Skip to Content

MENU COMEDOR DECEMBRO

Xov, 12/05/2019 - 14:28

DIA DA INFANCIA

Xov, 11/28/2019 - 14:42

O pasado día 20 de novembro conmemoramos o DIA DA INFANCIA. 

Días antes foise falando dos dereitos dos nenos e se os teñen en conta nos paises do mundo que estudiamos en cada nivel educativo este curso: Kenia, Estados Unidos, Groenlandia, Grecia, China, Rusia, Cuba, Exipto e Francia.

 

O resultado das conclusións recolleuse no taboleiro do colexio. Podédelo ver aquí...

 

 

 

DÁLLE PASAPORTE Á VIOLENCIA

Mér, 11/27/2019 - 11:56

"DÁLLE PASAPORTE Á VIOLENCIA"

O pasado 25 de novembro conmemoramos o día da erradicación da violencia contra a muller. O noso lema de traballo para ese día foi "Dálle pasaporte á violencia". Para iso, cada grupo de clase buscou unha palabra ou frase sobre o tema. Algunhas desas palabras ou frases foron: "Pensa, contrólate, detente. A vida non é un xogo", "Para vivir en paz e harmonía, respectémonos", "Non fales de malas formas. Non insultes xamais. Non queremos a violencia", "A violencia non é un xogo: non xogues con ela! ou "Ser mais tolerantes. Ter respeto polas persoas e as súas opinións".

Ese día rematamos a xornada cantando todos a canción de Amaral: "Salir corriendo".

 

MENÚ NOVEMBRO

Lun, 11/11/2019 - 17:07

Pesadelo no CEIP de Curtis

Mar, 11/05/2019 - 10:02

As nenas e nenos de 4º de EP do CEIP de Curtis, aproveitando estas terroríficas datas, presentámosvos a nosa curta "Pesadelo no CEIP de Curtis". Animádevos a vela.

 

  

No CEIP de Curtis celebramos o magosto!

Dom, 11/03/2019 - 21:51 — Anónimo

Durante os días pasados, alumnos e familias afanáronse por adornar as súas cabazas con detalles relacionados co tema do proxecto de centro deste curso: Un conto, unha maleta. Así, cada grupo de alumnos de nivel mostrou representacións dos respectivos países a coñecer. Velaquí as mostras do seu traballo. 

Así mesmo, o mércores 30 de outubro, festexamos o magosto con dous acontecementos moi proveitosos.

Por un lado, degustamos o asado de castañas, todos xuntos, grandes e pequenos, grazas ao castañeiro que nos acompañou neste día.  

 Por outro lado, desfixémonos dos pesares e das teimas que días antes botáramos á gran caixa dos medos. E, como se dun ritual se tratase, queimámolo todo. 

 

Excursión 4º, 5º e 6ºEP

Mér, 10/30/2019 - 16:21 — Anónimo

Os alumnos de 4º, 5º e 6º de educación primaria, asistimos ao MUPEGA e a unha obra de teatro no auditorio A BANCA, en Santiago de Compostela, o pasado 29 de outubro.

 No MUPEGA puidemos coñecer a historia do ensino en Galicia dende o século XIX e poñer en valor o patrimonio educativo dos galegos e as galegas.

No auditorio ABANCA, gozamos dun espectáculo novidoso que pretende explicarnos as consecuencias negativas que pode ter conectarse a páxinas de internet das que descoñecemos o que pretenden. Desta maneira as personaxes interpretaban a situación dun adolescente que se introduce no mundo virtual das apostas, deixa as mensaxes de WhatsApp abertas e máis problemas que lle complican a súa vida cotiá.

Inauguramos a biblioteca!

Lun, 10/28/2019 - 10:30

No noso cole coincidindo co día da biblioteca, o 24 de outubro, inauguramos o proxecto "Un conto, unha maleta". Aproveitemos para expoñer, por cursos, representacións de contos relacionados con cada país do proxecto de centro.

Empezamos escoitando "viaxando a Kenia", logo chegamos ata Estados Unidos a través do conto "Pequeno xigante" e camiñamos cara o norte prestando atención ao poema “Groenlandia”. A nosa viaxe continuou mediante “Hércules e o Xigante”, “O nacemento do dragón” e “Matrioska”. Dirixímonos de novo ao continente americano para saber cal foi “el primer baile del hombre”, a continuación unha momia asustounos a través do “conto da momia”. Tamén descubrimos “o noso principiño” e rematamos a viaxe con “Cirilo e a grulla”.

Podedes adiviñar a que países viaxamos a través do título dos nosos contos?

 

A toupiña que quería saber quen lle fixera alquilo na cabeza

Mér, 10/16/2019 - 14:27 — Anónimo

As nenas e nenos de Educación Infantil asistimos a unha representación teatral o luns 14 de outubro. Acudimos ao Centro Sociocultural de Santa Marta, en Santiago de Compostela. Que ben o pasamos vendo “A toupiña que quería saber quen lle fixera aquelo na cabeza”, a cargo da compañía Galicreques.

 

Reunión inicio de curso

Ven, 10/04/2019 - 09:00

Estimadas familias, convocamos as reunións de inicio de curso por niveis do seguinte xeito:

  • Luns, 7 de outubro: Educación Infantil, ás 17:00 horas.
  • Luns, 14 de outubro: 1º e 2º de Educación Primaria, ás 15:00 horas.
  • Luns, 14 de outubro: 3º e 4º de Educación Primaria, ás 16:00 horas.
  • Luns, 14 de outubro: 5º e 6º de Educación Primaria, ás 17:00 horas.
Distribuir contido


by Dr. Radut