Últimas novas
PRIMICIA MUNDIAL !
O alumnado de 1º de bacharelato coordinado pola profesora María Dolores Rodríguez Pazo presenta o seu proxecto solidario
Magariño's chefs - Cociñeiros do Magariños
Un libro de receitas propio, en galego e inglés, con cuxa venda pretenden axudar á investigación e tratamento de enfermidades raras. Tanto o alumnado como o resto de persoas que colaboraron na edición do libro o fixeron de maneira totalmente altruista.
O prezo de venda ao público será de 10€ que serán doados na súa totalidade a FEGEREX (Federación Galega de Enfermidades Raras e Crónicas)
Esperamos que vos guste e vos decidades a axudar mercando o libro que xa está dispoñible na librería SIMBA de Negreira (a quenes agradecemos de corazón a súa colaboración) e na conserxería do instituto.
Noraboa a alumnado e profesora por esta marabillosa iniciativa e grazas a todos os que vos animedes a colaborar.
Xa está plenamente operativo nesta web o Punto Laranxa Virtual contra o acoso escolar.
Non quedes calad@. Escoitámoste!
Loitemos xuntos contra o acoso e ciberacoso!
Se ves ou coñeces algún caso de algún compañeiro ou compañeira que está sufrindo podes enviar a túa mensaxe, de xeito anónimo, para que poidamos actuar inmediatamente.
Estrenamos nova iluminación no pavillón polideportivo do IES Xulián Magariños. Luminarias LED de alta eficiencia que nos aportan mais luminosidade e un importante aforro enerxético. Esta actuación forma parte do noso plan de mellora da eficiencia enerxética.
#aforraenerxia
Publicouse a Orde de 4 de xaneiro de 2024 da Consellería de Cultura, Educación, Formación Profesional e Universidades sobre o uso dos teléfonos móbiles e dispositivos electrónicos nos centros educativos. Pódese consultar na seguinte ligazón:
https://www.edu.xunta.gal/portal/sites/web/files/20240104_orde_uso_mobiles_asinada.pdf
Dita orde establece un protocolo básico para o uso de teléfonos móbiles e outros dispositivos electrónicos. En particular, recolle que non se permitirá o uso dos mesmos durante a xornada escolar. Esta prohibición aplícase a periodos lectivos e non lectivos (recreos, entradas e saídas e actividades complementarias e extraescolares).
CAMPAÑA DE COLABORACIÓN CONTRA A CONTAMINACIÓN POR ACEITES
O IES Xulián Magariños vai ser BIOESCOLA e colaborará na recollida e reciclaxe de aceites usados de cociña en colaboración coa empresa de reciclaxe galega ARIOIL. A empresa instalou un contenedor adecuado para a recollida de aceite de cociña usado en botellas de plástico, procedente das casas dos alumnos. Posteriormente valorarase económicamente o aceite recollido, para axudar á financiación de actividades extraescolares como a viaxe de 4º ESO. Ademáis participamos no concurso no que o centro que máis aceite usado recicle por ratio de alumnado, recibirá un premio de 500 euros.
O ACEITE DE COCIÑA USADO ¿RESIDUO ou RECURSO?
Oaceite de cociña é un recurso fácilmente reciclable , pero como residuo, se non se separa correctamente é moi contaminante xa que dificulta enormemente o traballo eficaz das plantas de tratamento de augas residuais e vertido sen control crea unha película flotante sobre a lámina de auga que impide a súa osixenación. Cos aceites de cociña recollidos, e tras os tratamentos axeitados, obtense unha materia prima para a produción principalmente de biodiesel ecolóxico, xabóns, deterxentes, fertilizantes, pinturas, vernices, etc., xerando así unha actividade económica sostible e reducindo a dependencia dos combustibles fósiles.
¿COMO PODEMOS COLABORAR?
Traendo o aceite de cociña usado da túa casa, nunha botella de plástico resistente, limpa e ben pechada. Pode ser en botellas de 1L ata garrafas de 5 L. Por favor, exclusivamente aceite de cociña alimentario usado.
Hoxe celebramos o noso tradicional Magosto. Despois dun mes de choiva contínua foi un gustazo poder estar ao sol tomando unhas riquísimas castañas e unha deliciosa bica de Trives. Ademáis un grupo de alumnas de 1º e 3º de ESO acompañadas da profesora do departamento de comercio, Beatriz Lloves nos acompañaron tocando diversas pezas de música tradicional. Un merecido recoñecemento para elas polo seu detalle. Foi un rato moi agradable para nós e esperamos que todo o mundo o pasara igual de ben.
Tradicionalmente o 19 de abril celébrase o Día da bicicleta. Con ese motivo onte organizamos unha xornada arredor deste estupendo medio de transporte, co obxectivo de animar a nosa comunidade educativa a usar máis a bici. Máis liberdade, menos fumes, máis saúde, máis espazo, máis tempo libre...
Primeiro tivemos unha serie de charlas técnicas sobre mantemento e ergonomía da bicicleta e seguridade vial, e tamén puidemos coñecer as testemuñas de alumnos e profesores usuarios habituais de bicicleta. E despois saímos á rúa a por en práctica o aprendido. Fumos arredor de 50 persoas entre alumnos e profesores que collimos a bici e pedaleamos por Negreira adiante.
Queremos agradecer a axuda e inspiración da profesora de educación Física Nuria Castelao , a colaboración desinteresada de Manuel Rioseco, de Bicicletas Rioseco/ , do Concello de Negreira (en especial do departamento de cultura e deportes), da Policía Local e de Protección Civil sen os cales non poderíamos ter organizado unha actividade tan proveitosa.
Animar a todos a usar máis a bici e menos o coche, lembrar aos que sexades condutores de vehículos a motor que respetedes aos ciclistas, que son a parte máis débil na estrada, e ás autoridades que poden e deben facer máis a prol do uso da bicicleta e outros medios de transporte non contaminantes ( ralentizar tráfico, crear carrís e rutas específicas, bonificar o uso destes medios de transporte, etc...
Quedámonos cun bo sabor de boca e de seguro que repetiremos para o ano que ven.
AUTORIZACIÓN PARA A SAÍDA EN BICI (entregar asinada antes do 12 de abril)
RESULTADOS DAS ENQUISAS
Como todos os anos, o verán é época para facer arranxos e melloras no centro. Este curso estamos mellorando o aillamento térmico e acústico das aulas de 2º bacharelato, as máis frías do centro por situación e orientación. Aproveitaremos para cambiar a iluminación por outra máis moderna e optimizada. -> Confort térmico e visual e aforro enerxético. #traballando_pola_sostenibilidade
Acceso á guía de acceso e oferta de estudos nas 4 Escolas de Arte e Superiores de Deseño de Galicia (Santiago, Lugo, Ourense, A Coruña)
Un ano máis organizamos a Feira das Profesións 2024 en colaboración cos departamentos de orientación dos IES de Ames e Brión. Nesta edición contaremos con máis de 40 expositores entre os que se atopan centros que imparten ciclos formativos de FP, universidades, corpos e forzas de seguridade, profesionais independentes de distintos campos, empresas e administracións públicas. Este ano, como novidade, contaremos cun espazo no que terán lugar diversas charlas de orientación ás que o alumnado poderá asistir libremente se son do seu interese.
A feira terá lugar no pavillón polideportivo de Brión o xoves 4 de abril, e aparte de alumnado poderá asistir libremente o público xeral e as familias pola tarde entre as 16:00 e 18:30 horas. As 18:30 horas terá lugar o acto de clausura coa presenza das alcaldías dos tres concellos e representación das direccións dos centros organizadores.
Animámosvos a que visitedes a Feira pola tarde en familia, que de seguro vos axudará na toma de decisión da futura traxectoria académica e/ou profesional dos vosos fillos.
