Mañá sábado, 15 de xuño, volve a gran recollida cidadá contra a BASURALEZA para frenar as consecuencias da basura abandonada en espazos naturais. dentro do proxecto Libera, unidos contra a basuraleza.
O alumnado de 5º e 6º, que somos moi madrugadores, xa nos puxemos hoxe man á obra e deixamos o patio do CPI coma os chorros do ouro. Recollemos ata os microplásticos máis micro.
Aquí nos tendes, orgullosos da nosa tarefa.
O mural, feito polo alumnado de Educación Plástica Visual e Audiovisual de 4º de ESO, é unha interpretación da última escena da película ´´Tiempos Modernos´´ de Chaplin .
O alumnado realizou os bocetos nun programa informático a escala e elaborou o mural nunha das paredes da propia aula de Plástica.
De entre todos os bocetos foi escollido o máis axeitado e, unha vez lixada a parede e logo dunha capa de pintura cor branco calcaron, con axuda dun proxector, todas as siluetas e pintaron usando a variación das seis tonalidades de azuis que se poden atopar.
MAGNÍFICO TRABALLO!!!!
Martes 11 de xuño, despois de aprazar a actividade polo mal tempo, por fin puidemos estrenarnos no río Ulla coa colaboración do clube As Torres. Tampouco atinamos co día ideal porque sopraba moito norte e a máis de un cáseque temos que remolcalo desde Carril. Pero, aínda así, gozamos coa piragua e a pá. E deunos tempo para facer vikingadas preto das Torres e máis para probar a auga medicinal que nace alí preto.
Co drakar vikingo ao fondo:
Fermosa vista das Torres e os kayakistas nóveles:
Probando a auga medicinal:
O grupo antes da actividade. Este ano non presentamos ningunha foto na auga, pois tanto Jose coma Lucía animáronse a padexar contra o vento 
Agradecemos a Aldara, David e Xoana, os monitores do clube As Torres, o esforzo e adicación que nos prestaron.
Non esquezades contactar co clube para os cursos de iniciación que organizan no verán. O mellor plan: vacacións con deporte!
Agardaremos expectantes........
Hoxe venres recibimos a visita do alumnado que se incorporará ao noso centro o curso que vén. Veu acompañado polos seus pais e nais (e nalgún caso algún avó/a) e visitaron as diferentes zonas do colexio. Xa na biblioteca, o alumnado de 2º de primaria deleitounos coa representación da obra de teatro " A voda da pulga" que tan ben representan os nosos pequenos. Por último, recibiron un agasallo que os alumnos e alumnas de 6º elaboraron para eles.
Estamos desexando telos aquí!!!! Benvidos pequechos!!!!
Hoxe, Día Mundial do Medio Ambiente, tod@s @s alumn@s de Primaria fixemos un roteiro pola Braña, acompañados polos axentes medioambientais, para ver na natureza todo o que aprendemos onte nas charlas impartidas no cole.
Polo camiño atopamos a Coco, o canciño de Bruno, que veu a saudarnos.
Tamén vimos as vacas da familia de Íker.
Beiras e Samuel aproveitaron para ensinarnos a diferenciar especies vexetais e contáronnos moitas curiosidades sobre cada unha.
Un descanso no camiño para repoñer forzas. E, xa despois, continuamos coa ruta vendo os carrizais ou canaveiras. Sodes capaces de distinguir cal é a especia autóctona?
Ao pouco chegamos ao "bosque encantado", no que continuamos vendo curiosidades das distintas especies. Ata vimos unha avispa enorme e fomos capaces de observala sen facerlle dano. Agora si que sabemos diferencialas das velutinas.
Desde o CPI de Dodro agradecemos enormemente a Beiras, Samuel e Tito a súa implicación nesta actividade. MOITÍSIMAS GRAZAS aos tres. Resultou unha experiencia enriquecedora. Quedamos para outra ocasión!
Velaquí un resumo do percorrido.
Hoxe tivemos entre nós a Beiras, a Tito e a Samuel, tres axentes medioambientais que viñeron para falarnos da natureza.
Trouxéronnos follas de diferentes árbores e arbustos da nosa contorna, para aprender a diferencialos e coidalos. Follas de loureiro, carballo, sanguiño, fiuncho, bieiteiro,... Explicáronnos que non debemos cortar nin arrancar herbas pois moitas delas serven como alimento ou refuxio para moitos animais.
Faláronnos tamén dos habitantes do río: lontras, lampreas, garzas,... e dos problemas que acarrean os vertidos, a contaminación e as especies invasoras tanto vexetais (herba da pampa, mimosa,...) como animais (visón, tartaruga,...).
Puidemos escoitar o canto de aves en perigo de extinción como a escribenta das canaveiras, da que só quedan 1 ou 2 parellas en toda a braña.
Tamén nos falaron sobre o seu traballo como axentes medioambientais, que velan polo benestar animal, realizan repoboacións, controlan obras e vertidos ao río ou na súa contorna, manteñen o Centro de Recuperación de fauna silvestre,...
Precisamente deste centro proviña o miñato que ceibamos no noso patio, un exemplar que foi capturado no aeroporto e xa vai coa 3ª vez que se recolle e se solta de novo. Podedes velo no vídeo da galería, a ver se colle parella e se queda connosco aquí en Dodro!
Pero,sen dúbida, unha das tarefas máis importantes é o labor de concienciación de coidado da natureza, tanto nas escolas como a toda a poboción en xeral. Moitas grazas a estes tres axentes que nos acompañaron.
Mañá 5 de xuño, Día Mundial do Medio Ambiente, se o tempo nolo permite, poremos en práctica os seus consellos no roteiro que imos realizar polas Brañas de Dodro.
Xa vos contaremos!
Hoxe realizamos un simulacro de evacuación no centro. Resultou bastante ben. Tivemos a sorte de contar con persoal do GES de Padrón que controlaron a nosa actuación e nos deron consellos ao recpesto. tamén contestaron ás cuestións e dúbidas do profesorado e alumnado.
Agradecémoslles enormemente que nos acompañen e aconsellen nesta actividade!!!
O alumnado de primaria realizou unha visita á empresa de confección de bolsos de Ana Muñiz e a Fesba, ambas situadas no cencello de Dodro.
A primeira é unha empresa que produce desde a materia prima que é a pel ata o resultado final. Alí puideron ver de primeira man os diferentes procesos como a elaboración de cremalleiras, rebaixado a pel, confección de troqueles, o proceso de grabado, as plantillas das pezas dos bolsos, e os procesos de pegado, secado e pintado.
Nesta empresa actualmente en expansión traballan máis de 60 persoas e faise con elevadas medidas de seguridade.
En Fesba recibíronos Marcelino e Montse que os acompañaron no percorrido pola fábrica onde viron o proceso que segue o pulpo e o potón (calamar xigante) e explicáronlles que mercan esta materia prima en España, Portugal,
Marrocos e Mauritania. tamén procesan calamar que é traído de Perú e doutras partes do Océano Pacífico.
No laboratorio observaron as diferentes actuacións levadas a cabo para verificar que os produtos son seguros e non estan contaminados e, polo tanto, son aptos para consumo humano . Tamén se analizan nesta empresa as materias primas e o produto terminado e se esteriliza mediante autoclave e mantense un autocontrol para asegurar a calidade alimentaria
Outro dos procesoso que puderon ver foi o de desconxelado e os aditivos usados para abrandar.
A empresa procesa diariamente de 12000k de produto e exporta a 36 paises como EEUU, Bosnia, Francia e Italia.
En Fesba ademais agasalláronos con un boli para cada un.
Ademais disto, tamén fixeron exercicio xa que foron camiñando polas brañas...un día expléndido e camiñata!
Gazas Fesba!! Grazas Ana Muñiz!!!. Foi unha saída sumamente interesante!!!
Xunta de Galicia - Consellería de Educación, 2013 | ||
