C.P.I. Plurilingüe Eusebio Lorenzo Baleirón

Aínda que sexa de xeito telemático, continuamos a traballar o proxecto de centro.......o alumnado de 1º de ESO viaxa co seu maxín a diferentes lugares do mundo de fala portuguesa.

No enlace accederedes ao vídeo elaborado.

Moi ben feito 1º de ESO!!!

ENLACE

O noso marabillosos alumnado de 2º de ESO deléitanos hoxe, Día das Letras Galegas, cun recitado de poesía.

Moi bo traballo rapaces e rapazas!!!

ENLACE AO VÍDEO

Tamén o alumnado de 6º de primaria  e de 3º e 4º de ESO realizou un traballo para conmemorar este día. Podedes acceder a el nos enlacse:

ENLACE VÍDEO 6º PRIMARIA

ENLACE VÍDEO 3º ESO

ENLACE VÍDEO 4º ESO

FELIZ DÍA DAS NOSAS LETRAS!!!!

Restablécese o prazo para a presentación das solicitudes de admisión para alumnado que se incorpora procedente decentros de fóra do concello de Dodro desde o 11 ao 18 do mes de maio. O alumnado do centro e o alumnado do CRA de Dodro xa ten a praza asignada neste centro polo que terá que formalizar a matrícula cando se abra o prazo. Estarán puntualmente informados de todos os trámites, da súa xestión e dos prazos.

No caso de teren que formalizar os documentos de admisón de alumnado novo, pregamos soliciten cita previa chamando ao 881867041. Deste xeito tentaremos que a formalización da solicitude sexa feita de xeito telemático, na medida do posible. En caso de que non poidera ser feito deste xeito e tivera que ser presencial, chamen ao teléfono facilitado para concretar un día e unha hora para a entrega dos documentos no centro no que deberán presentarse coas debidas medidas de protección ( guantes e máscaras) e traer o seu propio bolígrafo para evitar manipular obxectos alleos.

Lembren que para o resto de trámites e/ou dúbidas, mentres se manteña a prórroga do estado de alarma, poden chamar ao 881867041 ou tramitalas a través do correo cpidodro@cpidodro.net.

Estarán puntualmente informados de todos os trámites e da súa xestión e dos prazos futuros como matrículas e solicitude de préstamo de libros a través desta páxina web e, no caso do alumnado xa pertencente ao centro, da aplicación TokApp.

Grazas, un saúdo e ánimo.

DÍA DA EDUCACIÓN FÍSICA NA CASA

Hoxe, 28 de abril de 2020, era unha data marcada no calendario de moitos centros para celebrar o “Día da Educación Física na Rúa”. Este ano, como non é posible saír a rúa, imos celebralo na casa. Para elo, abrimos a toda a Comunidade Educativa, o traballo que están a facer todos os nosos rapaces e rapazas na área de Educación Física a través duns pequenos vídeos.

Parabéns a todos e a todas polo voso traballo!!

ENLACE AO VÍDEO DE PRIMARIA

ENLACE AO VÍDEO DE ESO

No enlace adxunto poderedes ver vídeos de profesorado e alumnado compartindo con todos vós breves lecturas para conmemorar o Día do Libro.

Esperamos que vos gusten e que vos anime a continuar cos bos hábitos de lectura......lembrade que lendo compártese... e tamén se viaxa!!

ENLACE AOS VÍDEOS

UN VÍDEO MÁIS

Do 20 ao 24 de abril celébrase a Semana do libro e hoxe, día do libro, o alumnado de 6° e 5° de Primaria compartimos con vós estes traballos que fixemos estes días na casa, desde as áreas de Lingua Galega e tamén en Valores Sociais e Cívicos. Seguiremos gozando da lectura.

ENLACE AO TRABALLO DO ALUMNADO ( Galería de fotos)

O día 23 de abril celébrase o Día do Libro.

Tendo en conta as circunstancias, para conmemorar este día, o Equipo da Biblioteca ofrece a posibilidade de participar nunha actividade dende a casa que consisitirá en ler un anaco dun libro que vos guste e gravar un pequeno vídeo e envialo  a mariaef@cpidodro.net.

Podes ler e gravar en familia, cos teus irmáns e irmás , pais, avós...ou ti só ou soa.
Publicaremos os vídeos na web do cole.

Anímate a participar!!!!

Comezamos a última etapa do curso. Seguiremos a traballar coma ata o de agora..dende a casa e sen poder ter contacto directo co noso alumnado....unha mágoa .....pero hai tamén novas que nos fan latexar o corazón.

Os nosos alumnos de 2º de ESO regálannos poesías en rolos de papel hixiénico.

ENLACE Á NOVA

ENLACE A "O NOSO EUSEBIO "

ENLACE A VÍDEO

Grazas rapaces!!. Sodes grandes!!!

"Moito ánimo compañeiros/as, profesorado, coidadora, administrativa, conserxe e familias!. Ánimo a toda a veciñanza, entre todos imos saír ben disto e nós, o alumnado, estaremos seguindo estas recomendacións!"

Con estas palabras de ánimo o alumnado de 6º de Primaria quere compartir con todos nós o traballo  de plástica que realizou e co que nos invita a seguir as recomendacións para previr o contaxio. Non debemos baixar a garda.

Esas medidas tan importantes  que eles xa aprenderon a tomar en días anteriores ao estado de alarma. Que ben o fixeron, guiándose unicamente polo cartaz da foto da mostra que xa tiñan na clase. Incluso lle deron o seu toque persoal.

Dende o colexio dámoslles as grazas de corazón por preocuparse pola nosa comunidade educativa e a noraboa polo seu traballo.

GRAZAS A TOD@S!!!

Agora, na última sesión deste venres antes das vacacións de Semana Santa comezaron coa súa inicial. Aquí vai unha mostra, xa estamos desexando ver todas!

Debido á situación de estado de larma decretado e en consonancia coas últimas instrucións recibidas dende a Consellería de educación, o centro permanecerá aberto en horario de mañán ( no horario que a directiva considere oportuno) e só haberá un membro do equipo directivo. Nembragantes, será prioritaria a tención non presencial polo que poden comunicarse co centro no 881867041 e no correo cpi.lorenzo.baleiron@edu.xunta.es ou no cpidodro@cpidodro.net.

Pregamos ás familias que chamen por teléfono ( está desviado ao móbil privado da directora) antes de achegarse para asegurarse de que hai alguén para atendelos e que só o fagan en caso de que sexa imprescindible que algún dos pais/nais/titores legais se pase polo centro.

Os trámites administrativos, incluída a admisión de alumnado, quedan aprazados ata o restablecemento do funcionamento normal do centro.

No caso de que algún alumno/a do centro dea positivo en coronavirus deberá ser notificado ao centro polos medios antes indicados.

Manteñan a calma e moito ánimo a tod@s!!.

Grazas