Comunicados
DATAS DE FORMALIZACIÓN DE MATRÍCULA
O alumnado e familias deberán formalizar a matrícula para o vindeiro curso 20-21 segundo o seguinte calendario (horario de atención ao público 10:00-13:45)
Alumnado que vaia cursar
1º ESO (Apelido da A á L) : 22 de xuño (Apelido da M á Z) : 23 de xuño
(documentación a aportar: fotocopia DNI alumno , fotocopia DNI pai e nai, 2 foto actuais, 5 selos de tarifa A)
2º ESO (Apelido da A á L) : 26 de xuño (Apelido da M á Z) : 29 de xuño
(documentación a aportar: fotocopia DNI alumno, 1 foto actual, 5 selos de tarifa A)
3º ESO (Apelido da A á L) : 30 de xuño (Apelido da M á Z) : 1 de xullo
(documentación a aportar: fotocopia DNI alumno, 1 foto actual, 5 selos de tarifa A, resgardo abono seguro escolar)
4º ESO (Apelido da A á L) : 3 de xullo (Apelido da M á Z) : 6 de xullo
(documentación a aportar: fotocopia DNI alumno, 1 foto actual, 5 selos de tarifa A, resgardo abono seguro escolar)
1º BAC (Apelido da A á L) : 7 de xullo (Apelido da M á Z) : 8 de xullo
(documentación a aportar: fotocopia DNI alumno, 2 foto actuais, 5 selos de tarifa A, resgardo abono seguro escolar)
2º BAC : 9 de xullo
(documentación a aportar: fotocopia DNI alumno, 1 foto actuail, 5 selos de tarifa A, resgardo abono seguro escolar)
Lembramos que o día 10 de xullo é festivo en Negreira, polo que a data límite de confirmación de matrícula pasa a ser o luns 13 de xullo.
O día de recollida de cualificacións (25 de xuño) o alumnado que aprobe todas as materias en xuño recibirá os sobres de matrícula dos seus titores con todos os impresos para cumplimentar.
A partir de 3º ESO hai que aboar o Seguro Escolar obrigatorio.
IMPRESOS DE MATRÍCULA
(Publícanse a modo informativo. O SOBRE DE MATRÍCULA FACILITARASE NO CENTRO. O alumnado que entra en 1º de ESO ten dispoñible tamén o sobre de matrícula no CEIP O Coto)
4º ESO (Ensinanzas académicas)
O alumnado dos ciclos medio e superior que pasa para 2º curso ou repite 2º curso formalizará a súa matrícula de xeito presencial no centro o día 2 de xullo, de 10:00 a 13:30 da mañá.
Documentación a presentar:
- Fotocopia do DNI
- Resgardo do pago de seguro escolar
- Impresos cubertos
En caso de non poder acudir ese día lembre que o prazo de matrícula remata o día 8 de xullo as 13:00
NOTA: O alumnado que desexe matricularse en 1º ou repita ese curso debe seguir os pasos do proceso de admisión. O prazo será do 25 de xuño ata o 8 de xullo ata as 13:00 horas. (IR Á PÁXINA DA CONSELLERÍA).
As clases rematarán o día 19 de xuño.
O día 22 e 23 terán lugar as sesións de avaliación e o día 23 pola tarde recibirán as cualificacións no seu teléfono móbil por medio da aplicación Abalar Mobil
Aproveitando que estamos en situación de nova normalidade consideramos conveniente que os compañeiros de clase e os titores poidan reunirse de novo e despedirse. Polo tanto o día xoves 25 de xuño terá lugar a entrega física dos boletíns de notas e consellos orientadores por parte dos titores/as de acordo co horario da táboa que se adxunta. Ese mesmo día o alumnado que tivera libros de texto prestados polo instituto (libros do Fondo Solidario de libros ou outros de departamentos) procederá a súa devolución. (Lembramos que a correcta devolución dos libros prestados este ano é condición indispensable para poder participar no fondo solidario de libros do vindeiro curso).
O prazo de presentación de reclamacións ás cualificacións será os días 25 e 26 de xuño.
HORA E LUGAR PARA PROCEDER Á ENTREGA DE BOLETÍNS DE CUALIFICACIÓNS E DEVOLUCIÓN DOS LIBROS DO FONDO LIBROS. XOVES 25 DE XUÑO
O alumnado de cada grupo chegará puntualmente, desinfectará as mans e esperará fora con mascarilla e gardando a distancia de seguridade. A hora prevista se dirixirá ao salón de actos ou ximnasio segundo lle corresponda levando os libros de texto. A saída será polo pasillo de ciclos e parking traseiro.
Informamos que todo o alumnado que solicitou admisión neste centro resultou admitido
O alumnado que deba acudir ao centro a entregar a solicitude de participación no fondo solidario de libros de texto, recoller material escolar que deixara no centro ou teña que devolver a chave e recuperar a fianza das taquillas deben seguir as instruccións adxuntas:
Con elas trátase de escalonar a presencia das familias no centro e evitar aglomeracións e viaxes innecesarias.
Instrucións para solicitar o Fondo Solidario de libros de texto
Formulario precuberto de exemplo
Calendario cos días que debe acudir o alumnado de cada curso
É obligatorio o uso de mascarilla, desinfectar as mans con xel hidroalcohólico ao entrar, gardar as distancias de seguridade e seguir as indicacións do persoal do centro. Agradecemos a colaboración do alumnado e das familias para levar a cabo este proceso.
O alumnado que levara libros en préstamo da Biblioteca tamén pode aproveitar para devolvelos.
POLO TANTO, A SEMANA QUE VEN VIRÍA POLO CENTRO:
Luns 8 de xuño: Alumnado que se incorporará a 1º de ESO con primeiro apelido que comence con coas letras H-P
Martes 9 de xuño : Alumnado que se incorporará a 1º de ESO con primeiro apelido que comence con coas letras Q-Z
A partir do mércores acudirá o alumnado de 4º ESO que teña que recoller material ou devolver libros da biblioteca
A avaliación final ordinaria de 2º de bacharelato terá lugar o vindeiro luns día 8 de xuño, e as notas serán recibidas polo alumnado ou os seus representates legais por medio da aplicación Abalar ás 20:00 horas deste mesmo día.
A partir dese momento poden poñerse en contacto co seu profesorado, vía correo electrónico, para solicitar aquelas aclaracións que consideren oportunas.
Se considerasen que éstas non son suficientes, o prazo de reclamacións oficiais será de dous días (10 e 11 de xuño de 2020, ata as 14.00 horas), durante os cales deberán presentar escrito, preferentemente por correo electrónico, ante a dirección do centro. A este efecto poden atopar o impreso de reclamacións na páxina web do IES (no apartado: FORMULARIOS DE RECLAMACIÓNS). Descargarán e cubrirán o impreso e o enviarán ao correo electrónico ies.xulian.magarinos@edu.xunta.es dentro dos plazos establecidos. A dirección do centro someterá as reclamacións á consideración do departamento correspondente, que emitirá unha resolución motivada, seguindo as instrucións publicadas pola Consellería e que poden atopar no mesmo apartado da web do centro.
A Dirección
Seguindo as instruccións da Consellería de Educación, Universidade e Formación profesional os departamentos didácticos e equipos docentes do IES Xulián Magariños adaptaron as programacións didácticas de cada materia e curso ás excepcionais circunstancias presentes.
Nos arquivos adxuntos poñemos á disposición do alumnado e familias ditas adaptacións, que inclúen os estándares de aprendizaxe e competencias imprescindibles, os instrumentos e procedementos de avaliación da terceira avaliación e o procedemento seguido para a obtención da cualificación final na convocatoria ordinaria de xuño.
NOTA: Detectouse un erro na P.D. do departamento de Bioloxía. Na páx. 54 onde pon 1º BAC debería ser 2º BAC e onde pon Bioloxía e Xeoloxía debería ser Bioloxía.
nota: Aqueles arquivos que o navegador non abra directamente son arquivos comprimidos .ZIP. Pode descargalos e descomprimilos no seu ordenador.
RESTABLECEMENTO DO PRAZO PARA PRESENTAR SOLICITUDE DE ADMISIÓN EN CENTROS SOSTIDOS CON FONDOS PÚBLICOS (do 11 ao 18 de maio)
O TRÁMITE PÓDESE FACER TELEMÁTICAMENTE. EN CASO DE TER QUE ACUDIR AO CENTRO PRÉGASE O USO DE MASCARILLA.
A aplicación ‘admisionalumnado’ (https://www.edu.xunta.es/admisionalumnado) posibilita que os proxenitores cubran a solicitude na aplicación, marquen os criterios do baremo que, chegado o caso, queiran que se lles valoren, e poidan presentala por vía electrónica a través da propia aplicación.
FASE 2. PROCESO DE ADMISIÓN (EN VIGOR )
Para o alumnado que non está matriculado neste centro nin nos centros adscritos o proceso de admisión que comenzou o día 1 de marzo, reanudarase o 11 de maio e rematará o 18 de maio.
A presentación de documentación acreditativa dos baremos será ata o 26 de maio, a publicación de listaxes provisionais de admitidos e non admitidos antes do 9 de xuño con 3 días para presentar reclamacións e a listaxe definitiva de admitidos antes do 26 de xuño.
A formalización da matricula do 1 ao 10 de xullo e en periodo extraordinario do 1 ao 10 de setembro.
FASE 1. RESERVA DE PRAZA (REMATADA)
Para alumnado do centro adscrito (CEIP O Coto) . Prazo : do 1 ao 17 de febreiro
IMPORTANTE: Lémbraselles ás persoas que tramiten a solicitude de reserva de praza ao centro adscrito que ese proceso é unha solicitude de admisión. Si logo, no período do 1 ao 20 de marzo, desexan presentar outra solicitude de admisión diferente, terán que presentar de forma expresa e inequívoca renuncia a esta solicitude de reserva de praza ao centro adscrito antes do 1 de marzo, do contrario incurrirán en duplicidade.
Postos escolares ofertados e vacantes:
| CURSO | Prazas ofertadas | Vacantes |
| 1º ESO | 90 | 22 |
| 2º ESO | 90 | 25 |
| 3º ESO | 90 | 31 |
| 4º ESO | 90 | 43 |
| 1º BAC CIENCIAS | 33 | 9 |
| 1º BAC HHCCSS | 33 | 9 |
| 2º BAC CIENCIAS | 33 | 17 |
| 2º BAC HHCCSS | 33 | 10 |
Ligazón á aplicación da Consellería de Educación para cubrir a solicitude
NOTA INFORMATIVA
Cada alumno só pode presentar unha única solicitude no centro no que solicite praza en primeiro lugar; a infracción determinará a perda dos dereitos de prioridade que poidan corresponderlle.
O alumnado que ten garantía de permanencia nun centro, se presenta solicitude de admisión noutro distinto deberá comunicalo, ao mesmo tempo, ao centro de orixe.
NORMATIVA REGULADORA DO PROCESO DE ADMISIÓN
- Páxina web da Consellería con toda a información sobre o proceso de admisión
- Decreto 254/2012 do 13 de decembro polo que se regula o proceso de admisión en centros docentes sostidos con fondos públicos
- Orde do 12 de marzo de 2013 que desenvolve o proceso de admisión
- Orde de 25 de xaneiro de 2017 polo que se modifica a orde anterior
INFORMACIÓN SOBRE ESTE CENTRO
O proxecto educativo, as Normas de organización, funcionamento e convivencia, o plan de actividades complementarias e extraescolares e outros documentos de interese poden consultalos na nosa web nesta ligazón.
Poden seguir o día a día do noso centro nesta web e no noso espazo nas redes sociais (Facebook)
A Universidade de Santiago de Compostela (Campus de Lugo e Santiago) non quere deixar de acercarse ó estudantado de secundaria e está organizando os "Encontros Virtuais" orientados á estudantes de secundaria e as súas familias e, por extensión, a toda a sociedade.
Os "Encontros Virtuais" da USC, terán lugar a vindeira semana, os días 6, 7 e 8 de abril (luns, martes e mércores de Semana Santa), a través da Web da USC.
Esta páxina Web estará dispoñible dende o sábado, día 4 de abril, na dirección
https://www.usc.gal/gl/encontros-virtuais
A través desta páxina os alumnos e alumnas encontrarán:
o Presentacións das titulacións
o Obradoiros, Retos, etc.
o Opinión de alumnos/as sobre a titulación
o Pílulas relacionadas coa titulación
o Concursos
o Unha VIDEOCONFERENCIA para cada titulación
O estudantado terá un enlace para interactuar por VIDEOCONFERENCIA cos/as responsables da titulación para aclarar as súas dúbidas. No enlace indicaranse os horarios de cada unha das videoconferencias.
Segundo as Instrucións do 27 de marzo, dirixidas ás direccións dos centros educativos sobre a concreción de medidas a adoptar en relación coa avaliación do segundo trimestre, informamos ás familias do noso alumnado que o vindeiro día 3 de abril se procederá ao peche das actas de avaliación. O profesorado non poderá considerar avaliables as actividades relacionadas con contidos curriculares posteriores á data da declaración do estado de alarma, deben de facelo unicamente co traballo desenvolvido ata dita data.
As familias recibiredes na aplicación AbalarMóbil os resultados da dita avaliación.
No caso do alumnado de 2º curso de SMR e de ASIR, e para facilitar a realización de exames de recuperación, as actas pecharanse o día 17, polo que ese día se recibirán ás notas, tamén por medio da aplicación AbalarMóbil.
A DIRECCIÓN
