou! pasámolo tan ben que pensamos repetir cedo a experiencia.

MOITAS GRAZAS, FAMILIAS!!! por estos momentos máxicos...

Os nosos xacintos están a medrar a pasos AXIGANTADOOOOOOOOSSSS!!

COMEZAMOS A TRABALLAR NUN PROXECTO DE ARTE ADICADO AO GRAFITTERO KEITH HARING. 

XA SABEMOS ALGUNHAS COUSAS DA SÚA VIDA COMO POR EXEMPLO QUE DE PEQUENO A KEITH XA LLE GUSTABA MOITO DEBUXAR E INSPIRÁBASE NOS DEBUXOS ANIMADOS QUE VÍA NA TELEVISIÓN, AO IGUAL CA NÓOOOSsss!

ESTE ERA KEITH DE NENO. A QUEN SE VOS PARECE? A NÓS PARÉCESENOS AO NOSO AMIGO DANIEL 

ENCANTOUNOS DECORAR UNHA DAS SÚAS OBRAS COA NOSA CARA E A D@ NOS@ MELLOR AMIG@