Anímaste a cavilar connosco un anaco? Ponte a proba. Todos os días unha frase para reflexionar en torno á educación, e un quebracabezas para resolver do que ao día seguinte terás a solución. Acepta o reto. A desentumecer os miolos.
Logo de máis de dous meses contigo despedímonos. Agardamos que desde este espazo puideses reflexionar coa frase de cada día, e cavilases na procura da solución dos nosos retos. Seguro que os teus miolos están en bo estado. Un saúdo de Sefi e Eva.
Venres, 19 de xuño A educación existe para mellorar a vida dos demais e deixar a túa comunidade e ao mundo mellor de como os atopaches. (Marian Wright Edelman)
Xoves, 18 de xuño Cando deixo de ser o que son, convértome no que podería ser. (Lao Tse)
Mércores, 17 de xuño O máis revolucionario que unha persoa pode facer é dicir sempre en voz alta o que realmente está ocorrendo. (Rosa Luxemburgo)
Martes, 16 de xuño Sempre se admira aquilo que en realidade non se entende. (Blaise Pascal)
Luns, 15 de xuño Dar amor é unha educación en si mesma. (Eleanor Roosevelt)
Domingo, 14 de xuño A educación non é encher un caldeiro, senón acender un lume. (William Buttler Yeats)
Sábado, 13 de xuño Desenvolve unha paixón por aprender. Se o fas, nunca deixarás de crecer. (Anthony J. D'Angelo)
Venres, 12 de xuño Unha mente ben educada sempre terá máis preguntas que respostas. (Hellen Keller)
Xoves, 11 de xuño O propósito xeral da educación é converter espellos en fiestras. (Sydney J. Harris)
Mércores, 10 de xuño Unha persoa educada debería saber todo sobre algo e algo sobre todo. (Cicely Veronica Wedgwood)
Martes, 9 de xuño A educación é aprender o que nin sequera sabías que non coñecías. (Daniel J. Boorstin)
Luns, 8 de xuño O coñecemento darache a oportunidade de marcar unha diferenza. (Claire Fagin)
Domingo, 7 de xuño É moi importante entender que a intelixencia emocional non é o oposto á intelixencia, non é o triunfo sobre a cabeza, é a intersección de ambas as dúas. (David Caruso)
Sábado, 6 de xuño A educación é a liberación do que xa existe na alma do alumno. (Muriel Spark)
Venres, 5 de xuño Intelixencia máis carácter, esa é a meta da verdadeira educación. (Martin Luther King Jr.)
Xoves, 4 de xuño A aprendizaxe non se consegue por casualidade, débese procurar con ardor e dilixencia. (Abigail Adams)
Mércores, 3 de xuño Vive como se foses morrer mañá. Aprende como se foses vivir para sempre. (Mahatma Gandhi)
Martes, 2 de xuño A nosa habilidade para adaptarnos é incrible. A nosa capacidade de cambiar é espectacular. (Lisa Lutz)
Luns, 1 de xuño Educar a mente sen educar o corazón, non é educar en absoluto. (Aristóteles)
Domingo, 31 de maio Isto é o que acontece coas leccións, sempre se aprende delas, aínda cando non se quere. (Cecelia Ahern)
Sábado, 30 de maio A ensinanza que deixa pegada non é a que se fai de cabeza a cabeza, senón de corazón a corazón. (Howard G. Hendricks)
Venres, 29 de maio Non se nace muller: chégase a selo. (Simone de Beauvoir)
Xoves, 28 de maio Darche conta de que non entendes algo é unha virtude, non che dar conta de que non entendes algo é un defecto. (Lao Tse)
Mércores, 27 de maio O futuro pertence a quen cre na beleza dos seus soños. (Amelia Earhart)
Martes, 26 de maio O grande obxectivo da educación non é o coñecemento, senon a acción. (Herbert Spencer)
Luns, 25 de maio Son a miña propia musa. Son a persoa que quero mellorar. (Frida Kahlo)
Domingo, 24 de maio A educación non é preparación para a vida, é a vida en si mesma. (John Dewey)
Sábado, 23 de maio O máis extraordinario dun mestre realmente bo, é que vai máis aló dos métodos educativos aceptados. (Margaret Mead)
Venres, 22 de maio A educación é o que sobrevive cando o aprendido foi esquecido. (B. F. Skinner)
Xoves, 21 de maio O maior perigo que nos depara o futuro é a apatía. (Jane Goodall)
Mércores, 20 de maio A educación é o noso pasaporte para o futuro, porque o mañá pertence á xente que se prepara para hoxe. (Malcolm X)
Martes, 19 de maio Son as nosas decisións as que amosan quen somos realmente, máis que as nosas habilidades. (J. K. Rowling)
Luns, 18 de maio Largo é o camiño da ensinanza por medio de teorías; breve e eficaz por medio de exemplos. (Séneca)
Domingo, 17 de maio Ao lado do pozo da vida procuras nela a verdade / Pero a verdade e a vida son unha, e están sobre a terra. / Taladran, sedentos, os ollos só augas e arxilas estériles. (Ricardo Carvalho Calero)
Ten lombo e non anda, follas ten e non é planta, sabe moito e nada fala. SOLUCIÓN
Sábado, 16 de maio Ensinareiche sen berros / O poeta é un mestre sen ira / Levareite ao meu reino / onde te agarda / a bandeira da esperanza. (Luis Pimentel)
A miña amiga e mais eu andamos a un compás, coas pernas para adiante os pés para atrás. SOLUCIÓN
Venres, 15 de maio É feliz o que soñando morre, degraciado o que morre sen soñar. (Rosalía de Castro)
Unha vella cun só dente, chama a toda a súa xente. SOLUCIÓN
Xoves, 14 de maio Ás veces fáltannos palabras / e ás veces sóbrannos. / Ás veces fáltanos o tempo de dicilas / e ás veces pásanos o tempo de calalas. (Baldo Ramos)
Detrás daquel coto, hai un boi xoto (que non é manso), e non hai home nado, nin por nacer, que na súa corte o poida meter. SOLUCIÓN
Mércores, 13 de maio Todas as cousas son imposibles, mentres o parecen. (Concepción Arenal)
Unha velliña engorrumillada, cun tranco no cu e sen unha puntada. SOLUCIÓN
Martes, 12 de maio O verdadeiro heroísmo está en transformar os desexos en realidades e as ideas en feitos. (Castelao)
Capullo sobre capullo, capullo do mesmo pano, se non que cho diga eu, non o acertas neste ano. SOLUCIÓN
Luns, 11 de maio As persoas estamos feitas para levar adiante os proxectos máis fermosos. (Mª Victoria Moreno)
Co gallo do Día das Letras Galegas esta semana dedicaremos o reto a recuperar unha fermosa tradición popular galega: as adiviñas. Que cativa ou cativo non tivo unha avoa que lle facía adiviñas? Estas son as que me levan á miña nenez.
Anda e non ten pés; come, e non ten boca, e toda a comida lle parece pouca. SOLUCIÓN
Domingo, 10 de maio As nenas e os nenos teñen que ser ensinados sobre como pensar, non que pensar. (Margaret Mead)
Sábado, 9 de maio A aprendizaxe nunca cansa a mente. (Leonardo Da Vinci)
Venres, 8 de maio Ás veces sentimos que o que facemos é tan só unha pinga no mar, pero o mar sería menos se lle faltase unha pinga. (Teresa de Calcuta)
Xoves, 7 de maio Aprender sen pensar é esforzo perdido; pensar sen aprender, perigoso. (Confucio)
Mércores, 6 de maio Cando unha porta da felicidade pecha, outra se abre. Pero acostumamos a quedar mirando a porta pechada por tanto tempo, que non vemos a outra que se abriu para nós. (Hellen Keller)
Martes, 5 de maio En educación máis importante que gañar tempo é, precisamente perdelo. (Jean Jacques Rousseau)
Luns, 4 de maio Podes pagar para que a xente ensine, pero non podes pagar para que se preocupen. (Marva Collins)
Domingo, 3 de maio A educación é un acto de amor, por tanto un acto de valor. (Paulo Freire)
Sábado, 2 de maio Culto non é aquel que le máis libros. Culto é aquel que é capaz de escoitar o outro. (Eduardo Galeano)
Busca as 7 diferenzas
Venres, 1 de maio Vostede non pode esperar construír un mundo sen mellorar as persoas. Cada un de nós debe traballar para a súa propia mellora. (Marie Curie)
Xoves, 30 de abril A vida está chea de sorpresas. Tento capturar estes preciosos momentos cos ollos ben abertos. (Sofonisba Anguissola)
Mércores, 29 de abril Non esquezamos que as pequenas emocións son as grandes capitás das nosas vidas e as obedecemos sen darnos conta. (Vincent Van Gogh)
Martes, 28 de abril A maior parte da xente na cidade corre tanto, que non ten tempo de mirar flores. Quero que as miren, queiran ou non. (Georgia O'Keeffe)
Luns, 27 de abril Non nacín aprendido, pero aprendín desde que nacín. (Pablo Picasso)
Domingo, 26 de abril A educación axuda á persoa a aprender a ser o que é capaz de ser. (Hesíodo)
ES QUEN DE ATOPAR O PANDA?
Sábado, 25 de abril Un paxaro non canta porque ten unha resposta, canta porque ten unha canción. (Maya Angelou)
Venres, 24 de abril O coñecemento fala, pero a sabedoría escoita. (Jimi Hendrix)
Xoves, 23 de abril Ser intelectual crea moitas preguntas e ningunha resposta. Podes encher a túa vida con ideas pero aínda así irte só a casa. Todo o que realmente necesitas son sentimentos. (Janis Joplin)
Mércores, 22 de abril É a mesma choiva a que na terra inculta fai crecer silvas e espiños, e nos xardíns, flores. (Ludwig van Beethoven)
Martes, 21 de abril Parte da natureza humana é que non aprende a importancia de nada ata que se nos arrebata algo das nosas propias mans. (Malala Yousafzai)
Se che gustou o taboleiro do día 20, na páxina https://www.epasatiempos.es/ poderás atopar miles de pasatempos de diferentes tipos.
Luns, 20 de abril Hai un libro aberto sempre para todos os ollos: a natureza. (Jean-Jacques Rousseau)
Domingo, 19 de abril Ignoramos a nosa verdadeira estatura ata que nos poñemos de pé. (Emily Dickinson)
Vídeo con preguntas trampa. Pica na imaxe. Pode que tarde un pouco en cargar!
Sábado, 18 de abril Non podo ensinar a ninguén. Soamente podo facerlles pensar. (Sócrates)
Venres, 17 de abril Ignoramos a nosa verdadeira estatura ata que nos poñemos de pé. (Emily Dickinson)
Xoves, 16 de abril As que conducen e arrastran o mundo non son as máquinas, senón as ideas. (Victor Hugo)
Mércores, 15 de abril Non hai barreira, fechadura, nin ferrollo que poidas impoñer á liberdade da miña mente. (Virginia Woolf)
Martes, 14 de abril Se non cambias de dirección, podes rematar onde comezaches. (Lao Tse)
Luns, 13 de abril O poder de cuestionar é a base de todo progreso. (Indira Ghandi)
Domingo, 12 de abril Non é o que che acontece, senón como reaccionas, o que importa. (Epíteto)
Sábado, 11 de abril Dádelle aos nenos a liberdade de escoller o seu traballo, de decidir o momento e o ritmo deste traballo, e todo cambiará. (Célestine Freinet)
Venres, 10 de abril As persoas que pensan que non son capaces de facer algo, non o farán nunca, aínda que teñan as aptitudes. (Indira Ghandi)
Xoves, 9 de abril Calquera axuda innecesaria é un obstáculo para o desenvolvemento. (María Montessori)
Mércores, 8 de abril No medio da dificultade escóndese a oportunidade. (Albert Einstein)
Martes, 7 de abril O único que tes e que ninguén posúe es ti mesmo. A túa voz, a túa mente, a túa historia, a túa visión. De modo que escribe e debuxa e xoga e baila e vive coma soamente ti podes facelo. (Neil Gaiman)
Luns, 6 de abril A educación é a arma máis poderosa para cambiar o mundo. (Nelson Mandela)
|
||||||
 |
ANPA
Aula Virtual
|
|
Normativa EDIXGAL
|
|
||||||||||
