Ao teu carón

XA REMATANDO O CURSO, CONTINUAMOS COAS ENTREVISTAS DO NOSO PROGRAMA. NESTA OCASIÓN CONTAMOS CUN  ENTRENADOR DE FÚTBOL DE CURTIS CO QUE FALA O SEU FILLO, LUCAS ESPIDO E A DIRECTORA DO COLEXIO QUE  É ENTREVISTADA POR MARTA, DE QUINTO.

ADO QUE NOS ATOPAMOS NUN TEMPO DE INQUIETUDES POLÍTICAS, POR APROXIMARSE ELECCIÓNS, QUEREMOS ADICAR NESTA ENTREGA DE "AO TEU CARÓN" A UNHA ENTREVISTA REALIZADA AO ALCALDE DE CURTIS POLOS ALUMNOS DE QUINTO E SEXTO DE PRIMARIA NA BIBLIOTECA DO CENTRO. A PESAR DE TER MÁIS DUNHA HORA DE GRABACIÓN, SÓ POIDEMOS SUBIR ESTES VINTE MINUTOS. QUEREMOS QUE TEÑADES EN CONTA QUE, TANTO O SON COMO A IMAXE, ASÍ COMO AS PREGUNTAS E A ORGANIZACIÓN FOI PLENAMENTE REALIZADA POLO ALUMNADO. AGARDAMOS QUE SEXA DO VOSO AGRADO.

Os alumnos e alumnas de sexto pensamos que sería interesante amosarvos algo da nosa visita ao Parlamento Galego, o día 15 de marzo. Consideramos que é fundamental no ano da convivencia escolar, xa que se supón que neste lugar conviven a diario persoas con moi diferentes ideas e opinións, debatindo e dialogando sobre como mellorar a nosa comunidade autónoma. Amosamos como Nicolás e Teresa subiron ao estrado a facer propostas moi interesantes.

Hoxe toca a terceira entrega de entrevistas "AO TEU CARÓN" e publicamos dous fantásticos traballos. En primeiro lugar, Xabier Sánchez, de quinto, fala con José Sánchez, encargardo de ASERPAL .Por outra parte, Nicolás Seoane profundiza no labor de Mónica e Lali, limpadoras do noso colexio. Agardamos de novo, que sexan do voso agrado.

 De todos é sabido que a COMUNICACIÓN E A CONVIVENCIA están íntimamente relacionadas. O alumnado de quinto e sexto inicia no día de hoxe unha nova actividade na que ambas van a par: "AO TEU CARÓN". Trátase dunha serie de entrevistas a diferentes persoeiros, non só no centro, senón na contorna, sobre o seu oficio ou actividade desempeñada. Por outro lado, sérvelles de ensaio para para o novo proxecto que inauguraremos en breve no centro: A RADIO NA ESCOLA. Irán tomando contacto cos micrófonos!!!É importante destacar que foron elaboradas por eles mesmos e tamén gravadas. En moitos casos tiveron que entablar conversa cos entrevistados para pedirlles permiso para esta tarefa e poñer data para elo; co cal, traballouse tamén a convivencia previamente á propia gravación. Cada luns intentaremos colgar nesta páxina web unha nova entrevista de cada nivel, agardando estar sempre "AO VOSO CARÓN".

.