Ao longo deste curso que está a punto de rematar os nenos e nenas de Reli seguimos coa nosa investigación a cerca do Ciclo Litúrxico. Despois do Tempo de Nadal entramos nun período de Tempo Ordinario que aproveitamos para coñecer as vestimentas litúrxicas que utilizan os sacerdotes ao longo do ano, e aprendimos moitas cousas: como son, cando se utilizan, a súa orixe, o significado..... Recollimos o noso traballo nus libriños que vos mostramos a continuación

Despois chegou o Tempo de Coresma, Semana Santa e Pascua. Para celebrar o tempo de Pascua fixemos un cadriños sobre a Resurrección de Xesús:

Despois adicamos un ratiño a explicar o Día de Pentecoste, que é o día no que remata o Tempo Pascual e fixemos estas tarxetas

onde recollemos dous dos símbolos máis coñecidos asociados con esta data na cultura cristiá: unha pomba branca representando ao Espirito Santo e as linguas de lume como representación da súa forza.

Para rematar esta viaxe nos centramos no Día de Corpus Christi, e fixemos unhas tarxetas conmemorativas:

E así rematou o noso percorrido polo ano litúrxico, esperamos que vos guste moito o noso traballo. Moitos biquiños e ata a próxima!

Os nenos e nenas do CRA de Rianxo dende a área de Relixión tamén nos sumamos á defensa do medio ambiente. Partindo dos textos bíblicos sobre a Creación, nos embarcamos nunha actividade de carácter ecolóxico. A través dos relatos da Biblia contemplamos o mundo como un agasallo de Deus que é necesario coidar e mimar.

Así pois decidimos axudar ao noso amigo o Capitán Planeta na defensa do medio ambiente e fixemos unha actividade onde aprendemos a coidar as nosas praias.

 Praia da Torre

 Praia de Tanxil

En asamblea partindo das fotografías de dúas das praias máis importantes de Rianxo: a Praia de Tanxil e a Praia da Torre, comentamos o importante que son as praias nas nosas vidas xa que son lugares que nos proporcionan tanto diversión como recursos, son sitios nos que nos podemos ir bañar, tomar o sol, xogar coa area... pero tamén son ecosistemas que debemos coidar e respetar, que forman parte do mar que nos proporciona tantos productos como o peixe ou o marisco.

Partindo de todo o que falamos decidimos eleborar uns carteis ecolóxicos coas fotos das nosas praias. A profe Celia tróuxonos á clase debuxos para colorear e recortar, onde aparecían todos os elementos para crear unha praia coidada e ecolóxica, unha praia onde os nenos e nenas se poidan divertir e ao mesmo tempo se respeten os seres vivos e se recolla e recicle a basura que se poida producir.

Así pois puxémonos a traballar todos xuntos para elaborar os carteis. Primeiro coloreamos todos os debuxos:

Despois os fomos recortando entre todos:

E por último utilizando unha cartulina como base compuxemos os nosos carteis:

Este foi o resultado aquí tendes un exemplo de como nos quedaron:

Despois colgamos os nosos carteis nun lugar visible da aula para lembrarnos do importante que é coidar do noso entorno máis próximo. Con esta actividade non só aprendimos moitas cousas sobre a Creación de Deus, senón que tamén desenrolamos a nosa conciencia ecolóxica, falando e explicando o importante que son as praias no desenrolo da nosa comarca, do importante que é non enlixar os lugares da nosa contorna e como podemos facer para evitalo. E por outra parte practicamos o aprendizaxe colaborativo, traballando todos xuntos aprendemos a querernos e respetarnos, compartindo material, escoitando as opinións dos demáis e axudándonos uns aos outros para levar a cabo unha tarefa común.

A continuación podedes ver as galerías de imaxes da actividade:

Galería 1 (Cuvide, Cruceiro e Pazo)

Galería 2 (Capela, Quintáns e Rañó)

Bueno pois coma sempre esperamos que vos gustase moito o noso traballo, moitos, moitos bicos dos nenos e nenas de Relixión. Ata a próxima!

Nos próximos días os cátolicos de todo o mundo imos celebrar a Semana Santa, datas de recollemento onde lembramos a paixón e a morte de Xesús. Estas datas culminan no Domingo de Pascua, día no que, segundo nos contan os evanxeos, conmemoramos a Resurrección de Xesús. Este é un día moi feliz para todos os cristiáns e dende fai moitos séculos, un día onde  se agasalla aos amigos e os nenos e nenas con doces e xoguetes.

Aos nenos de Relixión encántanos facer agasallos para as nosas familias polo que este ano decidimos elaborar unhas tarxetas de "Felices Pascuas" para celebrar a festa da Pascua. Como debuxo central escollemos ovos e coelliños. Aquí tendes uns exemplos do noso traballo:

Nestes días nas escolas tamén traballamos a Semana Santa e as procesións, nalgunhas nos deu tempo a debuxar os nazarenos. Ahí van algúns exemplos.

Os nenos e nenas de 2º de Primaria dentro do noso proxecto do Ciclo Litúrxico tamén fixemos unha felicitación de Pascua especial, a fixemos a modo de Cirio Pascual. mirade que bonitos nos quedaron:

Para rematar como tamén íamos levar para a casa as cousiñas que fixemos polo día da Paz, a profe Celia preparounos un sobre feito con folios de cores, onde metimos os nosos traballos para levar para a casa:

Bueno pois todo isto fixemos antes de comezar coas vacacións de Semana Santa, a continuación podedes ver a galería de imaxes destas actividades.

Esperamos que vos guste moito o noso traballo, moitos bicos dos nenos e nenas de Relixión do CRA, e FELICES PASCUAS PARA TODOS E TODAS!

CURIOSIDADE:

Sabedes cal é a orixe do Coelliño de Pascua? Pois contan as lendas cristiás que no sepulcro onde foi depositado o corpo de Xesús había un tobo de coellos, e cando Xesús volveu a vida os coelliños estaban alí mirando, polo que se convertiron nos primeiros testigos da Resurrección, de ahí xurde a súa fama, e por iso é costume agasallar aos nenos e nenas non só con ovos senón tamén con coelliños de pascua feitos de chocolate. Na nosa terra a tradición é agasallar con rosca ou roscón de Pascua, dende Relixión animámosvos a seguir conservando esta tradición. Moitos bicos.

Esta mañá mentres estabamos na clase de Relixión na escola de Quintáns tivemos un curioso visitante, queredes saber de quen se trata?

Pois síiiiiiii! acertáchedes, veunos visitar o noso amigo o Arco da Vella, vímolo pola fiestra mentres traballabamos e llo ensinamos a profe Celia

Estaba precioso e se vía moi ben, e como nos gustou tanto decidimos compartir estas imaxes con todos vós. Esperamos que vos gusten, moitos bicos dos nenos e nenas de Quintáns.

A Virxe da Candeloria é unha festa relixiosa que se celebra o día 2 de febreiro.  Consiste  na bendición  das candeas que despois serán utilizadas na celebración da Semana Santa.

Neste día, o crego vendí as candeas que a xente mantén acesas durante a misa e que logo levan para a casa.  Esta festa está relacionada coa Purificación da Virxe María e a Presentación do neno Xesús no templo, o nome de Candeloria está orixinado pola procesión realizada dentro da igrexa coas candeas bendicidas.

Pero ao igual que ocorría coa festa do San Martiño, esta é unha festa relixiosa que se entremezcla coas tradicións populares. En Galiza  a Candeloria significaba o final do inverno e o comezo do ano agrícola. De modo que a candea que se acendía en cada lar para conmemorar esta data simbolizaba o regreso da luz. O seu significado propiciatorio foi recoñecido en toda a Cristiandade Occidental, e as candeas que os devotos levaban á igrexa para que as bendecira o sacerdote na misa dese día, considerábase que adquirían poderes sobrenaturais para afastar aos malos espíritos, ás treboadas e tamén para axudar a calquera nun trance difícil.

Por todos este motivos a linguaxe popular galega ten moitos ditos e refráns relacionados coa festa da Virxe da Candeloria, como por exemplo:

Algúns referidos á climatoloxía:

“Cando a Candeloria chora, medio inverno vai fóra; que chore, que deixe de chorar, a metade do inverno está por pasar”.  

Algúns referidos ao comezo da primavera, como o día en que se casan os paxariños:

 “A partir da Candeloria, ningunha ave voa soa”.

E algúns referidos ao encantamento das cobras, xa que nalgunhas comarcas se cría que invocando o poder da Virxe podíase manter lonxe dos campos calquera tipo de serpe:

“Santa Candeloria me ampare esta cobra”

Pois de todo isto falamos na clase de Reli e despois pintamos uns debuxos da Virxe da Candeloria que esperamos vos gusten moito:

Os máis pequechos pintamos este:

Os máis maiores pintamos este:

Feliz día da Candeloria 2014. Moitos bicos e ata a próxima!

Este ano polo Día da Paz os nenos e nenas de Reli de Primaria decidimos elaborar unhas tarxetas conmemorativas para compartir coas nosas familias. En solidaridade con todos os nenos e nenas do mundo que sufren e que pasan necesidade, enviamos os nosos desexos de amor e paz para que todo o que vai mal no mundo se arranxe e todos podamos vivir en paz e con dignidade.

Nesta actividade traballamos dende o punto de vista emocional a empatía hacia os nosos semellantes. Na portada da nosa tarxeta estampamos a nosa man mollada en pintura blanca para crear a silueta dunha pomba, unimos deste xeito dous símbolos da paz tan importantes. Despois dentro da tarxeta felicitamos o Día da Paz a todo o mundo e escribimos os nosos desexos cargados de emocións:

Desexámosvos un feliz Día da Paz 2014. Se queredes ler máis desexos a continuación tedes a galería de imaxes, moitos biquiños e ata a próxima!

Como cada ano o día 30 de xaneiro celebramos o Día Mundial da Paz, este ano os nenos e nenas de Reli reflexionamos a cerca dos distintos símbolos que se usan neste día e do seu significado.

Deste xeito xurdiu a man como símbolo de concordia e de unión entre todos os homes e mulleres do mundo. Así pois fixemos unhas Manciñas da Paz, onde a man representa ao mundo e os dedos representan ás distintas razas da humanidade vivindo unidas en paz, un mundo no que a paz e o respeto entre todas as culturas e crenzas sexa posible.

Esperamos que vos gustase o noso traballo. Feliz Día da Paz 2014. Ata a próxima!

Un dos conceptos máis importantes dos valores cristiáns é a Paz. Como cada ano os nenos e nenas de Reli conmemoramos o Día da Paz a través de diversas actividades, este ano empezamos traballando sobre un conto titulado:

La bruja enfadada, J. Sennell , ed. Círculo de Lectores

A través da lectura deste conto, reflexionamos sobre o comportamento dos seus persoaxes e  decubrimos que a violencia nunca sirve para nada , excepto para facerlle dano aos demáis. Traballamos dende o punto de vista emocional as consecuencias negativas que conleva deixarse levar polo enfado e a ira que tan ben se reflicten nesta historia. Para rematar fixemos a nosa propia versión do conto:

A BRUXA ANOXADA

Unha vez unha bruxa chamada Damedá que vivía no Poboado das Bruxas, iba paseando pola praza do pobo cando se atopou cunha receita tirada no chan.

Sen preguntar de quen era foise para a súa cova e comezou a elaborala. Era a receita do mexunxe verde que lle fai crecer o nariz a xente.

Tivo que ausentarse un instante da cociña para ir buscar un ingrediente á despensa, pero cal non sería a súa sorpresa cando ao voltar á cociña atopouse a ola rota e o mexunxe tirado polo chan.

Entón, moi anoxada, colleu na man un anaco da ola rompida e saiu a rúa berrando.

A bruxa máis bruxa de todas que ademáis era a bruxa que máis mandaba mandou poñer a todas as bruxas cos pes para arriba para averiguar quen lle rompera a ola a Damedá, posto que quen o fixera tiña que ter as solas dos zapatos manchadas de verde.

Era a bruxa Trastarrota que contou que lle rompera a ola porque Damedá lle roubara a receita,

e o soubo nada máis pasar por diante da súa cova cando lle chegou o cheiro do mexunxe que saía pola fiestra.

As dúas bruxas empezaron a berrar coma tolas: 

Entón a bruxa que máis mandaba lles dixo que berrando non ían a solucionar nada, só iban a conseguir facerse dano:

Como as bruxas non deixaban de berrar a bruxa que máis mandaba lles propuxo unha solución, que Damedá lle devolvera a receita a Trastarrota e que Trastarrota lle dera a súa ola a Damedá. 

 As bruxas decidiron facer as paces, pero estaban tristes porque ningunha das dúas podía facer o mexunxe verde, unha porque non tiña a receita e a outra porque non tiña ola:

 Pero a bruxa que máis mandaba lle dixo que se a facían as duas xuntas poderían ter mexunxe verde sempre que quixeran. E así o fixeron:

As dúas bruxas puxéronse moi contentas e se fixeron moi amigas, descubriron que a violencia nunca sirve para nada só para facer dano, e que falando e respetando aos demáis todos os problemas teñen solución. 

FIN

Bueno esperamos que vos gustase o noso conto, moitos biquiños e ata a próxima! Deixámosvos ca galería de imaxes da actividade:

Os nenos e nenas de 2º de Reli decidimos elaborar unha Coroa de Advento para conmemorar o 1º Tempo do Ciclo Litúrxico que estamos a traballar este ano. Na actividade de Candeas de Advento xa explicamos a orixe desta tradición pero queríamos que contemplasedes unha coroa de Advento enteiriña, así que este foi o resultado:

Nos deron un pouco de traballo pero esperamos que vos gusten tanto coma a nós. Un biquiño e ata a próxima!

Ao longo deste curso estamos desenvolvendo no CRA un proxecto a cerca das celebracións, os nenos e nenas de 2º de Relixión pensamos que sería interesante facer un percorrido polas celebracións relixiosas, e así nos lanzamos a aventura de coñecer mellor o ano relixioso e as súas datas máis importantes.

Por iso o primeiro que fixemos foi elaborar un calendario litúrxico:

En segundo lugar decidimos facer un cadro do ciclo litrúrxico:

O ciclo litúrxico representa o ano cristián e as súas celebracións principais, ao longo da nosa investigación vamos descobrindo moitas cousas interesantes, como por exemplo, que o seu inicio non coincide co do ano en xaneiro, senón que se inicia a primeiros de decembro, ou que se divide en tempos, e cada tempo está asociado a unha cor, ou que as vestimentas dos sacerdotes varían según esas cores...  bueno seguimos investigando, mentres tanto esperamos que vos gustase o noso traballo, moitos biquiños e ata a próxima!