Levábamos uns días agardando que a neve que xa disfrutaban os nosos compañeiros do colexio St Godric de Durham chegase ata Sigüeiro e o pasado mércores, por fin tivemos a nosa recompensa. Esa mañá, erguémonos cun fino pero suficiente manto branco. A neve, por fin fixera acto de presenza en Sigüeiro! Que emoción! E deixaba estas preciosas estampas do noso cole. Pero o que é máis importante, tamén nos propoñía retos e investigacións que levar a cabo, e se non botádelle un ollo á nova que compartiu a clase de 5 anos dentro do seu proxecto de investigación arredor da auga.
