Hoxe luns 13 de xaneiro veu ao noso cole Alberto Díez, presidente de ANDA (Asociación Nacional pola Defensa dos Animais) para ofrecernos unha charla ao alumnado do 3º ciclo de Primaria sobre o coidado dos animais.  Falounos sobre as diferenzas entre animais salvaxes e domésticos, dos problemas de ter animais exóticos como mascotas e dos perigos que as especies invasoras poden presentar para a natureza.

Falounos tamén sobre as necesidades dos cans como animais de compañía e sobre os coidados que requiren.

Explicounos a regra do A, E, I , lembrades?

Adoptar, Esterilizar, Identificar.

E deixounos claro que, ante calquera dúbida, o mellor é non ter mascota.

Mirade un par de fotos feitas en distintos momentos da sesión.

Nas manualidades feitas neste primeiro trimestre foron utilizados materiais diferentes pero que tiñan algo en común: todos eran de refugallo!!

As árbores de Nadal foron feitas coas estruturas do ano anterior (recordamos que estaban construídas coa estrutura interior de dúas persianas vellas e, a modo de ramas, tiñan variñas de paraugas vellos) que se modificaron cubríndoas con plástico de burbullas das embalaxes e foron decoradas con restos de papel de prata aproveitado de bolsas de embalar doadas polo Centro de Transfusións de Galicia, cintas de arquivadores que ían ser reciclados e algunha que outra bombilla fundida.....

Os adornos que fixeron os alumnos foron confeccionados con calcetíns vellos e decorados con moita graza como se pode observar....

........e outros que por razóns de espazo tiveron que ir na parte inferior doutra árbore......

Tamén o alumnado de 4º de PDC confeccionou algunhas manualidades para seren vendidas no mercadiño solidario que farán os voluntarios do refuxio nos días previos ao nadal.

A recollida de enseres e medicamentos para a canceira foi exitosa. O alumnado e as familias colaboraron traendo enseres de todo tipo como comedeiros e mantas (incluso pienso) e, moi importante, os  medicamentos sobrantes nas casas. Tamén material estéril como gasas, xeringas, antisépticos....

Un grupo de alumnos de 4º de ESO foi o encargado de cargar as bolsas e caixas que serán entregadas aos voluntarios da canceira.

Continuando co tema sobre o maltrato animal, os alumnos de 4º de ESO fixeron unha exposición co material aportado pola asociación ANDA (Asociación  Nacional para la Defensa  de los Animales) e material recadado polo alumnado a través de internet. Esta mesma asociación estará no noso centro o 13 de xaneiro para impartir unha charla sobre o maltrato aos animais. A charla estará dirixida a 6º de Primaria e todos os cursos da ESO e, previamente, as profesoras de Tecnoloxía e Ciencias naturais faran un traballo didáctico co alumnado de ESO e, en Primaria, cada titor encargarase de que os seus alumnos visiten a exposición e reciban a información correspondente a cada curso.

As fotos relacionadas son as seguintes:

                 Tamén en inglés...

               Un grupo de 3º de ESO visitando a exposición.....

 Chamáronlle MIKI e desfruta correndo saltando por todos os rincóns da casa.

NORABOA MIKI, DESEXÁMOSCHE UNHA VIDA LONGA E FELIZ!!!!!!

A nosa amiga apareceu no medio da estrada e corría o risco de ser atropelada por un coche así que  decidimos acollela e realizar unha boa acción. Pasou a mañán no despacho de Orientación (atendida cariñosamente por Leticia, a nosa orientadora neste momento) e foi alimentada con xamón e biscoito. Tamén lle proporcionamos auga fresca e unha camiña na que durmir preto do radiador.  Finalmente será acollida pola familia  dunhas das nosas alumnas.

Estaremos ao tanto do nome que recibirá e de como crece.......

SEGUIMOS SENDO SOLIDARIOS!!!!!

Un ano máis  participamos no Programa Rede de Centros Escolares Solidarios continuando  a labor comezada o curso pasado polo que colaboraremos coa canceira municipal de Santiago de Compostela  " O Refuxio de Bando", coa asociación ANDA (Asociación Nacional para la Defensa de los Animales) e a Coordinadora de Protectoras da Provincia de Pontevedra,  recibindo charlas sobre maltarto animal (ás que as familias están convidadas e cuxas datas serán publicadas na nosa web) e recollendo obxectos de segunda man e manualidades feitas polos propios alumnos que serán vendidos polos voluntarios das canceiras en diferentes mercadiños solidarios coa idea de recadar cartos para o mantemento dos cans e gatos dos refuxios. Tamén colaboraremos recollendo obxectos e enseres vellos ( mantas, toallas, útiles caninos e "gatunos" como correas, pienso, comedeiros.....) e medicamentos que os encargados da canceira utilizarán para ofrecerlles unhas mellores condicións aos animaliños alí refuxiados.

Aquí tedes o listado de medicamentos de humanos que recollemos para os cans e gatos do refuxio:

 IMPORTANTE!!!!!!!. Aqueles que teñades nenos pequenos traede os medicamentos vós mesmos ou mandadeos por algún alumno dun curso superior!!!!

 GRAZAS POR SER SOLIDARIOS!!!!

Formando parte do programa de Rede de Centros Solidarios e en colaboración co programa da  biblioteca do centro que xestiona o profesor Xiao Somoza, as lecturas da hora de ler de 2º de ESO estiveron relacionadas nesta primeira etapa do trimestre co tema que nos ocupa: o maltrato animal e a defensa do hábitat natural das especies que conviven co ser humano. Por todo esto leuse o libro da autora Jean C. George titulado " Julie y los lobos" baseado nos seus estudos sobre os lobos da tundra  no Centro de Investigacións Árticas de Barrow, Alaska. Este libro obtivo a medalla Newbery en 1973 e inspirou a película rodada nestes escenarios naturais.

Tamén se fixo un pequeno traballo de procura de información sobre as especies animais que aparecen no libro e un visionado dun documental sobre Alaska ( "Alaska espíritu salvaje" ).

                                                                                                                                                   Jean C. George   

Otra das lecturas realizadas foron varios contos de Horacio Quiroga do  libro "Cuentos de la Selva" e a posterior procura de información sobre as especies animais e vexetais que das que se fala no mesmo, así como a localización nun mapa dos lugares nomeados no libra. Os alumnos escribiron contos nos que as personaxes son os animais que aparecen nas diferentes historias.

EL TATÚ HAMBRIENTO Iria Doval Rial Había una vez un pequeño tatú que tenía mucha hambre. En una ocasión vio un maracuyá en un árbol, pero no podía alcanzarlo. De repente vio a un coatí allí cerca: -Señor Coatí, ¿puede pasarme ese maracuyá que tengo mucha hambre? - Sí, pero antes dile a la yarará que no me pique, de lo contrario moriré El pequeño tatú fue a junto de la serpiente: - Señora Yarará, ¿puede no picarle al coatí para que me pase la fruta que tengo mucha hambre? - Si antes me traes muerta a la mangosta que mató a mi hermana El tatú fue a junto de la mangosta: - Señora Mangosta, ¿puede morir para que la yarará no pique al coatí y éste me dé el maracuyá? - Sí, pero tiene que matarme el yacaré, al que prometí algo que luego no cumplí El tatú fue a junto del yacaré: - Señor Yacaré, ¿puede matar a la mangosta para llevársela  a la yarará para que no pique al coatí para que éste me dé el maracuyá? - Sí, pero tienes que decirle al surubí que se deje comer por mí y así poder saciar mi hambre El pequeño tatú habló con el surubí: - Señor Surubí, ¿puede dejarse comer por el yacaré para que por fin yo pueda comer? El surubí aceptó y, cuando por fin el coatí le dio la fruta al pequeño y hambriento tatú, éste descubrió que el maracuyá estaba verde.

Para conmemorar este día os alumnos de 4º de ESO PDC fixeron unha pequena exposición sobre o maltrato animal e recolleron sinaturas entre os seus compañeiros de secundaria e de primaria.