Skip to Content

Celebracións do mes de novembro

Sáb, 11/26/2022 - 13:17 — Anónimo

Neste mes de novembro os nenos e as nenas do CEIP de Curtis conmemoraron 2 días importantes realizando sendos murais. 

-20 de novembro: Día universal dos dereitos dos nenos e as nenas. 

-25 de novembro:Día internacional para a eliminación da violencia de xénero. 

IGUALDADE

Ven, 11/25/2022 - 13:16

IGUALDADE

   Este xoves o alumnado de 4º, 5º e 6º de EP, tivo a oportunidade de participar nunha actividade promovida dende o CIM (Concello de Curtis), co obxetivo de promocionar a igualdade entre homes e mulleres.

         

Medidas ante a aparición de casos sospeitosos de gripe ou infección respiratoria

Lun, 11/14/2022 - 09:38

Dende a Consellería de Sanidade achégannos as medidas ante a aparición de casos sospeitosos de gripe ou de infección respiratoria nas escolas infantís.

Para consultalas prema aquí.

Eleccións ao Consello Escolar

Mar, 11/08/2022 - 09:42

Estimadas familias:

Como moitos de vostedes saben durante o próximo mes de novembro vai haber eleccións ao Consello Escolar.

Dende a dirección do centro animámolos a que participen.

O proceso a seguir vai ser o seguinte:

- 2 de novembro: Sorteo público dos integrantes da Xunta electoral e envio de citacións aos membros da mesma.

- 7 de novembro. 1ª reunión da xunta electoral, constitución, aprobación do calendario de actuacións, publicación de censos....

- 8 de novembro. Circular explicando calendario de eleccións.

- 11 de novembro. Empeza o prazo de presentación de cadidaturas.

- 18 de novembro. Remata o prazo de presentación de candidaturas.

- 21 de novembro. 2ª reunión da xunta electoral. Claustro informativo.

- 24 de novembro. Citacións convocatoria constitución mesa electoral do sector  pais. Envio convocatoria claustro extraordinario.

- 28 de novembro. Circular ao sector de pais lembrando votación.

- 29 de novembro: Votación sector pais. Claustro extraordinario.

- 30 de novembro: 3ª reunión xunta electoral, proclamación candidatos, traslado actas ao xefe territorial.

- 5 de decembro. Convocatoria constitución Consello Escolar.

 

Un saúdo.

Calendario escolar 2022- 2023

Lun, 11/07/2022 - 13:08

No arquivos adxuntos podedes consultar o calendario escolar deste curso, xunto cos días non lectivos que solicitou o noso centro.

Visita ao MUNCYT

Sáb, 11/05/2022 - 22:15

Visita ao MUNCYT sede A Coruña

Alumnado de Educación Infantil

    O xoves, 3 de novembro, todo o alumnado de educación infantil visitou o MUNCYT (Museo Nacional da Ciencia e Tecnoloxía), onde fixeron un percorrido polo bazar da ciencia e a tecnoloxía, vendo cómo evolucionaron obxetos que nos rodean e descubrindo algúns dos inventos que revolucionaron o século XX.

   Nas salas do Museo observaron, entre outras moitas cousas, dende o primeiro ordenador que chegou a España ata a lanterna da Torre de Hércules, e incluso subiron a un Jumbo de Iberia . A visita tiña moito que ver co noso proxecto INVENTOS; nunha das salas, admiraron un muro adicado aos inventores.

   Resultou unha mañá moi interesante.

 

Celebramos o MAGOSTO

Sáb, 10/29/2022 - 15:36 — Anónimo

O pasado 28 de outubro os nenos e nenas celebraron o Magosto no CEIP de Curtis. 

Primeiro merendaron no patio degustando as castañas asadas cedidas pola AMPA. 

Despois divertíronse nun circuíto de xogos populares nos que a protagonista era a castaña, o froito de outono por excelencia. Repartidos en grupos formados por nenos e nenas de todas as idades foron pasando polas 10 estacións: quen perde a cadeira?, a ra, bailamos?, a culler, castaña na cabeza, a mariola, tenis de outono, a diana, o florón e a que sabe o outono.

Xa que coincidía co último día lectivo antes da celebración do Samaín algunhas persoas viñeron disfrazadas. 

Foi unha mañá moi divertida na que disfrutaron do outono xogando todos xuntos!!

 

 

DÍA DA BIBLIOTECA

Mér, 10/26/2022 - 10:13

Día da biblioteca

24 de outubro

   Celebramos o día da biblioteca e aproveitamos para inaugurar o noso proxecto "INVENTOS".

 

 

 

Xuntos, cantamos unha canción, coa letra que compuxo Lourdes para a ocasión; facendo referencia ao proxecto

 

e despois, o magnífico tren de biscoito, homenaxe a este medio de transporte que tanto significado ten para a nosa localidade e que, sin dúbida ,é un gran invento, foi degustado por todos os presentes.

 

Desexámosvos a todos e todas,moi felices lecturas!

SAMAÍN

Mér, 10/19/2022 - 09:18

Outro ano máis gustaríanos montar a exposición de cabazas, para iso precisamos a colaboración de todas as familias. Animámosvos a decorar cabazas tendo en conta a temática do noso proxecto interdisciplinar "Os inventos".

A recollida das cabazas farase os días mércores 26, xoves 27 e venres 28 do presente mes. Será o venres cando cada alumna e alumno leve a súa cabaza de volta para casa.

MAGOSTO

Mér, 10/19/2022 - 09:16

O venres 28 de outubro conmemoraremos no noso centro O Magosto. Para a súa celebración desenvolveranse diversos xogos populares nos que a castaña será a principal protagonista e, ademais, disfrutaremos dunha merenda conxunta contando coa colaboración da ANPA.

Ao coincidir coa conmemoración do Samaín, as nenas e nenos que o desexen poderán acodir ao centro disfrazados.

Distribuir contido


by Dr. Radut