Hoxe volvemos de novo ao Fogar Residencial de Portoavieira, para compartir cos residentes o Día de

Rosalía, foi un verdadeiro pracer recitar e cantar para eles, pero moito máis escoitar nas súas voces

os poemas de Rosalía que con tanto agarimos escribiu o noso alumnado.

      Quedamos con ganas de volver porque sempre nos tratan xenial! 

     Agradecer a Autos Grabanxa a súa colaboración desinteresada.

Hoxe, 23 de febreiro é unha data grande para nós. Celebramos o aniversario do nacemento dunha muller referente para Galicia e para o mundo. Hoxe cúmprense 186 anos do nacemento de Rosalía de Castro. No colexio levamos a cabo diferentes actividades que continuaremos para a vindeira semana. Unha das destacadas foi a visita por segunda vez ao Fogar Residencial de Porto Avieira. Alí puidemos gozar cantando e recitando poemas da nosa Rosalía. 

Hoxe no club de lectura comentamos a escena 5 "Pan e cebola", lemos os binomios fantásticos  que inventaran nas súas casas, que de verdade eran fantásticos, xa que estes rapaces e rapazas teñen moita imaxinación e creatividade. Rematamos colocandos no noso mural do club.

Comezamos a mañá cunha sorpresa: os nenos e nenas de 2º estaban na biblioteca esperando aos de 6º para contarlles uns contos.

Hoxe tivemos de novo reunión do club de lectura. O último día propuxémonos investigar sobre as mulleres que tiveron que vestirse de homes para facer o que querían : traballar, estudar ou escribir, saíron moitos exemplos. Despois lemos o capítulo "a Befana e a escola" e para rematar fixemos exemplos de binomios fantásticos.

Hoxe,  Iria e Carmela quixeron  compartir a lectura de Avós no recreo da biblioteca cos seus compañeiros. O xoves teremos nova lectura.

 Esperámosvos!

Carmela fainos unha recomendación lectora para estes días de frío.

O noso club de teatro está tendo moito éxito. Durante dous recreos á semana un gran número de alumnado e dúas mestras traballan para sacar adiante as obras propostas, que adaptan á súa maneira e mesmo escritas por eles mesmos. 

A través do teatro conseguimos nos nosos nenos e nenas desenvolver a comunicación verbal e non verbal (xestual, corporal), mellorar a coordinación e a capacidade de expresión. Tamén potenciamos a creatividade e a imaxinación do alumnado. Por outra banda mellora a capacidade de traballo en equipo e a superación. Cantos beneficios nos aporta o teatro no cole!