O noso alumnado participou no 12º Festival Internacional de Curtametraxes de Bueu celebrado o día 14 de setembro de 2019. Quedou finalista na categoría de "Educación secundaria".
NORABOA ARTISTAS!!!!!
LISTAXES DEFINITIVAS DO FONDO DE LIBROS PARA ALUMNADO DE ESO CURSO 19-20
No enlace poden acceder ás listaxes definitivas do fondo de libros para alumnado de ESO. PRESTREN ATENCIÓN ÁS NOTAS EN VERMELLO!
IMPORTANTE!!!!!:
O alumnado de 3º de ESO non utilizará libro de texto en Lingua Castelá pero por un erro aparece no listado de libros que lles corresponden. Por outra banda, se o desexan, o alumnado aínda que non solicitara o Fondo ou non lle corresponda, pode non comprar os libros de Matemáticas, Física e Química, Xeografía e Historia, Bioloxía e Xeoloxía e Francés xa que temos excedentes no Centro e podemos prestarllos.
O alumnado de 4º de ESO non utilizará libro de texto en Economía aínda que aparece no listado de libros que lles corresponden. Por outra banda, se o desexan, o alumnado aínda que non solicitara o Fondo ou non lle corresponda, pode non comprar os libros de Física e Química, Xeografía e Historia, Bioloxía e Xeoloxía xa que temos excedentes no Centro e podemos prestarllos.
ENTREGA DE NOTAS
As notas correspondentes ás probas extraordinarias de setembro (18-19) serán entregadas o venres día 6 de setembro ás 10:00 horas.
LISTAXES DEFINITIVAS FONDO DE LIBROS 3º,4º,5º e 6º DE PRIMARIA
No enlace poden acceder ás listaxes definitivas do fondo de libros para 3º, 4º, 5º e 6º de primaria.
LISTAXES PROVISIONAIS DO FONDO DE LIBROS PARA ESO E 3º,4º,5º e 6º DE PRIMARIA
Nos enlaces terán acceso ás listaxes provisionais do fondo de libros para o curso 2019-2020 para alumnado de ESO que aprobara todas as materias en xuño e para alumnado de 3º, 4º, 5º e 6º de Primaria.
O periodo de reclamacións será o luns 8 e martes 9 de xullo.
Os cheques de axuda para adquisición de libros de texto para 1º e 2º de primaria poderán ser recollidos a partires do mércores día 10 de xullo.
OS CHEQUES PARA ADQUISICIÓN DE MATERIAL ESCOLAR DE ESO E PRIMARIA ENTREGARANSE EN SETEMBRO UNHA VEZ QUE OS TITORES TEÑAN ELABORADAS AS LISTAXES DE MATERIAL QUE O ALUMNADO PRECISARÁ DURANTE O CURSO, POLO QUE NON PODERÁN PASAR A RECOLLELOS ATA QUE AS CLASES ESTEAN COMEZADAS.
LISTAXES DE LIBROS DE TEXTO 19-20
Nos enlaces poderán consultar os listados de libros de texto para o curso 2019-2020.
PREGAMOS PRESTEN ATENCIÓN ÁS POSIBLES ACLARACIÓNS E NOTAS AO FINAL DAS LISTAXES
CALENDARIO DE EXAMES DE SETEMBRO 18-19
No enlace ou no ficheiro adxunto poden consultar o calendario de exames de setembro (curso 2018-19). Tamén poden ser consultados na porta de entrada á conserxería do centro.
XORNADA DE PORTAS ABERTAS
O venres día 21 de xuño, como remate do curso e tal e como se vén facendo no noso centro, celebramos a Xornada de Portas Abertas recibindo a toda a comunidade educativa e expoñendo os proxectos realizados ao longo do curso que seguen unha mesma temática anual ( este curso foi sobre o cine).
Foi unha mañán completa e chea de actividades tales como proxeccións, traballos de tecnoloxía e plástica, murais e decorados de cine, xogos e poemas, campañas contra o maltrato animal, testemuñas sobre a guerra.....Aquí vos presentamos o resumo e as galerías de fotos:
VIDAS DE PELÍCULA
Traballo onde se recolleron as testemuñas de familiares do alumnado sobre a época da guerra civil. Os audios foron presentados na aula de informática.
DECORADOS DE PELÍCULA
Marabillosos decorados realizados por diferentes cursos
TRABALLOS DOS MÁIS PEQUENOS
Proxectos realizados polo alumnado de 1º e 2º de EP con códigos QR, curtametraxes inventadas, contos de cinema, lapbook sobre películas de mascotas....
CANTO SABES DE CINE?
Xogo de preguntas realizado polo alumnado de 6º de primaria
PASAPALABRA DE CINE EN GALEGO
Rosco ideado por alumnado de 1º de ESO con preguntas sobre o cine con diferentes niveis adaptados a todas as idades
CINEPOEMAS
Poemas elaborados por alumnado de 2º e 3º de ESO en lingua galega que inclúen frases famosas de películas
PLAN PROXECTA: PROTEXE AOS ANIMAIS
Campañas e murais realizados por alumnado de 1º e 4º de ESO e de 5º e 6º de EP sobre as necesidades dos animais de compañía e contra o maltrato animal
CREACIÓNS E XÉNEROS DE CINE
Traballo realizado por alumnado de 6º de EP sobre xéneros de cine e creacións famosas do cine internacional
PROXECCIÓNS
Diversas proxeccións levadas a cabo por diferentes departamentos ( inglés de primaria, inglés de secundaria, música..)
O MESTRE MATEO DE DODRO
Proxecto elaborado polo alumnado de 4º de EP sobre os premios Mestre Mateo e explicación oral sobre o mesmo.........
..........e xogos de mesa relacionados co tema do cine
PROXECTOS DE 4º DE EP
Proxectos realizados ao longo do curso sobre naturais, tecnoloxía, sociais, presentacións en Power Point...
TRABALLOS DE TECNOLOXÍA
Maquetas realizadas polo alumnado de 2º , 3º e 4º de ESO na materia de tecnoloxía..tamén sobre a temática do cine
MURAL DE PLÁSTICA E CÓMICS
Mural realizado polo alumnado de plástica de 4º de ESO e cómics e traballos gráficos elaborados polo alumnado de 1º e de 3º de ESO
FRANCÉS
Proxectado de vídeos realizados polo alumnado de Francés de secundaria
TRABALLO DE 3º DE EP
Murais sobre a temática do cine
CONCERTO
Como remate o departamento de música de secundaria deleitounos cun concerto magníficamente interpretado polo alumnado de 2º, 3º e 4º de ESo...e algún que outro profe....
SAÍDA DE FINAL DE CURSO DE PRIMARIA
O alumnado de primaria realizou unha saída á granxa escola de Serantellos. Ademáis de pasalo xenial, cando viñemos recibimos como agasallo unha plantiña de cabaza do pelegrín, un pan que elaboramos nós ao longo da mañá e un paquetiño con sementes variadas, que podemos utilizar para o proxecto do horto escolar o vindeiro curso.
Unha xornada divetida e productiva!!!
INFORMACIÓN FINAL DE CURSO
DÍA DE PORTAS ABERTAS:
O venres día 21 de xuño celebraremos a xornada de portas abertas á que están invitadas familias e comunidade educativa. Nesta nova edición expoñeranse os proxectos realizados ao longo do curso dentro de proxecto e Centro que este ano tivo como temática o cine.
O centro abrirase ao público ás 10:30 que ata ás 12:00 poderá realizar un percorrido polos diferentes postos de exposición onde o alumnado explicará o desenvolvemento de cada actividade.
Ás 12:00 dará comezo o concerto da man do alumnado de 2º , 3º e 4º de ESO e ás 12:45 clausurarase o acto.
ENTREGA DE NOTAS:
As notas do alumnado de secundaria serán entregadas o martes día 25 a partires das 12.00.
O PERIODO DE RECLAMACIÓNS SERÁ OS DÍAS 25, 26 E 27 DE XUÑO.
- « primeira
- ‹ anterior
- …
- 16
- 17
- 18
- 19
- 20
- 21
- 22
- 23
- 24
- …
- seguinte ›
- última »
