O 30 de marzo, as nenas e nenos de 4º, 5º e 6º de Educación Primaria coñecimos un pouquiño máis a cidade de Santiago de Compostela. Visitamos o parque de bombeiros, paseamos pola zona vella e observamos todo o que se vendía na praza de abastos. Despois visitamos o Centro Galego de Arte Contemporáneo e merendamos todos xuntos no parque da alameda. Finalizamos a excursión na praza do Obradoiro. No seguinte vídeo podedes ver o ben que o pasamos!
Co gallo do día mundial da poesía, dende a Biblioteca do Ceip de Curtis propuexemos o recitado dunha poesía titulada "O teu día a día é poesía", composta pola mestra Lourdes Castiñeira e que podedes ver na nosa canle de Youtube. Agardamos que teñades un feliz Día da Poesía.
"O teu día a día é POESÍA"
por Lourdes Castiñeira
O canto do galo quiquiriquí,
iso é poesía para min.
Os bicos da miña nai: mua, mua mua,
é poesía, vanme gustar.
Cando os paxariños,
cando salto, corro ou bailo, iso é poesía, se estou ao teu lado.
Instrución 2/2023 da Dirección Xeral de Ordenación e Innovación Educativa pola que se precisan aspectos da Orde do 2 de marzo de 2021 pola que se regula o dereito do alumnado á obxectividade na avaliación e se establece o procedemento de reclamación das cualificacións obtidas e das decisións de promoción e obtención do título académico que corresponda, en educación infantil, educación primaria, educación secundaria obrigatoria e bacharelato, para o curso 2022-2023.
O 3 de marzo, coincidindo co DIA MUNDIAL DA NATUREZA, dende A Casa Grande de Xanceda, ofreceuse ao alumnado de primeiro a cuarto de Educación Primaria, unha actividade, ROSCO Ó RESCATE, na que se trataba de concienciar ao alumnado sobre o coidado e respeto da Natureza.
O Día da Ilustración, 30 de xaneiro, conmemora o nacemento de Castelao, e este ano, homenaxea á pintora galega María Antonia Dans. O alumnado do noso centro tivo a oportunidade de traballar sobre as obras desta pintora.
A ORDE do 21 de outubro de 2022, pola que se desenvolve o Decreto 13/2022, do 3 de febreiro, e se regula o procedemento de admisión do alumnado en centro docentes sostidos con fondos públicos, establece os seguintes prazos:
- Presentación da solicitude de admisión: 1 – 20 de marzo.
-Publicación das listaxes provisionais de persoas admitidas e non admitidas: o 25 de abril.
-Publicación das listaxesdefinitivas de persoas admitidas e non admitidas: o 15 de maio.
-Formalización da matrícula: do 20 ao 30 de xuño.
Ademais da instancia, deberán presentar unha fotocopia cotexada do libro de familia.
A solicitude de reserva deberá estar asinada por calquera das persoas proxenitoras, titoras ou acolledoras. Deberá constar o consentimento expreso da outra persoa proxenitora, titora ou acolledora no anexo de comprobación de datos dos membros computables da unidade familiar e consentimento (anexo II – bis). Nas situacións de violencia de xénero non é necesaria a sinatura do agresor.
Lémbrase que o alumnado que se atopa matriculado actualmente ten reserva de praza automática para o seguinte curso escolar.
Horario de atención no centro educativo:
De luns a venres: 9:15 a 10:30 horas.
No caso de que non sexa posible acudir ao centro neste horario, deben poñerse en contacto co centro no seguinte número: 881880647.
Para presentar unha solicitude deberá seguir algunha das opción descritas a continuación:
Cubrir a solicitude informáticamente e presentala asinada de xeito manual no centro: Para presentar a solicitude presencialmente no centro deberá seleccionar a opción de menú “Solicitudes --> Reserva/Admisión --> Crear”. Deseguido aparecerá unha pantalla na que deberá cubrir os datos necesarios, tales como datos persoais e de contacto, os datos académicos e os criterios alegados e autorizacións. Despois de cubrir a información descrita, deberá premer no botón “Crear e Confirmar”. Feito isto poderá descargala para asinar e presentar no centro.
Cubrir a solicitude informáticamente e asinala en Sede Electrónica: Para presentar a solicitude a través da Sede Electrónica deberá acceder a admisionalumnado con usuario de Chave365 ou con certificado dixital, para iso deberá premer na icona verde que se atopa arriba á dereita. Posteriormente deberá seleccionar a opción de menú “Solicitudes --> Reserva/Admisión --> Crear”. Deseguido aparecerá unha pantalla na que deberá cubrir os datos necesarios, tales como datos persoais e de contacto, os datos académicos e os criterios alegados e autorizacións. Despois de cubrir a información descrita, deberá premer no botón “Confirmar solicitude” e posteriormente premendo no botón "Firmar e presentar en Sede Electrónica", poderá asinar a solicitude dixitalmente, quedando como presentada no centro, sempre que o proceso de sinatura remate correctamente. Debe achegar escaneada toda a documentación pertinente á hora de presentar a solicitude.
IMPORTANTE: Debe achegar, na Sede Electrónica da Xunta de Galicia, o anexo dixitalizado (COMPROBACIÓN DE DATOS DOS MEMBROS COMPUTABLES DA UNIDADE FAMILIAR, última páxina da solicitude que pode visualizar e descargar nesta aplicación).
Cubrir a solicitude manualmente e presentala asinada presencialmente no centro:
Se non desexa cubrir a solicitude dixitalmente pode facelo de xeito manual descargando os documentos que se atopan en ficheiros adxuntos, cubrilos e presentalos firmados no centro.
