C.P.I. Plurilingüe Eusebio Lorenzo Baleirón

GALERÍA DE FOTOS

 

 

 

Este é o vídeoclip " NON TES PREZO" deste curso 21-22 realizado polos departamentos de Música, Debuxo e Lingua Galega...e, por suposto, polo noso marabilloso alumnado de 4º de ESO!!!!!

XENIAL!!!!. ESPECTACULAR!!!!

PARABÉNS A TOD@S!!!!

 

"NON TES PREZO"

 https://www.youtube.com/watch?v=cGyBbaeX_k0

Celebramos o Día das Nosas Letras con recitado de poemas de Florencio Delgado, música e baile. Alumnos e alumnas do centro ensaiairon os diferentes pasos para despois ilustrarnos e guiarnos a tod@s o día da celebración. Outro grupo de alumnado ensaiou as cancións para tocar. Foi  o noso "Airiños de Baleirón". A tod@s eles e elas moitas grazas polo esforzo realizado e polo gran traballo que fixeron!!!.

Momento do ensaio

GALERÍA DE FOTOS ENSAIO

A celebración foi un éxito e, o mellor de todo, divertida, moi divertida!!. Na galería de fotos e vídeos poderedes ver canto desfrutamos.

 

ENLACE Á GALERÍA DE FOTOS

ENLACE AOS VÍDEOS

 Tamén tedes máis info e podedes ver  vídeos do recitado no noso Facebook:

ENLACE AO NOSO FACEBOOK

IV CONCURSO DE POESÍA MATEMÁTICA

Un ano máis celebramos o día 12 de maio, día escolar das matemáticas, o noso concurso de poesía.  Queremos felicitarvos pola calidade das obras presentadas, cada ano facédelo mellor, é un auténtico pracer lelas!                            

As persoas gañadoras do IV Concurso de Poesía Matemática do CPI Eusebio Lorenzo Baleirón son:

 

1º PREMIO- “AUSENCIA”   Samuel Baleirón Torres 4º ESO

AUSENCIA

Dende a suave forma dos teus beizos

 

ata o volume da tua face.

 

Todo iso desapareceu

 

sen fórmula posible que o explique.

 

E sen calculalo nin cotexalo , descubríchenos,

 

descubríchenos ese espazo que ocupabas

 

ese espazo, que agora chamo vacío

 

que por moito que tente, parece que é infinito.

Samuel Baleirón Torres. 4º ESO

 

2º PREMIO- “90, 60, 90”    Naira Ferreirós Bustelo 3º ESO A

90, 60, 90

90, “se tes máis de 90 centímetros pareces un home”; ela  puxo roupa frouxa

60, “se tes máis de 60 centímetros estás gorda”; ela deixou de almorzar

90, “se tes menos de 90 centímetros, estás moi delgada”, ela púxose a chorar

Agora tenta esquivar os espellos para que non a devoren.

Naira Ferreirós Bustelo. 3º ESO A

 

3º PREMIO-  Temos un empate entre:

 

                   “DOUS”    Laura Mariño Bello 3º ESO A

DOUS

Dous ollos, dúas orellas

e ata dous buratos no nariz!

Dous perfectos beizos que serven para sorrir.

 

Dúas pernas e dous brazos,

catro extremidades para nos mover,

convosco podo dar abrazos,

e ata cansarme de correr!

 

Dous, que número tan máxico,

tan bonito para min,

sen ti nada sería posible,

non podería vivir.

Laura Mariño Bello 3º ESO A

 

 

“O CORPO”     María Rodríguez Romero 4º ESO

O CORPO

 

O corpo non é matemática redonda.

Parecería máis un número irracional

ou unha fórmula sen demostración descuberta. 

 

O corpo non é matemática

porque inventou un sistema que permite medir

as bágoas, os berros e os sorrisos.

 

O corpo non é matemática 

porque por moito que aprenda dos gráficos

segue xogando co valor do improbable.

 

O corpo non é matemática

porque aínda que mido 1 metro 65, 

son capaz de tocar as estrelas.

 

O corpo non é matemática.

Porque é o único capaz de operar 

e ver a beleza 

do Syntax Error.

María Rodríguez Romero. 4º ESO

 

        

ENLACE ÁS POESÍAS PARTICIPANTES

GALERÍA DE FOTOS

O alumnado tamén recitou e gravou o recitado das poesías nuns audios que podedes escoitar accedendo ao enlace:

AUDIOS

 

Un ano máis o noso alumnado de 3º e 4º de ESO acada éxitos no Club de Debate!!!!. Traballazo fantástico do alumnado e das profes implicadas que rematou co 2º Premio na final do club de Debate que se celebrou o venres día 6 de Maio en Pontevedra. PARABÉNS !!!. Estamos moi orgullos@s de tod@s vós!!!

Enlace  a O NOSO EUSEBIO

 

Hoxe, persoal docente, non docente e alumnado participou nun acto en contra da guerra, non só a actual guerra en Ucraína, tamén en contra de calquera conflito bélico que no século XXI  xa non debería ter cabida.

A actividade consistiu no visionado do vídeo realizado no propio centro no curso 2016-2017 (Non, non, non!) e a lectura de textos seleccionados por alumnado de 4º de ESO procedentes do libro de Erich Maria Remarque que leva por título " Sin novedad en el frente".

Hoxe, o alumnado de primaria, realizou unha saída didáctica organizada pola Comunidade de Montes Cruz de Avelán na que visitaron os petróglifos  de Bouza Badín donde a arqueóloga Nerea lles explicou os motivos gravados na pedra. Tamén fixeron unha plantación de frondosas donde Verónica, a axente forestal a cargo da zona onde está situada a masa forestal desta Comunidade de Montes, faloulles de prevención de incendios.

 

Nos petróglifos Nerea, Elena e Darío,arqueólogos da Sociedade Cooperativa Galega Árbore Arqueoloxía e Restauración de Campo Lameiro que fixeron unha brillante presentación dos petroglifos para os nenos, explicaronlles a importancia desta parte do noso patrimonio desde  hai 4000 anos, alá na idade do bronce. Puideron observar motivos xeométricos, animais, puntos, círculos que aparecen representados nas pedras. Nerea contoulles que a mellor hora para visitalos é ao amencer ou ao anoitecer xa que a luz é máis axeitada para recoñecer as formas e que a mellor técnica é utilizando un espello. Tamén viron algún petróglifo medieval e escoitaron a lenda do cabalo do apóstolo Santiago, que pisou nas pedras de Bouza Abadín.

 

Elena aprendeulles a facer lume con seixo e pirita e con madeira de hedra  e Darío explicoulles como é o proceso de estudo e conservación dos petróglifos.

Durante a plantación desfrutaron dando unha oportunidade de crecemento a varias árbores que tan xenerosamente nos regalou a  Escola de capataces forestales de Lourizán, e recibiron unha moi interesante charla sobre prevención de incendios forestais grazas a membros do Distrito forestal de Noia que axudaon coa plantación e lles ensinaron aos nenos e nenas como funciona unha motobomba.

 

 

Unha vez rematada a xornada foron merendar o parque da Cruz do Avelán.

 

 

Todo isto, mentras gozamos da marabillosa contorna que temos en Dodro.

GRAZAS A TOD@S POLA VOSA COLABORACIÓN!!!

GALERÍA DE FOTOS

Desde o xoves 10 ao sábado 12 de marzo tivemos o privilexio de poder asistir ao Encontro Internacional AGEND-ARTE 2030 organizado pola Fundación Yehudi Menuhin. A profe Jose asistiu en representación do CPIP Lorenzo Baleirón a este encontro celebrado na residencia La Cristalera en Miraflores de la Sierra-Madrid. Ao longo destes días de participación en intercambios e obradoiros con alumnado,compañeir@s docentes, artistas de diferentes Comunidades Autónomas, e representantes de Alemania, Bélxica, Hungría, Italia e Portugal traballamos a relación entre a arte, a creatividade e a expresión co crecemento e o desenvolvemento persoal, grupal e comunitario, coa integración e a creación de vínculos sociais.

Velaquí algúns momentos de creación e participación en dinámicas activas que invitan á reflexión.

Danzas, medios audiovisuais, microproxectos solidarios, obradoiros de plástica e titoriais de boas prácticas aos que puidemos acceder grazas á nosa reciente incorporación ao programa MUS-E no que nos iniciamos con ilusión e con moitas gañas de poder mellorar a nosa acción e educación.

Podedes ver máis info no seguinte enlace .

 

 

 

 

 

 

 

Hoxe conmemoramos o 8M realizando varias actividades.

A exposición no corredor de secundaria correu a cargo do alumnado de Tecnoloxía de 4º de ESO. A elaboración e a presentación no propio corredor:

 

Unha vez colocada dita exposición, o resto dos compañeir@s de secundaria fixeron unha lectura de textos de autoras famosas seleccionados polos alumnos e alumnas de 4º e abriuse a posibilidade de colocar novos textos ao longo desta semana.

GALERÍA DE FOTOS

O alumnado de primaria e de 1º de ESO tamén realizou unha moi interesante actividade para conmemorar este Día da Muller. Os alumnos e alumnas escribiron cartas a aquelas mulleres importantes nas súas vidas que foron enviadas por correo ordinario e que serán recibidas polas súas destinatarias nos vindeiros días.

 

 O concello de Dodro tamén fixo a súa aportación a esta comunidade educativa para apoiar a conmemoración deste importante día. Regalou a todo o alumnado de primaria un exemplar de "Os Bolechas" editado expresamente para esta data.

Grazas pola vosa colaboración!!!

Este curso, seguindo o criterio doutros anos, celebramos o Entroido coa temática do proxecto de centro que, como xa sabedes, ten como tema central o corpo humano, as consignas do Meco foron as seguintes: o mércores “Para que a festa sexa rachada, trae posta na cabeza algunha pallasada” e o xoves “E para que a festa sexa bestial, saca no resto do corpo o teu animal”....o venres non faremos o pasarrúas nen degustación de produtos típicos destas datas pero para paliar un pouco a agonía desta pandemia vimos disfrazados de  “O que che pida o corpo”....e a desfrutar!!.

ANIMALADA EN 5º

O venres celebramos o festival do Entroido. Cada un veu co que o corpo lle pediu. Houbo de todo.....

 

O concurso de disfrces deixou varios gañadores....

Pablo e Catuxa

Pepa

Álex e Samuel

Lois e Dani

 

FOTOS DO FESTIVAL

VÍDEOS

 

O alumnado de 6º confeccionou unhas máscaras típicas do entroido da zona de Verín:

O Meco deste ano correu a cargo do alumnado de 3º de ESO B e este foi o resultado:

Momento da creación..

FOTOS DA ELABORACIÓN DO MECO

Despois do festival e do concurso, queimamos , como vén sendo tradición, ao noso Meco...os encargados de poñerlle lume forn os de 4º de ESO: