Skip to Content

Outubro 2024

PROXECTO COMPETENCIAL 23-24

Mar, 10/01/2024 - 11:59

Na materia de Proxecto Competencial creamos unha curtametraxe titulada: " A fuxida de Raiola". Trátase dunha historia na cal, a nosa mascota da biblioteca se vai do cole porque aos nenos e nenas xa non lles gusta ler.  Lucas. Sara, Riham e Mencía búscana por todas partes  ata que a atopan na estación do tren. Alí convéncena de que todos están tristes pola súa falta e queren que regrese ao seu cole, de onde nunca tivo que irse.

Eleccións Consello Escolar

Ven, 10/11/2024 - 09:20

Poderán encontrar toda a información relacionada coa RESOLUCIÓN do 10 de setembro de 2024, da Dirección Xeral de Ordinación e Innovación Educativa, pola que se establece o calendario para a celebración de eleccións de membros dos consellos escolares de centros docentes sostidos con fondos públicos, nesta páxina web no apartado centro, Consello Escolar.

 

 

Circular eleccións Consello Escolar

Ven, 10/11/2024 - 09:24

Estimadas familias:

Como moitos de vostedes saben durante os próximos meses, outubro e novembro, levarase a cabo as  eleccións ao Consello Escolar.

Dende a dirección do centro animámolos a que participen.

O 18 de outubro realizarase o sorteo dos integrantes da Xunta electoral e o envío de citacións aos membros da mesma.

 

 

MAGOSTO/SAMAÍN

Lun, 10/14/2024 - 15:53 — Ana

Queridas familias:

Outro ano máis gustaríanos montar a exposición de cabazas tan característica do noso centro. Para iso precisamos a vosa colaboración. Animádevos a decorar as cabazas tendo en conta a temática do noso proxecto interdisciplinar "Galicia somos nós".

A entrega das cabazas farase entre o luns 28 e o martes 29 de outubro. O mércores 30 cada alumno/alumna levarán a súa cabaza de volta para a casa.

O mércores 30 de outubro celebrarase o magosto no colexio con xogos populares, baile e merenda. Por suposto os nenos e as nenas poden vir disfrazados.

NORMAS DE ORGANIZACIÓN, FUNCIONAMENTO E CONVIVENCIA

Mar, 10/15/2024 - 13:50

Onte,  día 14 de outubro, aprobáronse en Consello Escolar as normas de organización, funcionamento e convivencia do centro, xa que se levou a cabo unha revisión das anteriores. Están no documento adxunto.

Eleccións ao Consello Escolar

Mar, 10/22/2024 - 10:39

Estimadas familias:

Como moitos de vostedes saben durante os próximos días vai haber eleccións ao Consello Escolar.

O proceso a seguir vai ser o seguinte:

22 OUTUBRO.- Constitución da Xunta Electoral. 1ª reunión. Levantar acta. Calendario de actuación. Solicitar ao concello e a ANPA designación dos seus representantes no CE, dándolles un prazo de 10 dias.

30 OUTUBRO.- Publicación de elección nos diversos sectores (profesorado/ país, nais/ PAS), censos electorais, comunicación aos diversos sectores.

ATA O 6 DE NOVEMBRO.- Período de reclamación ao censo.

DO 1 AO 8 DE NOVEMBRO.- Presentación de candidaturas.

5 DE NOVEMBRO.- Remitir convocatoria para a 2ª reunión da Xunta Electoral, que se celebrara o dia 11 de novembro.

Convocatoria de claustro informativo.

11 DE NOVEMBRO.- Reunión claustro informativo. Normas da elección , data claustro extraordinario eleccións do sector profesorado.

2ª reunión da Xunta Electoral, análise de posibles reclamación, proclamación de candidaturas presentadas, sorteo das mesas electorais, comunicación a país/nais das candidaturas do seu sector, publicación no centro das candidaturas dos diferentes sectores, citacións para a constitución das mesas electorais, convocatoria para a 3ª reunión da Xunta Electoral para o 14 de novembro, convocatoria de claustro extraordinario.

14 DE NOVEMBRO.- 3ª reunión da Xunta Electoral, resolución das reclamacións á proclamación de candidaturas.

20 DE NOVEMBRO.- Votacións para tódolos sectores,  Claustro extraordinario elección representantes profesorado.

 25 DE NOVEMBRO.- 4ª e última reunión da Xunta Electoral para proclamar e publicar a listaxe de candidatos electos dos diversos sectores. Convocatoria de reunión por parte da dirección do centro, para a constitución do novo Consello Escolar.

 

 

 

AULA VIRTUAL SANTILLANA (3º, 4º, 5º, 6º DE PRIMARIA)

Mér, 10/23/2024 - 12:40

O alumnado de 3º, 4º, 5º, 6º de primaria pode acceder á aula virtual de Santillana para ter o libro virtual á súa disposición.  Cada neno ten unha licencia e contrasinal que lle foi entregada hai uns días nun folio tamaño A5.

Este ano é necesario rexistrarse antes , co cal as familias teñen que empregar a súa conta de correo.

No ficheiro adxunto podedes ver o manual para quen teña dificultades neste proceso.

Recordar que non é obrigatorio entrar na aula virtual, pero sí recomendable.

MENÚ MES DE NOVEMBRO 2024

Ven, 10/25/2024 - 18:30


by Dr. Radut