Bota a andar a liña da mellora da convivencia dentro dos Contratos Programa concedidos a este centro. O alumnado de educación infantil e o de 1º e 2º de primaria, asistiu este venres no salón de actos ao contacontos "O segredo de Flora" no que se traballaron conceptos como o da ira e o enfado. O alumnado de 3º e 4º de primaria visualizou fragmentos da película "Quero ser como Beckham" acerca dos roles e os estereotipos.

O vindeiro xoves tócalle o turno aos nenos/as de 5º e 6º. Máis fotos no seguinte álbum:

Álbum: Curso 2017 - 2018 -> Mellora da Convivencia

O venres 9 de marzo, tivo lugar no salón de actos do noso centro outra das charlas que ofrece a Garda Civil dentro do "Plan Director para a Convivencia e a mellora da seguridade nos centros educativos e os seus entornos". Nesta ocasión, a temática xirou arredor da violencia de xénero. Falamos de cuestións tan importantes como o respecto, a confianza, os celos... e comprendemos que mozos e mozas somos iguais e temos os mesmos dereitos.

Sabedes que é o "sexting", como usar as RRSS (redes sociais) con seguridade ou os perigos de internet? O alumnado de 5º e 6º de Primaria xa o sabe grazas á charla de Óscar, o garda civil que nos acompañou o pasado venres. 

Fíxonos reflexionar acerca do número de seguidores das RRSS que non coñecemos persoalmente e cos que estamos compartindo imaxes ou informacións que poden poñernos en perigo a nós mesmos e tamén ás nosas familias. Pareceunos unha charla moi interesante e productiva. 

E o próximo venres falaremos doutro tema de moito interese tamén como é a violencia de xénero.

O 13 de agosto saíu publicada a convocatoria de axudas para alumnos/as con Necesidade Específica de Apoio Educativo para o presente curso 2017/18 para Educación Infantil e Primaria. O prazo remata o 28 de setembro do 2017.

Esta semana tivo lugar outra das charlas da Garda Civil para o alumndo de 5º e 6º, dentro do Plan Director para a convivencia e mellora da seguridade nos centros educativos. Nesta ocasión  o tema foi o Acoso escolar ou bullying. Foi moi interesante e aprendemos e reflexionamos sobre moitos aspectos da vida do noso entorno. 

O alumnado de 6º participou o venres no Taller de Habilidades para ó Éxito, impartido por Alejandra Sánchez, "coach" da consultoría Bevel, e especializada en adestrar habilidades a través da formación,  promovendo a busca activa de respostas e solucións mediante o  acompañamento.

Enmarcado dentro da serie de actividades que están a desenvolver co seu proxecto Hortocol, esta  dinámica pretende favorecer a adquisición de técnicas de liderazgo, traballo en equipo, creatividade e asertividade, a través de dinámicas lúdicas e proactivas.

Outra xornada con actividades para a mellora da convivencia e promoción da igualdade, neste caso traballando "Roles e estereotipos de xénero". Foron catro sesións co alumnado de 3º, 4º, 5º e 6º respectivamente. Consistiu nunha sesión expositiva coa visualización e reflexión das desigualdades que se xeran entre sexos, a través do establecemento dos roles e estereotipos de xénero (publicidade, xogos, xoguetes, roupa...) e ademais a dinámica "A balanza", na que o alumnado tivo que situarse no lugar que cren que ocupan homes e mulleres ante determinadas situacións cotiás, co fin de fomentar a atención e pensamento crítico.

Hoxe tivo lugar no colexio a segunda charla coa garda civil para o alumnado de 5º e 6º dentro do denominado "Plan Director para a mellora da seguridade nos centros". Esta vez o tema foi a VIOLENCIA DE XÉNERO.

Este venres tivo lugar a entrega de diplomas das sesións de mediación levadas a cabo ao longo destes meses. Foi a psicóloga Montse Lata a encargada de facelo e estivo acompañada pola concelleira de educación Beatriz Rodeiro así como polo orientador do centro e a directora.

Hai xa algunhas semanas que se están a desenvolver no noso colexio dous talleres encamiñados a impulsar unha educación en valores. Os/as participantes son os nenos e nenas de 5º e 6º. Un dos principais obxectivos destes proxectos é construír unha cidadanía activa para mellorar e transformar a realidade que nos rodea. Aprenden entre outras moitas cousas estratexias para a resolución de conflictos entre iguais de maneira non violenta.

Un deles xa foi iniciado no curso pasado. É o taller de MEDIACIÓN. Mágoa que poden participar poucos nenos/as pero a experiencia é moi positiva. Dámoslle as grazas ao concello de Oroso e a psicóloga Montse Lata que é quen o leva a cabo. O segundo é o taller de HABILIDADES SOCIAIS da Mancomunidade de Ordes e Mónica a persoa que o dirixe. Tamén lle agradecemos a súa labor co noso alumnado.