Probas de acceso a ciclos formativos de grao medio e superior. Orde de convocatoria 2019

LINK

Convocadas as probas para a obtención do título de graduado en educación secundaria obrigatoria para maiores de dezaoito anos nas convocatorias de xuño e setembro, e se ditan instrucións para a súa realización no ano 2019

LINK

 Como tiñamos prometido, aquí van as fotos da nosa degustación de produtos do horto. Entre todos lavamos, cortamos, mesturamos, batemos, decoramos e presentamos os ingredientes dos que dispoñiamos.

E aquí temos unha foto do equipo ao completo. Fixemos un bo labor, unha merenda rica, san e con fundamento. 

Seguiremos cultivando na horta para poder disfrutar de máis xornadas coma esta.

GALERÍA DE FOTOS

O venres 21 de decembro celebramos o festival de Nadal. Presentado por Nerea e Borja, deleitounos con panxoliñas, espectáculo de mimo, flauta e pandeiretas. Tamén música máis "roqueira" da man do alumnado de 2º, 3º e 4º de ESO. Non podía faltar o tradicional "Petit Papa Noel" en francés e "I wish you a Merry Christmas" in English.

GALERÍA DE FOTOS FESTIVAL

Tamén se realizaron actividades navideñas de elaboración de menús típicos destas datas. O curso encargado desta bonita tarefa foi 4º de primaria.

GALERÍA DE FOTOS MENÚS

No enlace podedes consultar as nosas recomendacións de libros e películas para desfrutar neste Nadal.

ENLACE

 Mirade como loce o noso horto no inverno: as nabizas e cenorias a medrar, aínda que lentas, aí están termando do frío.

Coa axuda do alumnado da ESO os de terceiro experimentamos cun pequeno invernadoiro.

 E mirade que bo aspecto presentan o repolo e coliflor. Temos que ir pensando nas receitas para degustalos!

O pasado mércores día 5 o alumnado de 3º e 4º  de Primaria realizou unha saída ó auditorio de Abanca, en Santiago de Compostela, para gozar coa obra: “ El  mágico planeta de los instrumentos  insólitos”,onde nos recordaron a importancia da reutilización dos obxectos, da creatividade, de  valorar as tradicións.

Antes de volver a subir ó autobús repuxemos forzas.

Despois visitamos o Museo de Historia Natural e estivemos moi atentos ás explicacións das mestras.

O pasado xoves o alumnado e profesorado do CRA de Dodro achegouse a visitar a nosa biblioteca. Compartimos con eles os diversos espazos cos que contamos e desfrutaron de varios obradoiros: contacontos, creación de marcapáxinas, poesía para nenas e nenos... Ademais, os nosos artistas de 2º de primaria representaron para eles un conto de medo! Foi un pracer comprobar como os máis pequenos o pasan así de ben nunha biblioteca.

O alumnado de 4º da ESO clausurou as Xornadas de coordinadores de PFPP organizadas polo CAFI.

Na palestra ofrecida por Xiao Somoza, explicou como traballaba co alumnado a materia de música na ESO e o alumnado puxo en práctica a través da música ao vivo as explicacións do profesor.

Explicou tamén como traballaba de maneira conxunta con outros Departamentos (Plástica, Linguas e Biblioteca) e como o PFPP realizado no CPI Eusebio Lorenzo Baleirón mellorou esta práctica na que se implementaron traballos por proxectos, desenvolvendo as  competencias, o uso de rúbricas...

 GALERÍA DE FOTOS

Tamén houbo participación do profesorado do centro nas xornadas levadas a cabo polo CAFI o día 6 de outubro en Santiago de Compostela nas que participou a xefa do departamneto de Tecnoloxía Ana Fernández que presentou maquetas de 2º, 3º e 4º de ESO e as campañas sobre maltrato animal que abarcan o traballo de varios profesores e profesoras do centro e o profesor de Música Xiao Somoza que deu unha charla sobre o traballo por proxectos e o proxecto de centro que o CPI Eusebio Lorenzo Baleirón está a desenvolver dende hai varios cursos.